女團

女團Super Girls拆夥!今年成軍十年合體幻滅 李靜儀Heidi直播喊足十分鐘

最新娛聞

廣告

女團Super Girls(SG)成員包括隊長Aka(趙慧珊)、Cheronna(吳嘉禧)、Yanny(陳穎欣)、Jessica(蔡明思)和Heidi(李靜儀)於12年正式出道,隊長Aka曾在節目中喊住自責做得不足,但對今年SG成軍十年紀念活動仍然充滿期望及信心﹗不過近日卻傳出三名成員不再續約,SG形同解體,難逃女團拆夥命運﹗

Super Girls於2018年推出最後單曲《睡衣派對》

女團Super Girls(SG)前名Icon Girls,2012年正式以女團SG亮相《勁歌金曲》首度與觀眾見面,成為罕有香港韓風跳舞女團,曾紅過一陣子,但2018年開始各自有不同發展,Aka和Cheronna主攻唱歌,Yanny更已簽約古天樂的電影公司旗下,亦曾拍攝ViuTV劇集《地產仔》,Jessica嫁台灣老公後轉戰主持,又開設煮食頻道,Heidi轉型做時裝達人﹗自2018年Super Girls推出單曲《睡衣派對》後,便沒有組合的作品。

女團 女團Super Girls於2012年正式出道,今年成軍十年﹗
女團Super Girls於2012年正式出道,今年成軍十年﹗(圖片來源:FB@Super Girls)

大肚Jessica忙安胎

近日傳出Super Girls拆夥,源於三位成員包括隊長Aka、Jessica和Heidi都不再續約經理人公司,現正懷胎八個月的台灣新抱Jessica回應傳媒查詢時,她直認滿約後沒有再續約,因為要先處理切身的問題,所以沒有心思去想續約事宜,但就相當感激公司仍然為她處理工作,所以感到跟以前沒有太大分別,再一次感謝公司的幫忙及體諒﹗

女團 早前Jessica大住肚同Yanny一起出席活動﹗
早前Jessica大住肚同Yanny一起出席活動﹗(圖片來源:FB@Super Girls)

Aka高呼畢業了﹗

至於隊長Aka亦承認跟公司約滿,雖然未有續約,但與公司保持良好關係,還會繼續為她安排工作﹗Aka同時感慨時光飛逝,感覺就像五個同學仔一起讀書及成長,現在畢業了﹗至於Heidi在IG上的工作聯絡方式已改為私人電郵﹗而經理人公司則回應SG未有合體方案活動,即是Aka一直渴望的成軍十年活動夢碎﹗

女團 Aka早前為CK女裝內衣任代言人﹗
Aka早前為CK女裝內衣任代言人﹗(圖片來源:[email protected]_chio)

李靜儀Heidi不捨拆夥喊足十分鐘

李靜儀Heidi在3號晚單拖開直播,初時她心情不俗同網民閒話家常,有網民問到Super Girls拆夥一事,李靜儀直認不諱並表示很不捨,看到網民的鼓勵留言,李靜儀突然感動落淚,對住鏡頭喊足十分鐘,她指感到很大壓力,因為外界對拆夥一事矛頭都集中在不續約的成員身上,她指其實單飛需要很大勇氣﹗其後情緒平伏後,李靜儀臉上再現笑容,更邊食士多啤梨邊同網民交流,又因為喊到妝容都溶掉,李靜儀索性即場落妝以素顏示人﹗心情起伏變化都幾大吓﹗

女團 李靜儀Heidi表示雖然同經理人公司無約,但會以自由形式繼續合作,沒有合約約束﹗
李靜儀Heidi表示雖然同經理人公司無約,但會以自由形式繼續合作,沒有合約約束﹗(圖片來源:FB@李靜儀)
女團 見到網民的鼓勵說話,李靜儀Heidi突然感觸落淚,話自己都好唔捨得要拆夥﹗
見到網民的鼓勵說話,李靜儀Heidi突然感觸落淚,話自己都好唔捨得要拆夥﹗(圖片來源:[email protected]
女團 喊到瞇晒眼﹗
喊到瞇晒眼﹗(圖片來源:[email protected]
女團 嘁足十分鐘,心情穏定後,李靜儀食住士多啤梨同大家繼續開心吹水﹗
嘁足十分鐘,心情穏定後,李靜儀食住士多啤梨同大家繼續開心吹水﹗(圖片來源:[email protected]
女團 後來更即場落妝以全素顏示人,網民大讚有氣質﹗
後來更即場落妝以全素顏示人,網民大讚有氣質﹗(圖片來源:[email protected]
女團 Heidi去年拍攝電影《假冒女團》,戲中跟教主Anson Lo等組女團﹗
Heidi(右一)去年拍攝電影《假冒女團》,戲中跟教主Anson Lo等人組成女團﹗(圖片來源:FB@Super Girls)
女團 吳嘉禧去年在ViuTV節目《唔試唔知份工好》學劏魚,學整魚蛋,因為肯捱又毫無偶包,呢位「魚蛋妹」得到好多正評﹗
吳嘉禧去年在ViuTV節目《唔試唔知份工好》學劏魚,學整魚蛋,因為肯捱又毫無偶包,呢位「魚蛋妹」得到好多正評﹗(圖片來源:[email protected]

Super Grils組合成員Heidi認跟Yanny嘈過交!

