1111

奇妙電視播港視劇 《來生不做香港人》下月中出街

2012年「魔童」王維基為港視向政府申請免費電視牌照,仲用大花金錢力邀無綫藝員過檔,仲製作咗唔少劇集如《警界線》、《選戰》等,可惜到翌年因為「一男子」嘅因素不獲發牌,結果呢啲劇集惟有喺網上播放。不過今日奇妙電視喺佢官方網頁公布,4月中會播出港視劇《來生不做香港人》,呢套劇當年播出後成為網上熱話,更被封為神劇,你哋又有冇睇過?!

撰文:東方新地|圖片:《來生不做香港人》截圖、HKTV微博

奇妙電視播港視劇 《來生不做香港人》下月中出街

《來生不做香港人》將由4月16日起,逢星期一至五晚8點半,在奇妙電視播放,劇集原由香港電視網絡(HKTV)製作,在2014年12月12日起於HKTV網上平台首播,同期在星馬地區付費頻道,以劇名《客家女人》播出。

《來生不做香港人》演員陣容吸引,數年前首播有反應好好!

劉美君 苦練客家話

Hit爆港視劇集除咗有《警界線》,仲有《來生不做香港人》,套劇本來叫《客家女人》,但預告片在香港出街後有人彈劇名好娘,結果改咗,但星馬地區就用番呢個名!套劇由張可頤、劉美君、潘燦良、曾偉權、龔慈恩、林利主演,個個都係好戲之人!

梁美行(張可頤飾)曾放洋留學是個典型港女,高傲、挑剔、控制慾強。

劇情講梁美行(張可頤飾)童年時出蠱惑,搶走家姐梁美田(劉美君飾)來港生活讀書嘅機會,隻身由東莞客家村來港嘅美行,寄人籬下受盡委屈白眼,但最終捱出頭成為揸靚車住洋樓嘅公關公司高層。事業如日中天,與公司同事好拍檔歐陽山(潘燦良飾)拍拖7年,但舉行婚禮當天卻遭悔婚⋯⋯

喺東莞鄉下長大嘅家姐美田靠勞力同打關係而發跡,但對妹妹一直心存怨恨。

美田初中畢業後於家鄉大展拳腳,白手興家地創立了自己的工廠及客家菜館,還當選了村代表,成為了鎮上無人不識的「四口姐」。但女強人的風光表面背後,與張國祥(曾偉權飾)結婚多年卻一直無所出,表面上國祥對她百般呵護,而實情卻是⋯⋯

套劇唔止講姊妹重逢後嘅恩怨,亦道出30年來中港之間微妙嘅關係及文化差異,立場算中肯。好多巴打絲打都喺各個討論區激讚劇味濃夠貼地,好睇過《警界線》同《選戰》,更有網友封佢係近年嘅「神劇」呀!

套劇借一對姊妹的重逢聚首,恩怨是非,道出三十年來香港人和內地人關係之微妙變化,也展現了香港人和內地人價值觀的不同!


故事簡潔明快唔婆媽,劇味超濃!女主角張可頤同劉美君演出超水準,劉美君為演好客家女人花咗幾星期苦練客家話,難怪講起上來自然流暢,至於配角龔慈恩、潘燦良、曾偉權甚至兩位飾演美行美田嘅童星亦恰如其分地演繹各人角色!

龔慈恩因厭世跳崖自盡身亡,呢幕好催淚!

關鍵詞
港視神劇