劉德華

墮馬後首露面 劉德華 正式復工 唔使枴杖

最新娛聞

廣告

劉德華 今年1月喺泰國拍廣告時 墮馬 受傷,停工休養足足大半年,終於復工!劉華今日(8日)現身北京康萊德酒店,為其監製兼主演嘅新片《俠盜聯盟》宣傳,有份演嘅舒淇、楊祐寧、張靜初、尚連奴同馮德倫等現身,而今年初 墮馬 受傷嘅劉華壓軸出場,見佢唔使人扶更唔使用枴杖,精神奕奕,相信一眾fans見到劉華康復最開心。

PHOTO:新傳媒資料庫、《俠盜聯盟》微博、劉德華官網

墮馬後首露面 劉德華 復工唔使枴杖

一眾演員先介紹自己嘅角色,及後MC話仲有一位演員,即播出華仔金曲〈忘情水〉,場內傳出歡呼聲,華仔在歡呼聲下步出,着住深藍色西裝、暗紅色呔、白色裇衫嘅華仔,冇用枴杖都唔使人扶,邊笑邊拍手上台,華仔喺台上話:「我很好,對不起!過去半年要大家操心,現在我又返回到半年前,仍然可以跟大家說說笑笑,跑跑跳跳。」

延伸閱讀:

進軍飲食界 唐詩詠 王浩信 一拍即合開cafe

藐同性做咪霸 劉佩玥 麥明詩直播開火

 

 

 

 

舒淇、馮德倫同台

劉華主動帶台上嘅舒淇同馮德倫就坐,然後自己先坐低。喺戲中飾演神偷嘅劉華喺玩遊戲前行到台邊,介紹戲中要偷嘅道具「蓋亞」,再返回座位玩問答遊戲。

 

 

 

 

 

比原定早半年康復

今年1月劉華喺泰國拍廣告墮馬造成盆骨多處骨折同筋腱肌肉拉傷,由專機送返港就醫,最初預計要停工休養一年,不過劉華意志力強,依家已經康復仲正式復工。劉華接受訪問表示好享受呢半年養傷生活,但佢亦冇偷懶:「我每天都為自己的明天運動。」對於將來會唔會再拍動作仍是未知之數。其實拍咩都好,只要見到劉華冇事粉絲就最開心喇!

 

 

 

 

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!