大整蠱

農夫 艾粒主持《大整蠱》 玩喊藝人 《愛回家》成重災區 Bob繼《玩嘢王》後再被玩

最新娛聞

廣告

為對打ViuTV近日熱爆的遊戲節目《考有Feel》,無綫極速推出由艾粒和農夫主持的新節目《大整蠱》作硬撼,這個新節目重點顧名思義當然係玩遍全無綫藝人,首先慘遭整蠱的是日日要返電視城開工的處境劇《愛·回家之開心速遞》一眾藝人,此外仲有曾在《玩嘢王》被李思捷大整蠱過的Bob(林盛斌),今次又再在開工做司儀時慘被整蠱!

文:東方新地|圖:當奴、Bob及湯盈盈IG圖片、無綫影片截圖

《大整蠱》硬撼《考有Feel》

無綫上月開記者會宣布即將推出一連9個新綜藝節目,其中一個節目連名都未定好,就叫《艾粒X農夫 特備節目》,當日農夫C君還建議了三個節目名,包括「忠於鄭裕玲」、「今晚好想Do」和「原來我係人」,叫網民幫手揀,而講到節目內容,四位主持都係含糊其詞,只表示「幫Do姐(鄭裕玲)搵接班人」,對於嘉賓方面亦未有多透露。

無綫《大整蠱》出預告 《愛回家》成重災區 Bob繼《玩嘢王》後再被玩
農夫C君(左一)、陸永(右一)同艾粒嘅少爺占(左二)、當奴(右二)一齊主持新節目《大整蠱》。
無綫《大整蠱》出預告 《愛回家》成重災區 Bob繼《玩嘢王》後再被玩
上月尾曾志偉率領一眾藝人舉行記者會,公布綜藝大改革,當日農夫及艾粒主持的全新節目連名都未諗好,當時C君畀咗三個選項叫網民幫手揀揀。

由節目名、形式以至嘉賓都未有詳情之下,近日終於公布新節目叫《大整蠱》,講到明都是整蠱藝人節目,將由下周一(4月19日)起於逢星期一至五晚上10點半至11點在無綫翡翠台首播,同ViuTV近日熱爆的遊戲節目《考有Feel》於同時段打正對台,共有20集的《考有Feel》早前由4月5日起播出,將會播到4月30日(星期五),而只有10集的《大整蠱》則會由4月19日播到4月30日,擺明硬撼對台搶收視。

無綫《大整蠱》出預告 《愛回家》成重災區 Bob繼《玩嘢王》後再被玩
《大整蠱》將會和ViuTV以MIRROR與ERROR對決的遊戲節目《考有Feel》打正對台。
無綫《大整蠱》出預告 《愛回家》成重災區 Bob繼《玩嘢王》後再被玩
估唔到當時一齊出席活動嘅Bob都係其中一個被整蠱嘅對象。

豹哥被激嬲

《大整蠱》播出首個預告,自稱「可能係電視史上最冇底線嘅整蠱節目」,片中見到有大量處境劇《愛·回家之開心速遞》藝人,包括湯盈盈、單立文、呂慧儀、許家傑、周嘉洛、姚瑩瑩等都成為被整蠱的對象,其中「豹哥」單立文表現更似乎非常激動,大大聲嬲爆話:「邊個想咁㗎?」令人想知道到底發生咗咩事?

無綫《大整蠱》出預告 《愛回家》成重災區 Bob繼《玩嘢王》後再被玩

大整蠱 湯盈盈似在被玩後大笑。
湯盈盈似在被玩後大笑。
大整蠱 「長腳蟹」呂慧儀都有喪笑。
「長腳蟹」呂慧儀都有喪笑。
大整蠱 「送水輝」許家傑個樣都好激動。
「送水輝」許家傑個樣都好激動。
大整蠱 「金城安」周嘉洛。
「金城安」周嘉洛。
大整蠱 仲有姚瑩瑩。
仲有姚瑩瑩。
大整蠱 多個《愛回家》藝人都有份被玩。
多個《愛回家》藝人都有份被玩。

Bob相隔八年再被玩

此外片中還見到8年前曾在《玩嘢王》被李思捷大整蠱過的Bob現身,當時他貌似正身在一個大型慈善活動上,同馮盈盈拍檔做司儀,不過馮盈盈似乎係夾埋整蠱Bob的一份子,最後亮出一幅寫著「我真係整蠱你」的巨型Banner,令Bob睇到目定口呆。

