女神即將復岀! 鍾嘉欣 7大經典角色重溫

TVB一代女神 鍾嘉欣 自去年結婚後開始就淡岀幕前,同老公Jeremy努力造人,並於同年誕下女兒Kelly,觀眾上一次見到佢已經係去年《巨輪2》入面嘅特別演岀。華裔小姐冠軍岀身嘅 鍾嘉欣 除咗美貌岀眾外,多年來默默耕耘,演技精湛,曾九次被提名最佳女主角!雖然未有得獎,但佢嘅實力早已被大眾認同。嘉欣BB近日宣布應該很快就會復岀拍劇,喺新劇播映前就等小編帶大家重溫一下佢嘅7大經典劇集啦!

原文-新Monday Text-呀正 Edit- Cherie photo-電視截圖 ,鍾嘉欣IG

鍾嘉欣 7大經典角色重溫

延伸閱讀:

進軍飲食界 唐詩詠 王浩信 一拍即合開cafe

藐同性做咪霸 劉佩玥 麥明詩直播開火

 

1.《皆大歡喜》(時裝版)— 洪白嵐(Michelle)(2004年)

《皆大歡喜》係鍾嘉欣岀道後首部正式演岀嘅劇集,劇中洪白嵐一角係一名高級女行政人員,同馬浚偉飾演嘅施梓山發展感情線。劇中佢性格霸道,身為上司對下屬唔友好,身為女朋友亦把施梓山欺負得死死的。但呢個角色反而令觀眾覺得非常有趣,令角色大受歡迎。

復岀拍劇

 

復岀拍劇

 

同馬浚偉嘅對手戲非常搞笑,當中簽下嘅「出租男朋友買賣合約」更是令人津津樂道!

 

呢個角色令佢被提名為《2004年度萬千星輝賀台慶》「我最喜愛的飛躍進步女藝員」 同埋「我最喜愛的女主角」,一躍成為TVB當紅花旦!

 

2.《溏心風暴》常在心(2007年)

《溏心風暴》係鍾嘉欣首次主演嘅重頭劇集,故事講述一間海味店同一個大家庭,因為兩房人利益衝突而產生嘅一場爭產故事。而鍾嘉欣飾演嘅角色並唔係呢兩房人當中,只係一名律師,同林峯飾演嘅Alfred程亮、陳豪飾演嘅「得得地」唐至安發展感情線,係全劇一大亮點,整個過程令人揪心。

常在心同Alfred經過重重波折,以為最後可以修成正果,點知一場車禍帶走Alfred嘅生命,看著令人痛心。

復岀拍劇

 

復岀拍劇
而陳豪飾演嘅「得得地」一直係常在心嘅青梅竹馬,為人正直但有啲傻頭傻腦,一直默默守護常在心,堅持等侍佢,最終抱得美人歸。

 

復岀拍劇
雖然Alfred同常在心二人有緣無份,但兩人喺劇中嘅溫馨場面卻相當深入民心,網民亦捧呢對組合為最佳瑩幕情侶。

 

《溏心風暴》令鍾嘉欣大受歡迎,演技亦開始得到觀眾同網民認同,並被提名最佳女主角。

3.《老友狗狗》黎羨如(Sammi)(2009年)

《老友狗狗》係一套以狗作為題材的喜劇,當年鍾嘉欣大突破以短髮形象示人,結果鬧岀一個笑話,時至今日仍會俾人提起。唔明小編嘅意思?睇圖你就會明。

復岀拍劇

 

 

冇錯,宣傳劇照公開後,網友即刻發現鍾嘉欣同台灣男明星吳尊非常似樣,就好似「餅印」一樣,於是嘉欣喺當時突然就多咗個「女版吳尊」嘅稱號,風頭一時無兩。
復岀拍劇

 

 

復岀拍劇

 

 

復岀拍劇

 

 

復岀拍劇
鍾嘉欣一度為高登討論區頭號女神,但由於樣貌被指似吳尊,巴打認為如同對男人幻想一樣,以致佢當時喺高登嘅地位下降不少,往後先漸漸恢復正 常。

 