當年Super Grils組合成員Heidi(李靜儀)與Yanny(陳穎欣)被爆出因爭仔而反目成仇,隊長Aka更在節目上公開承認擘面真有其事。Heidi之前出席活動時終於開腔回應,直認同Yanny嘈過交!

女團 Super Girls李靜儀認同Yanny有嘈交 Heidi:依家真係少機會見到
Super Girls成員Heidi(李靜儀)。(圖片來源:Heidi [email protected]

承認當年同Yanny嘈過交

Super Girls成員近年各有發展,團隊有名無實,組合成員Heidi(李靜儀)與Yanny(陳穎欣)更被爆出因爭仔而反目成仇,連隊長Aka亮相ViuTV節目《晚吹-有酒今晚吹》時,飲大兩杯亦直認有組員為爭仔而擘面。及後Heidi出席活動時,終於開腔回應與Yanny不和事件,她說:「係嗰時嘈過交,咁多年到依家都冇嘢啦,大佬我哋一隊女子組合,話冇嘈交都唔好信啦!不過依家真係少機會見到」。

女團 Super Girls李靜儀認同Yanny有嘈交 Heidi:依家真係少機會見到
當年Heidi(李靜儀)與Yanny(陳穎欣)被爆出因爭仔而反目成仇。(圖片來源:新傳媒圖片庫)

5缺1獨欠Heidi

女團Super Girls(SG)剛出道時五人情同姊妹,之後為爭寵爭 job傳聞不停,幾年前,組合成員Yanny與Heidi更被爆出因爭仔而反目成仇後,近年成員已各有發展,更多次傳出拆夥消息﹗不過去年團隊難得獲護膚品牌邀請拍攝廣告,SG罕有再次合體,但奈何始終「唔齊章」,5缺1獨欠Heidi,十分可惜。

女團 Super Girls罕有合體五缺一 Yanny被指孕味濃
女團Super Girls(SG)成員(左起)Yanny(陳穎欣)、Aka(趙慧珊)、Cheronna(吳嘉禧)及Jessica(蔡明思)難得合體拍攝護膚品牌廣告,奈何獨欠Heidi(李靜儀)未有現身。(圖片來源:Yanny [email protected]
女團 Super Girls罕有合體五缺一 Yanny被指孕味濃
可惜Heidi未有現身。(圖片來源:Heidi [email protected]

重溫:Aka趙慧珊甩隊友單人上《晚吹》爆喊

2018年開始各自有不同發展,Aka和Cheronna主攻唱歌,Yanny更已簽約古天樂的電影公司旗下,亦曾拍攝ViuTV劇集《地產仔》,Jessica嫁台灣老公後轉戰主持,又開設煮食頻道,Heidi轉型做時裝達人﹗自18年Super Girls推出單曲《睡衣派對》後,便沒有組合的作品,加上期間曾傳出有成員為爭仔而不和,屢傳拆夥﹗隊長Aka單人匹馬上 《晚吹-有酒今晚吹》節目一一回應傳聞﹗

女團 Aka單飛後主力唱歌,最近初次拍劇,與林峯、黃浩然、李璨琛合作拍攝邵氏劇《黑金風暴》。
Aka單飛後主力唱歌,去年初次拍劇,與林峯、黃浩然、李璨琛等合作拍攝邵氏劇《黑金風暴》。(圖片來源:Aka [email protected]_chio)
女團 Super Girls最後一次合體已是2018年出單曲的時候﹗
Super Girls最後一次合體已是2018年出單曲的時候﹗(圖片來源:SG [email protected]

Aka趙慧珊認成員為爭仔不和

曾傳出Yanny硬撬Heidi牆腳爭食有米監製,Aka在節目直認真有其事,並指當時大家互相unfollow,Aka話:「女仔嘈起上嚟,就係會unfriend,感情嘅嘢,佢哋都冇辦法控制,當時大家係一時衝動﹗依家有follow番,咁依家大家都有幾好嘅生活﹗」女人堆是非多,Aka直認以前不時為造型、㨂歌、服裝等嘈交,解釋:「因為始終係女仔,大家各有意見﹗」

女團 Aka接受《晚吹》訪問﹗
Aka單人匹馬接受《晚吹-有酒今晚吹》訪問﹗(圖片來源:Viutv《晚吹》截圖)

回應拆夥?Aka感觸落淚:好掛住五個女仔一齊嘅日子﹗

雖然組女團時有拗撬,但提到當年女團的日子,Aka突然感觸眼濕濕:「真係好掛住嗰時五個女仔一齊嘅做嘢嘅日子,好懷念每一次工作完上保姆車時嘅時光,因為喺工作完上番車換衫呀,最放鬆嘅時候,真係好掛住嗰啲時光﹗」Aka又指曾經有一位成員在除夕時失戀,當時Super Girls出席倒數活動,四位成員安慰失戀成員時齊齊爆喊,到五人上台時都仲喊緊,Aka話:「呢次係好深刻,fans唔知咩事我哋上緊台到上到台都仲係喊緊﹗」

