大時代

慳妹周慧敏發文賀《大時代》30周年 重溫10大金句cap圖講中港人抗疫心聲

最新娛聞

韋家輝監製、1992年的無綫神劇《大時代》雖屬上世紀劇集,但就算《大時代》N次重播,觀眾仍然會一窩蜂追看,眨吓眼今年已經係《大時代》播出30周年,女主角飾演阮梅「慳妹」的周慧敏(Vivian),感嘆時間過得快,感謝大家多年來都記得「慳妹」!

大時代 54歲周慧敏發文講《大時代》今年30周年,周慧敏被網民大讚靚樣氣質三十年不變﹗
54歲周慧敏發文講《大時代》今年30周年,周慧敏被網民大讚靚樣氣質三十年不變﹗(圖片來源:[email protected]周慧敏)

《大時代》30周年 周慧敏感嘆:時間過得有這麼快嗎?

今年是《大時代》播出30周年,周慧敏社交網分享了一段由網友製作的慳妹小視頻,並感慨表示:「Facebook和微博的朋友都在提我今年是《大時代》的30周年了,時間過得有這麼快嗎?明明是歷歷在目,大概是這幾年常常看到網友製造這些慳妹小視頻分享,讓我覺得近在咫尺,其實確是那麼的遙遠!剛巧今天在微博看到有網友發了這段小視頻,有心啊,也讓我會心微笑,慳妹這個傻瓜!」她又提到「小猶太」這個名字,原來國語版《大時代》「慳妹」被改稱為「小猶太」,意指愛精打細算的人。

網友分享周慧敏閃卡 力讚:咁多年都咁正

周慧敏出po又再掀起網友的集體回憶,紛紛留言大讚「慳妹傻瓜得嚟好可愛」、「永遠的慳妹」、「超級經典」、「百看不厭的大時代」、「咁多年都咁正」、「數十年如一日」,又指「慳妹真係一個難得嘅好女仔,相信絕大部份男仔都希望有一個好似慳妺咁嘅老婆」等等,亦有不少網友在回味慳妹當年的美貌之餘,又搵出多年前儲落的周慧敏閃卡,和大家分享。

有網友還翻找出劉青雲和周慧敏唯一一次在台上合唱《紅河村》的影片,這段影片由周慧敏前年在其個人YouTube頻道中所分享:

《大時代》金句講中港人抗疫心聲

神劇《大時代》真係名不虛傳,劇中金句到今時今日仍令人津津樂道,當中狂人丁蟹的種種情節和畫面,「技術性調整」、「畀次機會吖老細」等對白更是網友cap圖至愛!正當全世界都為新冠肺炎疫情搞到雞毛鴨血,人人都要社區隔離時,有網友更翻出《大時代》丁蟹由台灣潛逃回港後的一段,來說出香港人的「抗疫」心情:

大時代 丁蟹坐在樓梯既無奈又怒氣地,對佢老母講:「我覺得自己好悲哀,失去自我,每日不是在家,就是超級市場,不是超級市場就是家裡,來來去去這兩個地方,行遠些又怕差人拉。」
丁蟹坐在樓梯既無奈又怒氣地,對佢老母講:「我覺得自己好悲哀,失去自我,每日不是在家,就是超級市場,不是超級市場就是家裡,來來去去這兩個地方,行遠些又怕差人拉。」(圖片來源:TVB《大時代》截圖)

值得留意嘅係,呢一幕後續,就係丁蟹講阿媽唔忍心個仔被「隔離」,帶佢走去見阿玲,結果就釀成劇集後半段方家與丁家法庭對決,以及方家滅門的大悲劇⋯⋯

大時代 講咁多原來係為咗氹阿媽帶佢去見阿玲
講咁多原來係為咗𠱁阿媽帶佢去見阿玲。(圖片來源:TVB《大時代》截圖)
大時代 「你又話阿玲過得好好,點解佢要揸小巴,群埋男人堆⋯⋯」
「你又話阿玲過得好好,點解佢要揸小巴,群埋男人堆⋯⋯」(圖片來源:TVB《大時代》截圖)
大時代 之後就係恐怖的相認場面了⋯⋯
之後就係恐怖的相認場面了⋯⋯(圖片來源:TVB《大時代》截圖)

