國產女友Moka

國產女友Moka秘捧城城場

國產女友Moka秘捧城城場

「對你愛愛愛不完…」郭富城正在港舉行十五場「舞林密碼」巡迴個唱,晚晚勁歌熱舞玩智能舞台,晚晚令現場觀眾陷入瘋狂!猶記得2013年時,熊黛林以時任城嫂身份入場支持,仲同城城嚟個「世紀握手」!所以大家都非常關注城城現任女友方媛(Moka)會唔會到場呢?大家唔使再估啦,因為Moka昨晚低調現身!

閱讀更多:

話說城城向來都係單身貴族,身邊女伴多不勝數,不過感情生活就一直好神秘。但佢去年底竟然連番在微博放閃,公開與28歲上海模特兒Moka的戀情,令人大感震驚!可惜天王晒愛惹來大量負評,所以城城之後都冇再上載合照!

早前城城去到上海簽收全球僅限量32架嘅法拉利Ferrari FXXK超級跑車,仲揸新車參加「法拉利盃挑戰賽」,全程表現興奮!呢個重要時刻,Moka當然要親身見證啦!佢當日戴住黑超、穿黑色低胸背心晒線,再襯紅色工人褲,成個賽車女郎咁。雖然兩人未有公開合照,不過都可見Moka地位超然!

其實城城開show前,已經被問及女友會唔會捧場,當時城城就話對方一定會嚟,而且仲為自己打氣!而昨日Moka終於現身!

呢日Moka首次入紅館撐城城,都係束一個佢近期至愛的All Back髮型,而且仲有前同門師姐陳靜(Dada) 陪同。由於Moka唔太識廣東話,所以不時都要Dada幫手做翻譯。雖然城城在台上沒有提及過女友的名字,不過期間城城望住Moka唱〈對你愛不完〉,Moka肯定開心到震!

全文完