城城 方媛

城嫂方媛母憑女貴 城城變有腳天王

最新娛聞

廣告

郭富城肯為方媛放棄整個森林,由「無腳雀仔」變「有腳天王」,婚前婚後變化之大有目共睹⋯⋯

撰文:東方新地|圖片:新傳媒圖片、Instagram、微博

城城 變愛妻號

今年六月底,城城陪老婆方媛返回位於安徽蕪湖南陵縣的家鄉再擺酒,更帶埋當時只得9個月大囡囡見鄉親父老逐枱敬酒,抱住囡囡的城城慈父冧樣盡現,臉仔肥嘟嘟的小 公主仲將手仔放在爸爸胸膛上,超可愛!

閒時城城又拖妻外出拍拖睇戲,同以前與熊黛林偷 偷摸摸拍拖差天共地。

方媛 追仔惡晒

廿四孝好老公城城早前不用開工,撇甩囡囡陪老婆外出二人世界撐枱腳,兩公婆到灣仔歎辣蟹,離開時城城手上仲攞住大袋外賣,可能是打包返去畀母親及岳父岳母享用,行去攞車期間,城城更十指緊扣拖實老婆行,幸福閃爆真係好燦眼!

城城揸機街拍

有城城拖實出巡都未夠閃,方媛仲放相上社交網,變身Model街拍,原來呢張相亦由老公揸機。

@mokafy 分享的貼文 張貼

母憑女貴

幾時都話生女好,方媛與母親同樣都是母憑女貴,一個係「城嫂」,一個係「城城岳母」,閒時high tea行名店,母女齊升呢!

🌈胖胖哒😬
@ mokafy 分享的貼文 於 張貼

😘好认真弹琴的样子👏
@ mokafy 分享的貼文 於 張貼

岳父岳母增援

一個女仔嫁來香港,老公城城又經常外出工作不在港,方媛人生路不熟,生女後即吹雞叫 阿爸阿媽來港幫手湊孫,日前更全家總動員加外傭一齊外出。城城女兒Chant著住條螢光粉紅裙仔,戴住花花頭飾好搶眼。

當日方媛call定七人車在寓所門口等候,大熱天時在T恤外再加件牛仔褸,見到都覺熱,而方媛雖未明顯見肚,但從這角度可見其腰有點粗。

扭眼瞓

方媛一行五人去到海洋公園的大門口,突然企定唔郁,這時囡囡打晒喊露捽晒眼仔,更打開雙臂要媽咪抱。當日天氣酷熱,方媛父親亦曬到面有難色。

扭抱

上落車唔抱女

由出發上車到落車,囡囡都由婆婆全程抱住,到達海洋公園時婆孫與外傭先落車,方媛與父親尾隨。

短短15分鐘車程,阿女在車內換了一件米色左胸有隻大蝴蝶的裙仔,一歲人仔非常精靈,皮膚白滑愈來愈似媽咪。

到此一遊

在大門口企咗五分鐘,抱住女的方媛最後決定放棄入園,眾人又行番去停車場搵司機上番車,然後打道回城堡,歷時唔夠一個鐘的自由行結束。

打道回府

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!