潛規則

女藝人大爆入行潛規則!有人開高價邀去飯局…

近年主力在內地發展嘅女星葉璇,昨天喺微博自爆出席飯局期間,疑被在場的富商逼飲酒,葉璇話唔會向潛規則屈服!查實圈中女星被邀出席飯局、伴遊等嘅新聞屢見不鮮,而之前曾經有兩位女星自爆曾有人以高價邀請出席飯局,不過當事人自稱多多錢都唔會去,而早年更有一位非常勇敢嘅女藝人發聲,大爆當年被前輩騷擾嘅經過㖭!

撰文:東方新地|圖片:微博、新傳媒圖片、葉璇微博

葉璇 自爆被富商逼飲酒

昨晚葉璇喺微博留言:「有沒有人像我今(昨)天一樣,在一桌領導面前,被一個國營商場董事長逼喝酒一個小時後、客客氣氣好說歹說不喝酒、仍然繼續逼我喝,還開罵,但我仍然不喝飯,也不吃站起來就走了的?我是不是以後再也不能去逛這個商場了。」留言一出後,引起網民熱議,有網民反問飯局如果同場都係熟朋友點會畀人逼飲酒,葉璇留言話係同學請客,沒有利益;也有不少網民撐葉璇嘅遭遇,話該名富商意圖不軌!

葉璇
葉璇自爆去飯局逼飲酒!
葉璇
葉璇微博

不是屈服於潛規則

原來當時有位公安朋友也在飯局之上,對方同葉璇一樣從不喝酒,但富商淨係逼葉璇飲:「我從不喝酒,不是酒量好,是好話說了一個小時表示我從不喝酒,只能舉杯表示敬意。鄰座一位公安哥哥也從不喝酒,他就不敢逼迫人喝,只逼迫我喝,我不喝他還開罵,警察叔叔都看不下去懟他。惡心的人自以為小女子平頭百姓就能隨便欺負。」她又說不會屈服於潛規則:「我是不希望這種負面風氣荼毒更多的年輕人,有能力的年輕人都要勇敢用實力證明自己,而不是屈服於潛規則。為了利益就放棄原則的人,最終都會在真正的考驗面前崩潰,自食惡果。」

葉璇
葉璇留言話有朋友請客,不是收錢嘅飯局!
葉璇
葉璇話公安朋友都睇唔過眼!
葉璇
葉璇話唔會放棄自己嘅做人原則!

葉璇

葉璇

台灣女星周婷婷 爆娛樂圈潛規則

其實女星潛規則時有所聞,台灣女星周婷婷早年就曾經公開其經歷,話說當年17歲啱啱踏入娛樂圈嘅佢,第一次做女主角嗰陣一個劇組嘅大佬走嚟同佢講「知你第一次做女主角咩都唔識,唔緊要~我住2012房,夜晚有咩唔明過嚟搵我!」入世未深嘅佢咩都唔識~唔知呢個係暗示,只係覺得夜媽媽去異性房唔係咁好,所以就無去搵佢。

過咗幾日,呢位大佬親自去周婷婷房,周婷婷以為佢有咩工作通告要通知自己,於是就俾佢入房。點知佢一坐低就開始摸手摸腳,由腳開始摸摸到背,然後再解開婷婷個Bra扣,「我咪同你講過,你聽唔明我嘅意思?」呢個時候,周婷婷先恍然大悟,用各種理由客氣咁將對方趕走。

周婷婷遇到呢種情況唔只一次!有一次係某個大節目拍攝完之後,被經理人帶到一間K房開Party,入面又係會被人瘋狂抽水,周婷婷想離開嘅時候俾經理威脅,如果聽日仲想繼續拍嘅話就返入去。周婷婷企硬話「我說我如果現在回去,我不如去酒店上班」。

就喺同一日,一個同佢一齊去嘅女星就俾人輪姦,後來甚至懷孕!

許亦妮 公開飯局對話

而香港多位女星都曾經過收到飯局短訊!講緊嘅係前港姐許亦妮(Whitney),2016年佢突然喺微博貼出兩張對話Cap圖,對方話出價50萬,希望Whitney出席飯局。見到Whitney一直未有回覆,對方就不停催促,之後仲話客戶出價100萬甚至150萬!

