胡渭康

大叔的愛無界限 《愛‧回家》Terry 黐實51歲胡渭康

學似校長譚詠麟話齋,年紀輕輕青靚白淨叫小鮮肉,一把年紀似食咗防腐劑一樣嗰啲叫午餐肉。圈中除咗盛產美魔女,其實午餐肉都好多,82年參加新秀、組團做過香港第一代boy band小虎隊嘅胡渭康就係其中一個。年過半百依然一身肌肉顏值高企,14年回流電視台劇接劇備受重用,本來已經交遊廣闊朋友滿天下,拍攝《愛‧回家之開心速遞》又有仰慕者,同相差12年「Terry」李偉健突然變密友!

撰文:東方新地|圖片:Instagram

Terry黐實51歲胡渭康 靠大叔擴闊朋友圈

《愛‧回家開心速遞》Terry李偉健同KC歐瑞偉譜出忘年大叔似層層曖昧關係就話係劇情需要,又食正日劇《大叔的愛》熱潮,實情Terry戲裡有大叔緣,戲外單身多年亦一樣嚮往與同性朋友畫至愛水彩漫畫消磨時間。最近在Terry個人社交網,他與同劇演員、51歲胡渭康曝光率突然激增,據知情人士透露,未婚又冇另一半阻手阻腳,Terry與同樣愛好健身又貪靚的胡渭康特別傾得埋,自然投緣。

胡渭康
係畫畫高手、自稱畫界「小甜健」的Terry李偉健同胡渭康因拍劇結緣,仲好識做親筆畫番個靚到閃令令嘅肖像畫送畀最新忘年密友。

出道36年,八十年代憑小虎隊紅極一時,不過合久必分三位成員各行各路,胡渭康早年亦從香港消聲匿跡,一度移民英國更任職過名店售貨員。11年食住懷舊潮捲土重來,已經入「五」但肌肉容顏逆齡發展自然機會多多,加上交遊廣闊,登台、電影、舞台劇然後入電視台瓣瓣撈得掂,更碼實林建名成為大名娛樂旗下新貴,12年開完演唱會,今年初假麥花臣場館再唱過。相反Terry李偉健遲起步知名度又一般,有得同資深藝人發展友誼,Terry特別殷勤又肉緊,知情者說:「就嚟40歲先憑處境劇叫做有人識,Terry知道keep住個勢對事業發展幫助好大。日日喺電視台趕劇冇得擴展交友圈,所以同胡渭康一拍即合後,Terry都好識做,噓寒問暖、一齊食一齊玩又約埋一齊健身,始終胡渭康入行三十幾年、識咗幾輩圈中人,呢啲忘年朋友真係交得過!」能成為密友總帶著愛,唔同年代都可以打破隔膜。

胡渭康
為劇情需要同KC咀完又咀、大叔的愛令李偉健同歐瑞偉人氣急升,而劇外Terry就因為KC埋到胡渭康堆,近日交往甚密。

Terry

胡渭康
二人都係單身、又有鋪操肌癮,據知情人士透露李偉健以新人自居,對胡渭康既殷勤又尊敬,所以特別投緣。

Terry

保鮮至強

雖然八十年代出道、如今已經年過半百,但胡渭康貪靚勤健身,又會去美容、啪骨玩瑜伽,好似食咗防腐劑咁!

胡渭康

胡渭康(@huwaihongwilliam)分享的貼文 張貼

最近仲玩埋大熱美圖apps變身瓔珞,即使男兒身年紀都係吳謹言一倍,竟然又零違和感!

胡渭康(@huwaihongwilliam)分享的貼文 張貼

胡渭康(@huwaihongwilliam)分享的貼文 張貼

瓣數多多,拍劇拍戲又出海登台,胡渭康還拉埋小虎隊拍檔 林利一齊搵食,不過52歲林利就顯然不及胡渭康keep得好。

胡渭康

胡渭康
近日胡渭康一時興起狂po舊照緬懷過去,有相為證,82年同梅姐同屆新秀、83年又同哥哥主持音樂節目,無論年齡定輩份,胡渭康都比李偉健隔了幾代。

胡渭康

同性緣強

同性緣特別好,胡渭康身邊唔係只得後輩男性包圍,11年回流後簽做大名旗下藝人,同老闆林建名一樣投契!

胡渭康(@huwaihongwilliam)分享的貼文 張貼

雖然出道多年一直單身,不過胡渭康亦不愁寂寞,生活消閒大把密友陪伴,最近不慎扭親,即在IG自爆有大隻鮮活男性密友送上柺杖體貼送返工。

好兄弟感謝您🙏 @kelvinyuenyip #特登送支柺杖嚟 #又護送我去返工 #thankyou #真係會有人讓座㗎 #happylife

胡渭康(@huwaihongwilliam)分享的貼文 於 張貼

Keep得到外形保鮮身材爆肌背後唔少得勤做運動勤力保養,去親健身室都有三個男教練圍住服侍令他更有動力。

胡渭康(@huwaihongwilliam)分享的貼文 張貼

除咗新近混熟的Terry,胡渭康在公在私都朋友多多,亦清一色都係同性,連喺私竇隊至愛榴槤都搵到好腳一齊食。

胡渭康(@huwaihongwilliam)分享的貼文 張貼