徐熙媛

大S徐熙媛陀第二胎時險死 汪小菲 親身做人工呼吸…

大S徐熙媛同汪小菲成日都喺微博放閃,有幾恩愛係人都知!10月6日係大S嘅42歲生日,老公汪小菲喺微博PO相同老婆緊緊相擁嘅黑白照,同老婆講聲生日快樂,一啲都唔出奇!但係汪小菲最近推出嘅自傳,就進一步透露佢哋夫妻間更多不為人知嘅故事,例如喺大S陀第二胎嘅時候,佢哋就曾經一齊經歷生死!

原文:Sunday kiss 圖片:汪小菲、徐熙媛微博

汪小菲 大S 見面4次就訂婚

汪小菲同大S嘅相識就好像童話故事咁,二人一見鍾情,只係識咗20日,見咗4次面就訂婚,至今共歷8個年頭,育有一子一女,一切一切都向一直唔睇好佢哋呢段姊弟戀嘅人證明,佢哋就係代表真愛!

大S

喺汪小菲最近發表嘅自傳當中,就提到一件佢哋夫妻一同經歷生死嘅往事!兩年前,大S生細仔汪希箖嘅時候,曾因癲癇發作缺氧昏迷,一度呼吸心跳停止,甚至一度失去記憶,一覺醒來,人已經安然返到屋企 ,完全唔知道自己10日之前,已經生咗個BB出嚟我。

當時大S被送入ICU,汪小菲就對外宣稱,大S因為產後體力不支、腹部絞痛、對止痛藥過敏,導致出現昏迷和瞬間缺氧的症狀,經過急救後,被送到ICU觀察,已無大礙。

直到近日,汪小菲至喺個人自傳中透露,當時情況係有幾驚險!佢提到老婆產後狀況不佳,雖然經過治療逐漸平穩,原以為可以稍為放心,點知危機竟然再次降臨!

突然有一日,大S仍在月子中心,瞓喺床上面,突然抽搐,成塊面瞬間開始腫脹變紫,無論點哪佢,佢都冇反應,而最令汪小菲不知所措嘅係,當時佢發現大S已經冇咗呼吸⋯⋯

當時,汪小菲自己都幾乎嚇到心跳停頓,但係佢不斷同自己講要冷靜,當冷靜落嚟之後,心中盤算如果由月子中心跑去醫院,肯定會趕唔切,就算救得番,大S都會因為腦部缺氧時間太長,而變成植物人!

汪小菲形容在當時嘅情況係:「總算體會到『什麼是絕望,什麼是叫天天不應,叫地地不應』。」

喺咁驚險嘅情況下,汪小菲決定幫大S進行人工呼吸,按照之前上過嘅急救課程,不斷拼命按壓大S嘅胸口,每一下都好似乞求緊上蒼,救佢老婆一命。

呢個時候,大S突然吐出「一口黑乎乎的東西」,仲飛濺到汪小菲嘅面上,原來係「一口混濁的膿血」,與此同時,大S都恢復知覺喇!

事後醫生表示大S係對嗎啡過敏,就算汪小菲對於醫生嘅講法存疑,不過喺生死關頭之下,「你做的每一個決定都有可能牽扯到你愛的人的生死,那種壓力異常巨大」

事後佢亦都無意再去責怪、追究任何人,只係希望「老婆最後平安是最重要的,整個過程她受了很大的罪」。

再次回想起呢段往時,汪小菲:「那一刻,我想死的心都有了。」「這8年,我們的婚姻偶爾有些小波瀾,但大多很快就平息。」

希望這對患難夫妻,可以無風無浪地度過往後每一個8年,一直恩愛落去!