ft pic

唔驚伍允龍呷醋? 劉佩玥晒陳展鵬露點合照

《一屋老友記》大結局,緊接嘅《城寨英雄》又有視后胡定欣撐場,不過劇集播咗幾集,暫時最搶鏡竟然係大奸角李嘉同被姦少女林穎彤,唔同定欣又要步《一屋老友記》被滕麗名搶戲後塵,呢次再被搶fo?其實劇集出街冇耐,邊個跑出仲係未知之數,但男主角之一嘅陳展鵬,一人分飾兩角,又要除衫晒肌,就一定冧暈唔少粉絲!

延伸閱讀︰

明星撞鬼實錄 – 林峯篇

蘋果做餌 周汶錡囝囝萌爆學爬

陳展鵬為咗拍《城寨英雄》,開機前四個月已經密密做gym操肌。辛苦咗咁耐梗係要晒啦,除咗戲入面不時剝衫拍打戲,鏡頭後都要繼續晒!日前劉佩玥放咗二人合照上網,相中煎pang半裸上身man爆,兩個企到咁埋自拍,唔驚緋聞男友伍允龍呷醋咩?

戲中除咗煎pang要露,其餘男角包括伍允龍、袁偉豪都走唔甩!觀眾鍾意睇大隻仔,監製梗係要識做先有高收視啦!

煎pang今次擔正做男一,仲有份唱主題曲〈圍城》,與及同胡定欣唱片尾曲〈從未知道你最好〉。又主演又主唱,難怪煎pang呢套劇落足120分心機拍啦!

全文完