女團 Aka好懷念以前Super Girls一起工作的日子,一時感觸落淚﹗
Aka好懷念以前Super Girls一起工作的日子,一時感觸落淚﹗(圖片來源:Viutv《晚吹》截圖)
女團 Aka愈講愈激動,直認Super Girls再合體並不容易﹗
Aka愈講愈激動,直認Super Girls再合體並不容易﹗(圖片來源:Viutv《晚吹》截圖)
女團 Aka在節目中不停自責﹗
Aka在節目中不停自責﹗(圖片來源:Viutv《晚吹》截圖)

Aka爆喊自責:如果我多啲關懷同愛護大家,情況可能會唔同

主持強尼問明年(2022年)Super Girls成軍十年,會再合體嗎?Aka坦言好想亦同經理人提出要求:「好想可以Super Girls出首歌、開個音樂會、同啲fans一齊慶祝﹗」強尼問慶祝完十年之後還會合作嗎?Aka指真的好難:「依家大家各自做緊自己嘅嘢,真係好難再集合番﹗」講到呢度,Aka再一次哽咽怪責當年做隊長不力,佢話:「覺得自己唔夠care大家,付出唔夠多愛﹗如果嗰時care同愛多啲,可能所有嘢又唔同﹗」Aka話雖然身為隊長但當時不夠成熟:「嗰時好多嘢做,但仲細唔識諗,淨係想快啲收工返屋企或者約朋友去玩﹗冇更加好咁同大家相處得更好﹗」

女團 Aka自試千杯不醉,豪言酒量是天生﹗
Aka爆做女團時自己沒有偶包,與團員開直播會照講「屎尿屁」,公司都唔會叫佢哋收口,但對飲食卻相當著緊,Aka話:「經理人唔畀食咁多凍嘢,佢話對我哋女仔子宮唔好﹗」(圖片來源:Viutv《晚吹》截圖)

Aka自認好酒量:係天生嘅﹗

Aka在《晚吹》豪言「酒量是天生」,更指幾乎冇醉過,她笑言曾有一個男仔帶她去試酒,當中紅酒、白酒、雞尾酒試勻,最後男仔已醉倒,但Aka完全沒醉意﹗不過Aka雖然千杯不醉,不過都有飲醉經驗,她說:「以前每年聖誕Super Girls同CAllStar一齊開party,嗰次真係飲醉,我突然喺地下做拱橋,地下仲要又濕又黑,第二日醒番周身瘀﹗」Aka又指自己醉倒會在地上打筋斗,相當神奇﹗令主持強尼、娟姐笑爆﹗

女團 36歲Aka今年單飛第三年,本來舉行音樂會,但因疫情關係而取消﹗Aka指現在最大心願是明年Super Girls舉行成軍十年音樂會﹗
35歲Aka去年單飛第三年,本來舉行音樂會,但因疫情關係而取消﹗Aka指現在最大心願是Super Girls舉行成軍十年音樂會﹗(圖片來源:Aka [email protected]_chio)
女團 Aka出道前曾任娛樂主播,更曾被派去做過狗仔隊追蹤陳冠希同農夫﹗所以現在變成藝人會明白狗仔隊的辛苦﹗
Aka出道前曾任娛樂主播,更曾被派去做過狗仔隊追蹤陳冠希同農夫﹗所以現在變成藝人會明白狗仔隊的辛苦﹗(圖片來源:Aka [email protected]_chio)
女團 32歲Cheronna最先單飛出單曲,主力喺樂壇發展。
33歲Cheronna最先單飛出單曲,主力喺樂壇發展。(圖片來源:Cheronna [email protected]
女團 升呢台灣人妻的36歲Jessica為無綫主持過旅遊及煮食節目,又推出個人時尚品牌,有傳她約滿後就專注個人品牌發展,不過Jessica表示自己都唔清楚約滿年期﹗
升呢台灣人妻的37歲Jessica為無綫主持過旅遊及煮食節目,又推出個人時尚品牌﹗(圖片來源:Jessica [email protected]
女團 31歲Yanny簽約古天樂的電影公司旗下,除了參與電影,又為ViuTV劇集《地產仔》演出,更主唱劇集片尾曲。今年3月成為YouTube頻道試當真常駐幕前成員。
32歲Yanny簽約古天樂的電影公司旗下,除了參與電影,又為ViuTV劇集《地產仔》演出,更主唱劇集片尾曲。今年3月成為YouTube頻道試當真常駐幕前成員。(圖片來源:Yanny [email protected]
女團 30歲Heidi
31歲Heidi現為時裝達人,不時分享靚相。(圖片來源:Heidi [email protected]

撰文:東方新地圖片來源:[email protected][email protected]_chio、[email protected][email protected][email protected]、FB@Super Girls、Viutv《晚吹》截圖

讀者留言