大S

呢頭話唔剝蝦?轉頭被踢爆!大S六年前話:我超愛剝蝦給人吃!

最新娛聞

廣告

41歲的台灣女星徐熙媛大S,與丈夫汪小菲育有一兒一女,大S與汪小菲最近參演內地真人騷《幸福三重奏》,兩人喺鏡頭前恩愛又搞笑,簡直羨煞旁人!而喺近期播出嘅一集中,大S自爆由細到大徐媽媽都說吃蝦一定要由男人幫手剝,所以自細徐爸爸都為她剝蝦,而自爸爸離世之後,她也沒吃蝦,大S話她結婚以後如果老公冇幫佢剝蝦,她不會叫他幫手剝,同枱嘅嘉賓甚至係汪小菲聽到,表情都顯得相當驚訝……

之不過呢個剝蝦論一出,立即引來熱議,有網友指大S咁大個人更係兩個子女嘅媽咪,居然連食隻蝦都要人剝,似乎有公主癌、手殘咁話!轉頭更有網友踢爆佢6年前話「我超愛剝蝦給人吃!」邊句真,邊句假……

撰文:東方新地 |圖片:新傳媒圖片、大S Facebook、《幸福三重奏》截圖

大S:從小到大吃蝦都是爸爸剝

大S喺近期播出嘅《幸福三重奏》節目中,大S聽到日本乒乓球國寶福原愛為台灣乒乓球選手老公江宏傑剝蝦時,即場露出驚訝的表情。之後對方問佢食唔食蝦,大S話唔食,對方問係咪覺得麻煩,大S話自己唔特別鍾意食蝦,因為唔鍾意剝殼,道出當中嘅原因:「從小到大吃蝦都是爸爸剝,自從爸爸不在後,自己就不吃了。我媽就說『吃蝦一定是要男人幫你剝』」吃蝦要男人剝,原來係阿媽教落嘅!

大S續說婚後如果汪小菲冇幫佢剝蝦殼,佢都唔會主動話要食蝦。

大S吃蝦論一出,除了坐佢對面嘅丈夫汪小菲露出驚訝嘅神情,其餘在場嘅2位老公,包括江宏傑、陳建斌都無言,唔知畀咩反應好喇!

人妻們就話叫男士學嘢,結果男子組都提起精神幫老婆剝蝦殼,江宏傑仲係咁爭住幫老婆剝蝦殼仲餵食埋,大家都忍唔信笑!

細心抑或有公主病?

大S「剝蝦論」一出,網民反應不一,有女生話另一半都經常給自己剝蝦殼,因為對方怕蝦殼拮到女友嘅手才會幫忙,這是細心的表現!但也有男、女生大唱反調,指要另一半剝蝦殼才肯吃是有「公主病」。大S回應「公主病」之說,話自己唔係特別愛吃蝦,而且剝唔剝都冇所謂,反正 可以讓老公有多一個方法去寵愛佢!

對於有網友留言指大S拒剝蝦殼有點造作,指兒時爸爸剝正常,長大了自己冇理由不懂剝。有網友為大S平反,指出她在節目中都表明情願唔吃蝦,也不會主動要求丈夫為自己剝蝦殼,大S回應話「你懂我」!

大S被踢爆 六年前曾話:我超愛剝蝦給人吃!

昨日,又有人搵番大S喺六年前發嘅一條微博,原來當時佢話好鍾意剝蝦:「本人不吃蝦,但超愛剝蝦給人吃。我想第九禁區的蝦人一定很恨我吧。」

汪小菲 寸爆留言護妻

「剝蝦論」出街後,有人批評大S公主病,但做老公嘅汪小菲當然喺微博反擊同護妻,佢話大S為自己生了好健康嘅小朋友,剝蝦呢啲小事由老公幫老婆做都好應該。汪小菲仲話有啲人要照顧兩老,又要做家務,如果連提出要老公剝蝦嘅小小要求都唔敢,咁做人老公嘅都應該好好咁檢討下。

大S 閃嫁「京城四少」

徐熙媛(大S)跟「京城四少」之一的汪小菲於2010年註冊結婚,成為幸福闊太;他們只見面4次就閃婚,更一度成為熱話。

汪小菲現為自己創辦的和麟置地董事長。2012年亦創建合潤麟(北京)食品有限公司,出任董事長。汪小菲領導創建了俏江南旗下另外兩大品牌,針對頂級商務人士的高檔奢華會所「蘭會所」,和針對年輕時尚人群的頂級時尚概念品牌餐廳「SUBU」等。

大S和汪小菲2010年結婚,二人婚後十分恩愛,經常在微博公開放閃。大S在2014年誕下女兒汪希玥、兩年後再誕下兒子汪希箖,今年4月承認陀第三胎,不過個多月後,大S發聲明表示因為胚胎「發育不全」,她和家人商量後,決定終止懷孕,幸而丈夫細心照料,大S很快走出小產陰霾。

大女是「Mini版杉菜」

汪小菲早前罕有在社交網上載了四歲大女汪希玥的正面相,並留言:「玥兒的小夥伴叫小米,玥兒長大了,她們還是好朋友。」有網民將小玥兒與當年大S演出角色「杉菜」的相片作對比,原來兩母女五官及神情勁相似,是「Mini版杉菜」!

大S去年都罕有PO囝囝汪希箖嘅相出嚟,仲留言話:「僅此一次!我的白馬王子!長大不給看了! ​​​​」希箖笑瞇瞇食手仔,勁可愛!

有片睇:

延伸閱讀:

重溫娛圈八大鹹豬手事件!

讀者留言