返回主題!重溫神劇《大時代》10大必儲金句cap圖:

唔止觀眾將《大時代》視作為經典,《無間道》編劇及導演莊文強甚至向記者透露自己「每年都會重溫一次《大時代》」,更表示所有學寫劇本的人都應該看一遍《大時代》,劇中人物刻劃深刻,金句歷久不衰,精選10大金句,讓大家回味一番!

01|「18年後又一條好漢!」

第一集演丁蟹嘅秋官帶住4個仔丁孝蟹、丁益蟹、丁利蟹、丁旺蟹站於天台上,因炒股失利,由身家50億變成負債數十億,於是有呢幕跳樓都唔掂嘅震撼畫面!而丁蟹激動向兒子狂呼「唔好衰畀人睇」、「18年後又一條好漢」為無膽自殺嘅兒子壯膽,認真癲!

大時代 「18年後又一條好漢!」、「唔好衰俾人睇」
「18年後又一條好漢!」、「唔好衰畀人睇」(圖片來源:TVB《大時代》截圖)
《大時代》10大必存cap圖...「係技術性調整 唔使驚」!
跳樓呢幕經典場面就喺第一集就出現!(圖片來源:TVB《大時代》截圖)
仲有《大時代》嘅丁益蟹(陶大宇)呢個表情包⋯⋯
仲有《大時代》嘅丁益蟹(陶大宇)呢個表情包⋯⋯(圖片來源:TVB《大時代》截圖)

02|「畀次機會吖,老細」

方進新(劉松仁飾)畀丁蟹打到手腳殘咗,惟有去疊報紙,點知畀老細嫌手腳慢,為免被炒向老闆跪求:「我被人打壞個腦,做得唔好。今日做唔好,唔要錢,聽日做唔好,唔要錢。」事隔廿年睇番都眼濕濕呀陰公!

《大時代》10大必存cap圖...「係技術性調整 唔使驚」!
方進新被丁蟹打到變殘廢,非常陰公。(圖片來源:TVB《大時代》截圖)
大時代 「畀次機會吖,老細」
「畀次機會吖,老細」(圖片來源:TVB《大時代》截圖)
大時代 20130101_dfff9faf33645efb08c74VzBtyhEHtHs
劉松仁呢幕戲睇到人眼濕濕!(圖片來源:TVB《大時代》截圖)

03 |「人善人欺天不欺」

滿腦子歪理嘅丁蟹嘅做人左右銘,自認為係好人,即使親手殺死方進新都死不悔改,更認為係對方迫他才釀成悲劇!

大時代 1
「人善人欺天不欺」(圖片來源:TVB《大時代》截圖)
大時代 「人善人欺天不欺、人惡人怕天不怕」
「人善人欺天不欺、人惡人怕天不怕」(圖片來源:TVB《大時代》截圖)

04 |「係技術性調整 唔使驚」

結局「大奇跡日」,丁蟹5父子輸到破產都唔掂,天地不怕嘅丁蟹於崩潰一刻,仲識得自我安慰!而「技術性調整」更成為日後好多股市專家嘅口頭禪!