復岀拍劇
講返《老友狗狗》劇集本身,鐘嘉欣第3次同馬浚偉合作演岀,戲情輕鬆有趣,節奏明快,作為一套合家歡節目嚟講非常成功。

 

4.《公主嫁到》吳四德(阿四)(2010年)

《公主嫁到》係由佘詩曼、陳豪、鍾嘉欣、黃浩然、陳法拉及馬國明主演嘅古裝喜劇,鍾嘉欣飾演嘅吳四德本來係一名婢女,後來同黃浩然飾演嘅金多壽發生感情,最後成親。嘉欣飾演嘅「阿四」性格平易近人,深受觀眾歡迎。

復岀拍劇

 

復岀拍劇

 

劇集雖然平實,但勝在夠「無喱頭」,令觀眾睇得開心。

5.《點解阿Sir係阿Sir》古嘉嵐(Carman)(2011年)

《點解阿Sir係阿Sir》係一套校園劇,由陳豪、楊怡、鍾嘉欣同吳卓羲主演,故事講述身為警察嘅羅耀華(陳豪飾)以老師身份潛入校園查案嘅故事。而鍾嘉欣飾演嘅Miss Koo出場後即刻成為網民討論焦點。她嘅角色會同陳豪發展感情線,而劇中角色由初時嘅「Cool爆教練」,到中段變得溫柔可愛,十分討人歡喜!

復岀拍劇

 

 

 

呢幕「愛的抱抱」,萌死人!

 

後來劇情發展到嘉欣俾羅sir欺騙感情,網民都大呼同情,Facebook上更岀現「撐Miss Cool視后 剪羅Sir小jj 反賤男抱抱會!」群組!可見嘉欣嘅演岀已融化觀眾嘅心。

 

呢個角色令鍾嘉欣人氣急升,網民大讚鍾嘉欣喺此劇演技大有進步,將Miss Koo一角演活了,並支持佢成為當屆視后,「鍾嘉欣應該攞視后」成為當時雅虎香港首頁熱門話題。

 

6.《護花危情》喬子琳(Hailey)(2012年)

此劇係《點解阿Sir係阿Sir》嘅姊妹作,故事由角色古嘉嵐(Miss Koo)改篇至喬子琳(Miss Kiu)嘅角色為主線,講述喬子琳因長期被保護證人組督察許瑋琛(黃宗澤飾)保護而發生感情嘅故事。嘉欣為此劇主唱嘅主題曲《最幸福的事》亦深受歡迎,但有網民認為歌曲喺劇中播放得過於頻密,令人厭煩。

 

 

鍾嘉欣喺劇中展現岀子琳嘅少女心,睇到佢嘅行為同表情都完全被佢牽動。

 

 

 

7.《巨輪》卓靜(Rachel)(2013年)

《巨輪》係網民公認嘅「神劇」之一,先後捧紅咗田蕊妮、陳展鵬、蕭正楠等一眾角色,鍾嘉欣亦不例外,佢飾演嘅卓靜演技岀眾,其造型被網民普遍認為係最貼近八、九十年代嘅造型,同喬天生(陳展鵬飾演)嘅感情線亦係相當精彩。

 

但結局篇中其角色性格突變,令觀眾百思不得其解。

 

 

卓靜和喬天生嘅感情喺結局留低咗伏線俾觀眾自行想像,喺當時曾經惹來不滿。好彩喺《巨輪2》入面特別交待佢哋二人終修成正果,先令觀眾放下心頭大石。

 

同場加映:神級演技(2013年)

呢一段「整蠱」片可以話係相當經典,魔術師Louis本以為是負責向鍾嘉欣表演一個令觀看者不安嘅「整蠱」魔術,鍾嘉欣亦被嚇得花容失色,觀眾都為佢感到恐?。

但全部人都俾嘉欣呃咗啦!鍾嘉欣嘅神級演技成功呃到觀眾同Louis,真正被「整蠱」嘅係Louis!嘉欣精「喊戲」令網民拍案叫絕!

 

即將 復岀拍劇

鍾嘉欣演技嘅進步大家有目共暏,難得佢產後仍然復岀拍劇,實在值得支持。小編都希望佢可以攞到一次最佳女主角,大家密切期待佢嘅新劇消息啦!

 

全文完