ft pic

天未光起身操肌 謝安琪心痛張繼聰

張繼聰一向有玩gym練大隻,但近月明顯操得更勁,幾乎每月都會po操肌相上網展示成果。原來阿聰為咗以最佳狀態拍攝健身補充品廣告,進行地獄式健身長達9個月!謝安琪話老公每晚拍完戲返屋企,即使幾攰都會繼續玩健身球,開工前又會跑步,連食都冇啖好食,要戒油戒糖戒鹽,心痛死Kay BB呀!

延伸閱讀︰

新片《原諒他77次》阿Sa自編自演玩晒

唔怕水識揸船 梁浸浸出牙仔勁high

有圖有真相,張繼聰有幾大隻有幾爆肌,呢三張相完全表達到!唔只有胸肌同腹肌,仲要操到現晒青筋,拍得住張家輝當年拍《激戰》咁fit!

Kay透露張繼聰連生果都唔食得,要買nuts返屋企自己焗,所以食落口嘅食物都係冇味!Kay話自己幫唔到咩手,最多幫老公出街買nuts,同埋親手整愛心健康麵包俾阿聰,用行動撐老公!而阿聰日前擺咗同囝囝一齊晒肌嘅相上網,話原來興趣都有遺傳!

全文完