大時代 「唔好驚,係技術性調整,唔好驚。」
「唔好驚,係技術性調整,唔好驚。」(圖片來源:TVB《大時代》截圖)
大時代 2015年《100毛》雜誌封面曾經邀請陶傑重演這個畫面,變成「技術性抽水」。
2015年《100毛》雜誌封面曾經邀請陶傑重演這個畫面,變成「技術性抽水」。(圖片來源:[email protected]毛)

05 | 「咁多人死、唔見你死!」

陳萬賢對於丁蟹死纏感到好唔耐煩,於是鬧走對方,就拋出呢句超級經典金句,點知錯有錯着,丁蟹以為係股市必勝之法,喺股市大好形勢下,人哋買升佢買跌,最後就咁發達。

大時代 陳萬賢:「咁多人死唔見你死!」
陳萬賢:「咁多人死唔見你死!」(圖片來源:TVB《大時代》截圖)

06 | 「趁地腍(淋)啦!」

「趁地腍」指土地鬆軟,引伸為容易掘地埋屍!陳萬賢為打發丁蟹而亂噏嘅說話,表面醒佢貼士,其實想跣丁蟹,點知傻人有傻福,反而令丁蟹一夜暴發!

大時代 陳萬賢:「趁地腍!」
陳萬賢:「趁地腍!」(圖片來源:TVB《大時代》截圖)

07 |「一個人要成功 就一定要找自己世界」

葉天教徙弟方展博第一招,並非咩投資法,而係呢句說話!查實此金句極之適合現今80、90後用,勉勵大家要有夢想,否則同條鹹魚冇分別!

《大時代》股神葉天金句: 「一個人要成功,就要搵到自己嘅世界。」
《大時代》股神葉天金句: 「一個人要成功,就要搵到自己嘅世界。」(圖片來源:TVB《大時代》截圖)

08|股票之道在於人棄我取

丁蟹向股壇大鱷陳萬賢(江毅飾)取經,陳萬賢為hea走對方,求祈拋出金句。而呢幾句由韋家輝創作嘅神級對白,成為現實股票投資心法,更係好多網上股票論壇至hit cap圖!

大時代 3
「股票之道,在於人棄我取。」(圖片來源:TVB《大時代》截圖)
大時代 4
「當大家買跌嘅時候,你一定要買升!」(圖片來源:TVB《大時代》截圖)

09|「我方展博要發達」

好似罰抄咁寫低無限句自我鞭策自我催眠式說話,再不斷同自己講,唔知係咪呢場戲,往後好多保險人都有樣學樣,對住塊鏡同自己講我一定掂呢?!

大時代 7
自我催眠「我方展博要發達」最尾結局時真係得咗!(圖片來源:TVB《大時代》截圖)

10|「貪心輸錢贏」

人人皆都愛錢,尤其個個都想趁股市上升時撈番筆!劇中股神、方展博嘅師父葉天(羅樂林飾)臨終時,將股票必勝訣傳授畀徒弟。其意指玩股票嘅人愈貪最後只會輸得愈甘,而炒股嘅網民經常cap番呢段經典對白,叫人及早斬攬!

大時代 10
「貪心輸錢贏,輸血不輸錢。」(圖片來源:TVB《大時代》截圖)

未完,丁蟹金句仲有以下呢啲,都非常經典!

大時代 丁蟹:「你係唔係神經錯亂啊?」
丁蟹:「你係唔係神經錯亂啊?」(圖片來源:TVB《大時代》截圖)
大時代 丁蟹:「你係唔係神經錯亂啊?」X2
丁蟹:「你係唔係神經錯亂啊?」X2(圖片來源:TVB《大時代》截圖)
大時代 丁蟹:「我無心㗎!」
丁蟹:「我再講一次,我無心㗎!」(圖片來源:TVB《大時代》截圖)
大時代 丁蟹:「你搵摺櫈打我?!」
丁蟹:「你搵摺櫈打我?!」(圖片來源:TVB《大時代》截圖)
大時代 丁蟹:「三十年朋友!」
丁蟹:「三十年朋友!」(圖片來源:TVB《大時代》截圖)

撰文:東方新地圖片來源:[email protected]周慧敏 Vivian Chow、TVB《大時代》截圖、新傳媒照片庫資料或影片來源:[email protected]@周慧敏 Vivian Chow

讀者留言