大整蠱 片中Jumbo曾淑雅頭耷耷唔知做乜。
片中港姐亞軍陳楨怡頭耷耷唔知做乜。
大整蠱 之後活動現場似乎發生咗騷亂,Bob拉住馮盈盈逃走之餘,仲揸實支咪,堅持完成司儀工作。
之後活動現場似乎發生咗騷亂,Bob拉住馮盈盈逃走之餘,仲揸實支咪,堅持完成司儀工作。
大整蠱 Bob向上望,等Banner放落嚟。
Bob向上望,等Banner放落嚟。
大整蠱 點知個巨型Banner上面寫住「我真係整蠱你」。
點知個巨型Banner上面寫住「我真係整蠱你」。
大整蠱 Bob睇到目定口呆。
Bob睇到目瞪口呆。
大整蠱 後面有份整蠱Bob嘅馮盈盈就笑到四萬咁口。
後面有份整蠱Bob嘅馮盈盈就笑到四萬咁口。
大整蠱 Bob都忍唔住追打馮盈盈!
最後Bob都忍唔住追打馮盈盈!

Bob曾在李思捷2013年主持的《玩嘢王》首集被玩,當時李思捷擺下十幾圍酒席,動員數十人喪玩婚禮司儀阿Bob,面對結婚蛋糕跌落地、思捷醉酒鬧事、舊愛搶新娘及契爺暈低等突發事,阿Bob執生功力一流,因而被封「MC執生王」!

無綫《大整蠱》出預告 《愛回家》成重災區 Bob繼《玩嘢王》後再被玩
李思捷主持的《玩嘢王》當年在2013年4月20日首播,與現在的新節目剛好相隔8年。
大整蠱 當年Bob得知被玩後曾經黑面嬲爆。
當時阿Bob最後得知被李思捷玩後曾黑晒面,仲話:「李思捷!我一定還番畀你!」

當年只有短短7集的《玩嘢王》,曾被指整蠱橋段明抄KB(李健宏)掌舵的網上整蠱節目《玩爆你個腎》,節目中部分整蠱更因太過火而惹來觀眾投訴,但節目自播出後收視節節節上升,平均收視最高更有23點,勝過當時黃金時段的劇集《金枝慾孽貳》,李思捷亦因此成為大功臣,人氣急升。

大整蠱 當年第三集,鍾嘉欣扮喊反整蠱魔術師Louis(甄澤權),令她被網民大讚演技了得,封為民間視后。
除了Bob外,當年第三集,鍾嘉欣扮喊反整蠱魔術師Louis(甄澤權),亦曾引起網民熱議,令鍾嘉欣被網民大讚演技了得,封為民間視后。

林穎彤爆嘁

今次無綫再做整蠱節目,換上艾粒和農夫做主持,整蠱對象範圍似乎擴大了不少,光是預告片已有近廿個藝人被整蠱,除了《愛·回家》藝人和Bob外,還有馮盈盈、黃建東、傅嘉莉、鄭融、吳若希、蔡嘉欣、林穎彤、周奕瑋、陳婉衡等多個藝人,片中更見到林穎彤激動流淚,唔通畀佢哋嚇到喊?

大整蠱 唔知發生咗咩事,令林穎彤掩面痛哭。
唔知發生咗咩事,令林穎彤掩面痛哭。
大整蠱 「波波」黃凱儀黑面兼叉晒腰。
而《後生仔》主持之一的Jojo黃紫恩(前名黃芷欣)黑面兼叉晒腰。
無綫《大整蠱》出預告 《愛回家》成重災區 Bob繼《玩嘢王》後再被玩
馮盈盈完全忍唔到笑。
大整蠱 周奕瑋就激動到彈起。
周奕瑋就激動到彈起。
大整蠱 黃建東。
黃建東。
大整蠱 陳婉衡。
陳婉衡。
無綫《大整蠱》出預告 《愛回家》成重災區 Bob繼《玩嘢王》後再被玩
鄭融。
無綫《大整蠱》出預告 《愛回家》成重災區 Bob繼《玩嘢王》後再被玩
吳若希笑到眼紋都出晒嚟。
無綫《大整蠱》出預告 《愛回家》成重災區 Bob繼《玩嘢王》後再被玩
仲有同樣係《姊妹淘》主持嘅蔡嘉欣。
無綫《大整蠱》出預告 《愛回家》成重災區 Bob繼《玩嘢王》後再被玩
同埋傅嘉莉。

讀者留言