陳嘉寶

女神周六出嫁!陳嘉寶大牌檔婚照夠貼地

話咁快, 陳嘉寶 大囍日子就嚟到!今個星期六(25號),27歲嘅Anjaylia就會同相戀四年嘅初戀男友黃頌祈喺洲際酒店筵開50席舉行盛大婚禮,早前Anjay嘅婚照終於曝光,影相地點並唔係日本又唔係歐洲,竟然係新郎幾代土生土長嘅長洲!Anjay甜笑話:「男朋友雖然好多年冇返長洲,但係仲有好多街坊認得佢,因為佢爺爺、爸爸幾代都係土生土長嘅長洲人,所以我哋喺佢由細食到大嘅大牌檔同小學影相,我覺得輯相充滿人情味,又可以睇下佢嘅成長足跡,過程有趣仲好有意義!」土炮製作,夠晒貼地!

陳嘉寶 大婚前努力爭肥

大日子就到,待嫁陳嘉寶將於洲際酒店設宴超過50圍,現時正忙於籌備婚事及向親友派帖。雖然婚禮各大事項基本上已經安排妥當,不過始終瑣碎事太多心情又緊張,搞到Anjay近日失眠體重又下降:「我身材已經好平板,最近試身發覺腰圍又瘦多3吋,再瘦怕變地盤凹陷,所以依家最想增肥,希望大日子時可以令上圍升得幾多得幾多!」

女神Anjay遇上女神陳瀅,仲要齊齊着埋美少女戰士制服,宅男們最期待的畫面!

小鳥依人拖未婚夫

雖然話籌備婚禮壓力大,不過未婚夫係要見、未婚夫家庭聚會亦都無論如何要出席。早前本刊拍得Anjay連續兩日見未婚夫,二人世界拍拖時,Anjay絕對係稱職女朋友,小鳥依人拖住未婚夫,待嫁姑娘不時甜笑,仲掉番轉頭唔怕悶陪未婚夫試鞋!

未婚夫大Anjay 8年,從事金融界,家境富裕,有指家族至少有八個豪宅揸手,未婚夫又是香港滑水總會教練,同Anjay郎才女貌,外型合襯﹗

 

陳嘉寶 大牌檔影婚照夠貼地

早前Anjay嘅婚照終於曝光,影相地點竟然係新郎幾代土生土長嘅長洲,實在令人驚喜!Anjay表示男友家族幾代都係土生土長嘅長洲人,所以決定重返舊地!拍攝地點包括男友由細食到大嘅大牌檔、男友充滿回憶嘅小學等,充滿人情味又有意義!

陽光海灘同歐洲宮庭婚紗相就見得多,而Anjay呢輯土炮長洲婚紗相夠特別同貼地。

 

一日行程去勻多個男友成長地點拍攝,呢個茶檔仲係未婚夫細細個嗰陣爺爺成日帶佢去,有次仲畀人撞到,成壺滾水照頭淋,依家仲留低撻淥親嘅傷痕戰跡。

 

除咗沙灘、茶檔,亦都有去男友間小學取景,Anjay又踢爆未來老公細細個經常被校長罰企。

Studio拍攝夠經典

不過Anjay就更喜歡喺studio影嘅一輯相,佢認為雖然整體比較classic,但就算多年後睇番都唔會覺得過時,而且現場有鮮花十字架布置,配合兩人嘅宗教信仰。另外Anjay自十幾歲就開始做兼職模特兒,放學後經常出入studio,有好多回憶同感情!

另一輯婚照喺studio拍攝,Anjay話鍾意呢輯相夠classic:「就算多年後再睇番都唔會覺得過時,而且現場有鮮花十字架布置,配合我同未婚夫嘅宗教信仰。」

 

兄弟姊妹幫拖

隨住大日子愈嚟愈逼近,唔止新娘子忙,連身邊一班兄弟姊妹都好忙,陳瀅、陳凱琳、王敏奕、賴慰玲、蔡穎恩等不停畀新娘叫住開會又要幫手整婚宴禮物,日夜趕工。雖然婚禮當日一切就緒,不過Anjay就話臨行禮發現當日撞正樂壇頒獎禮,賓客座位編排因此會受影響,家陣都好頭痛!

閨密蔡穎恩大呻辛苦,話要幫新娘入禮物搞到夜媽媽至有得放飯。