唐詩詠 洪永城合照超尷尬 馬明黃心穎無限放閃

昨日群星出席大台新搞作Big Big Channel的活動,過氣情侶同緋聞情侶在台前台後的表現,成為一大焦點。早前宣布分手的 唐詩詠 、洪永城在後台遇上,二人合照時企到離行離列,場面極尷尬。相反馬國明、黃心穎似乎因新劇《宮心計2深宮計》朝夕相對,多咗感情戲交流,越咀越愛。之後黃心穎在台上深情唱〈約定〉,馬國明好冧咁hold住招牌笑容,心穎接受訪問時仲話唔介意馬明被稱為自己男朋友!

唐詩詠 洪永城 分手後首同場

唐詩詠這位「不能錯過的女友」,自幾個月前同洪永城分手,似乎仍未走出陰霾,每次被問到放低咗洪永城未,佢都苦笑,話「要啲時間,慢慢來」。昨日二人自分手後第一次同場出show,台上二人無合作,一番到後台,記者們再次關心詩詠的近況,詩詠就望地下,繼續話「要慢慢,好難答要幾多時間」。詩詠亦話,二人當晚有交流過,但只係互相打招呼同講下近況。

延續閱讀:

孝順長女文凱玲 :一半人工畀屋企

老竇做教育局高官 何浩文屈住荃灣工廈

唐詩詠

 

詩詠接受完訪問離開時,恰巧洪永城經過,記者見勢立即要求二人合照。雖然佢哋都大方合照,但一開始企到中間隔成半個身位,之後先企近點,拍照時二人的笑容亦相當牽強。影完相後即彈開,一個行左邊、一個行右邊離開,零交流。洪永城之後就澄清二人之間無尷尬,但剛才沒想過要拍照,「有點反應不來」。

唐詩詠

 

唐詩詠

 

 

詩詠同洪永城都話暫時未有打算開始新戀情,一切隨緣,宜家會將時間放喺工作上。詩詠特別希望係發展下一段戀情前,先多了解對象,寧願拖長啲時間。而完成手頭上的工作後,會同幾名女性朋友去旅行。相反,洪永城似乎無咁sad,接受訪問時只話「宜家以工作為主,老土咁講囉~」

唐詩詠

 

洪永城

 

唐詩詠

 

另一邊廂,馬國明與黃心穎這對「偶像粉絲戀」逐漸浮面。二人近幾個月經常被影到進出對方的住處,佢哋亦一同為《深宮計》進行拍攝,日見夜見,仲有不少對手戲,咀得火熱。呢日《群星拱照Big Big Channel》上,黃心穎做蒙面歌后,甜美演唱〈約定〉,唱功一啲都唔差。主持人Dodo姐問馬國明猜猜她是誰,馬明有點不知所措,竟答係「咪咪姐(朱咪咪)」,Do姐立即質疑佢刻意另提別人,話佢心裏有數。馬明就笑著講「咪咪姐係咁㗎~佢個身型係咁。」黃心穎同咪咪姐身型似唔似,大家自己諗,難道馬明真係認唔出心穎BB的美腿同歌喉?

馬國明

 

黃心穎

 

黃心穎

 

馬國明

 

馬國明

 

節目後,心穎被問到是否憑歌寄意,佢雖然否認,但之後冧爆咁同記者講唔介意被人以男朋友稱呼馬明。馬明回應時亦無否認兩人關係,多次話「了解中」,而剛才表現尷尬,係唔明白點解點名要問自己。《深宮計》已經煞科,馬明同心穎無得再借拍劇,增進感情,之後或者要靠夜闖深閨再「了解」一下啦!

馬國明

 

馬國明

 

馬國明

 

馬國明

全文完