紅雀特工

點只《紅雀特工》? 盤點6大索爆電影女特工

奧斯卡影后珍妮花羅倫絲新片《紅雀特工》(Red Sparrow) ,日前喺香港上映,演出索爆女特工非常吸引。女特工夠好打夠膽識,不過最煞食當然都係美貌同身材啦!以下幾位電影中的索女特工,邊一個係你至愛呢?

《紅雀特工》珍妮花羅倫絲

喺《紅雀特工》入面,珍妮花羅倫絲飾演一位來自俄羅斯的索女特工,當然會用盡本錢深入敵陣,喺目標人物身上獲得情報。片中珍妮花有大量性感場面,觀眾就可以大飽眼福!

珍妮花羅倫絲飾演一位來自俄羅斯的索女特工
珍妮花羅倫絲飾演一位來自俄羅斯的索女特工
Twentieth Century Fox's "Red Sparrow."
《紅雀特工》劇照
《紅雀特工》劇照
《紅雀特工》劇照
《紅雀特工》劇照
《紅雀特工》劇照

Maggie Q─《赤裸特工》

性感女神Maggie Q多年來唔算拍過好多戲,但最令人深刻一定係《赤裸特工》!可謂Maggie顛峰時期的作品。電影背景同《紅雀特工》有點相似,都係講一班妙齡索女被訓練成心狠手辣的特工,利用美色接近目標人物,進行情報刺探及暗殺等。Maggie Q在片中有大量性感演出,睇到觀眾熱血沸騰!

《赤裸特工》可謂Maggie顛峰時期的作品

湯唯 ─《色戒

名導李安執導的《色戒》,令湯唯在影壇上大放異彩,其全裸演出令觀眾留下深刻印象,尤其佢同主角偉仔有幾場極為大膽的床戲,上映時引起轟動。雖然湯唯演出之大膽惹來非議,不過其實幾場床戲有著貫穿整部電影的重要作用,湯唯的演技亦是大獲好評。

湯唯可謂憑《色戒》一脫成名

袁詠儀 ─《國產凌凌漆

如果講港產片的女特務,「李香琴」都真係無得輸啦啩!周星馳經典作品《國產凌凌漆》相信好多人都翻睇又翻睇,當年只得23歲的袁靚靚當然靚爆鏡,由一開始心狠心辣的女特工,到電影後段同星爺合作對付「金槍人」,cool又得搞笑又得,靚靚絕對係港產女特工經典。

陳寶蓮─《國產凌凌漆

講起《國產凌凌漆》就不得不提埋陳寶蓮,佢喺片中飾演一個瀋陽女特工,雖然出場時間唔多,不過一招胸部發出的「高熱火焰」夠晒經典!可惜佢個豬隊友用咗啲石油氣煮公仔麵……

施嘉莉祖安遜─《Marvel電影系列

性感女神施嘉莉祖安遜(Scarlett Johansson)唔使多介紹,佢近年在Marvel電影系列飾演女特務「黑寡婦」,依家演員同角色幾乎已經劃上等號,深入民心。火紅色頭髮、身材火辣、黑色緊身皮衣,仲要超級好打!

安祖蓮娜祖莉 ─《史密夫決戰史密妻

安祖蓮娜祖莉同前夫畢彼特的定情作,安祖蓮娜出晒名係性感尤物,當年拍呢套戲時狀態大勇,喺片中同畢彼特鬥智鬥力,盡騷性感身材又打到飛起。