大奶奶

大奶奶呀喂 麥明詩胸前晒椰青

完成巴西奧運採訪工作後,麥明詩未有立即返港,反而出外旅行輕鬆一下!今日佢於IG晒一個人歎兩個椰青相,留言:「清熱降火,好嘢梗係打孖嚟,忍笑。」而焦點完全落喺佢胸前兩個椰青度,令網友聯想到麥明詩變成大奶奶!

延伸閱讀:

《城寨英雄》朝霞慘死 觀眾哭崩

花曼半夜喊住寫遺書

網友驚嘆:好大呀

雖然寨卡病毒於巴西肆虐,而麥明詩直認曾於當地被蚊叮,但無損佢旅行心情!日前,麥明詩出外旅行,將兩個椰青托喺胸前純粹搞笑,不過,網友有另一番睇法,笑言麥明詩放椰青位置好尷尬;有啲笑言又大又墜手又多汁,多汁?咁都睇得出?有人更直指好大喎!

屬有料之人

呢排《東張西望》各女主持都流行穿貼身白tee晒激凸上圍,就連麥明詩都被感染,去里約工作時都穿白色緊身衫晒好身材!此外,麥明詩平時都喜歡穿露腰裝,實行有好嘢同大家些牙!

大過沈大師

麥明詩出席TVB大型節目先以性感打扮示人,某日同沈大師沈卓盈合照,麥明詩完全將對方比下去!另外,雖然曾被網民指堅離地,但麥明詩都同大家一樣會去食車仔麵,貼地之餘更不經意晒線,真係估你唔到!

全文完