ft pic

堅持同媽咪住 馬國明2千萬買樓做業主

TVB小生所剩無幾,有外型有演技有觀眾緣嘅更加唔多,馬國明都算係其中一個!入行多年,由路人甲做起嘅馬明對TVB非常忠心,從未跳草裙舞扭計,最近馬明同TVB續約,據知除咗人工加咗,連自由度都比以前大,可以接多啲內地登台賺人仔!搵到錢,孝順仔馬明最近一擲1,960萬做業主,同父母換大屋住好啲!

延伸閱讀︰

拳佬親眼睇住花曼慘死

新歡曝光 法拉嗒法籍哈佛才子

42歲馬明入行多年搵落唔少,但今次竟然係首次做業主!馬明6月頭以1,960萬買入太古城金楓閣頂層單位,實用面樍達1,046呎,一家三口夠晒住!為咗賺錢供樓,馬明劇接劇冇停手,又頻頻出商場騷,賺得一蚊得一蚊!

對上有兩個孖生家姐、身為家中獨子嘅馬明,一向對父母非常孝順,更堅持唔搬出去,婚前婚後都要同屋企人住!今次馬明豪擲2千萬買樓,都係想爸爸媽媽住得舒服,呢啲廿四孝乖仔去邊度搵呀?

 

全文完