圈中模範夫妻 豹哥豹嫂恩愛祕訣

娛樂圈中愛侶一對對,大家經常都會見到佢哋在社交網站大放閃光彈,網民紛紛邊被閃邊俾like!婚前甜蜜幸福少不了,但婚後保持恩愛亦有難度,而圈中就有唔少婚後都長期「放閃」嘅模範夫妻, 單立文 同胡蓓蔚(豹哥及豹嫂)就係圈中公認嘅一對!依家一齊睇睇豹哥豹嫂相戀多年,究竟係點樣保持恩愛如昔呢?

豹哥及豹嫂自從1996年年底開始相戀,經過11年嘅愛情長跑,終於喺2008年拉埋天窗。豹哥曾經喺傳媒面前表示,拍拖時間長了就一定要結婚,因為結婚唔單止係兩個人嘅事,仲關乎家人及朋友。結婚,可以令豹嫂遠在上海嘅家人知道,女兒有一個安穩嘅男人可依靠。平時給俾感覺不羈嘅豹哥,原來心思相當細密,好man呀!

婚後8年,兩人依舊恩愛,大家一向都以為女生會比男生愛放恩愛照放閃,不過豹哥豹嫂就剛剛相反,豹哥經常大晒兩人嘅甜蜜合照,又會互相喺對方IG留下搞笑留言,旁人睇見都非常羨慕!豹哥表示大家相愛近21年,好似老夫老妻咁一樣,生活簡簡單單,冇咩特別。但為對方製造驚喜就一定要,例如雙方生日一定會為對方慶祝,可能平淡生活中的一絲絲驚喜,就係佢哋可以維持多年感情嘅要訣。

9

兩公婆又成日去不同地方旅行,不斷放閃相。

7

128

「唔經唔覺佢話跟咗我20年,一於同佢去巴黎⋯⋯⋯⋯⋯⋯⋯⋯人大肆慶祝一下,祝天下有情人知慳識儉,慳D啦,Honey。」老夫老妻,不一定要花一大筆錢去巴黎先浪漫嘅,去澳門一樣得!

有時會一齊接廣告,寓工作於娛樂,好恩愛咁一齊搵錢。

11

2

豹哥除咗對豹嫂好,同老婆嘅姊妹們都係咁老友,豹哥經常都會出席「胡說八道會」嘅聚會,又會一齊慶祝生日。唔怪得豹哥同豹嫂會恩愛咁多年啦!

3

4

全文完