周董又做老竇？昆凌晒新相孕味濃

Apr 9 - 17:55

周杰倫2014年同昆凌結婚，昆凌先後為他誕下大女「小周周」Hathaway和兒子「小小周」，不過今日昆凌貼咗張同大女嘅合照﹐相中嘅佢孕味超濃，網民紛紛猜測周董係咪又做老竇⋯

撰文：東方新地｜圖片：：東方新地、昆凌＠IG

今日昆凌喺社交網上載咗一張同「小周周」嘅合照，二人穿上母女裝，好有愛！昆凌條裙雖然係鬆身，但依然見到腹部有啲微隆，網友紛紛留言問佢係咪再度懷孕，但昆凌同周董都未有回應，解開網友的疑問。

昆凌先後為周杰倫誕下大女「小周周」Hathaway和兒子「小小周」！

周杰倫疑拍《頭文字D》昆凌來港做跟得夫人

周杰倫同余文樂早前齊齊現身中環，現場唔止出現咗一架白色嘅舊版及新版AE86，周圍也有工作人員在拍攝，個個都猜測係咪開拍《頭文字D》續集！而周杰倫連日在港工作，昆凌都有嚟做跟得夫人，真係見少一面都唔得！

之後一行人再往山頂取景，周董和余文樂在晚上8點左右離開山頂，又再坐車到尖沙咀海景餐廳，估唔到呢個時候昆凌隨後搭手扶梯出現，在工作人員陪同下進入餐廳，原來等埋老公食飯。