咁Whitney有冇動?答案係冇嘅!佢仲留言鬧爆︰「就算300萬,500萬,1000萬,多少錢我都不會考慮」,又指「第一,我不是這種女人!第二,我不會從這種途徑認識朋友;第三,我就算是窮到甚麼地步也不會選擇從這樣的途徑賺錢!請大家別再問了,敬請再詢問以及發送變態信息。有時候大半夜看到真的嚇死我的!」 最後仲好有禮貌咁講聲︰「謝謝」

Whitney貴為2011年香港小姐季軍及最上鏡小姐,其靚樣及激凸身材成功令人留下深刻印象,可惜入行後是非不斷,如見親記者例牌黑面、網上發表惹火言論等,以致星運平平。

不過Whitney就絕對係個貨真價實的索女,又經常賣大包晒身材,又真係難怪「老闆們」對佢咁有興趣嘅!

35D上圍真係唔講得笑,着件普通tee再挺直個身已經可以有咁波濤洶湧的效果,再加上Whitney呢個咁enjoy的表情,實在令人有無限暇想!

孫慧雪 自爆飯局價

除咗許亦妮,2016年趁入行10年推出寫真集嘅孫慧雪,當年到商台接受祥仔及樂樂的訪問,問到擔唔擔心寫真集令男士有遐想?阿雪就話師傅(司徒夾帶)曾經同佢講過,唔好理其他人會點做,最緊要係自己開心同滿足。佢隨即又透露自從推出寫真後,微博同FB都收到唔少不雅照片,大多係男性下體裸照,大呻好核突好變態!

趁住入行10周年,推出第一本亦係最係一本寫真集《Once》,入面學生妹半裸黑絲全部造型有齊,真係睇到一眾宅男唔捨得放低!

阿雪又話有人喺微訊搵佢,話願意出30萬新加坡元(約173萬港幣)邀佢視訊,仲話會俾一半錢佢先!聰明的阿雪當然冇理會佢,只係同朋友笑吓就算。咁又有冇收過飯局問價呢?阿雪就話有人試過開價30萬人民幣(約35萬港幣),不過佢完全冇心動,覺得自己一定唔可以對唔住屋企人。咁如果出到1000萬港元又如何?阿雪就強調都係唔去!

阿雪宣傳佢本寫真集時,就大爆喺網上收到唔少不雅照片,仲有人出錢邀請佢玩視訊!

阿雪雖然當時已34歲,但有着清純甜美面孔再加33C上圍,加上話明係最後一本寫真,就當然備受關注啦!而且寫真集中張張相都咁誘人,真係難怪啲人想對阿雪有不軌企圖!

直擊34G麥紫莉 收飯局短訊

前年訛稱會到日本拍AV做港女第一人的34G𡃁模麥紫莉(Chili),最終AV拍唔成,打回原形兼職做OL搵幾千蚊一個月維生,深信天生巨胸必有用的她,有意重返娛樂圈再搏殺。去年本刊記者在九龍灣德福商場直擊麥紫莉忙碌地玩手機,意外揭發她正在回覆飯局短訊,來回拉鋸多次,對方出到一萬蚊利誘,最終都傾唔成,麥紫莉回應時表示:「再窮都唔會出賣肉體!」無奈形象已被定型,早前更因太易信人而誤墮桃色陷阱,蝕底晒!

麥紫莉單拖出現九龍灣德福商場,34G激盪上圍依舊,機不離手的她好似好忙。
性感內衣就是𡃁模的生財工具,麥紫莉在內衣店內主攻喱士內褲,近期轉做文職冇公開露面的她似乎清減了不少,但keep到人瘦胸唔瘦。

主攻喱士底

倒奶揀 bra

揀胸圍揀到 烏低身的麥紫莉,始終搵唔到合適 自己的Gcup size,胸大的煩惱莫過於此。

去到另一間內衣店,麥紫莉拎住個黑色大奶罩不停研究,不過最終都係冇幫襯。

被睇穿等錢使

消聲匿跡近一年的麥紫莉(Chili)去年出席電影首映禮,目前從事文職工作的她,坦承經過AV事件有少少驚了娛樂圈,但最近她再次蠢蠢欲動,已有公司與她合作推出新年月曆,亦接了多個微電影劇本。去年本刊記者在九龍灣德福商場遇到麥紫莉,當日化了淡妝的她獨自逛內衣店,不過其34G超cup豐滿上圍很難找到啱size的胸圍,行了兩間都無斬獲,最後她走到咖啡店坐下玩手機。

從麥紫莉的手機短訊中,清楚看到她被對方邀請出席 飯局,最初酬勞只有六千元,見麥紫莉不為所動,再逐次 加碼,每次加一千元,對方似乎睇穿麥紫莉要養家等錢使,最後出到一萬元,出手如此低,麥紫莉點都唔落疊。

本刊記者在九龍灣德福商場遇到麥紫莉,當日化了淡妝的她獨自逛內衣店,不過其34G超cup豐滿上圍很難找到啱size的胸圍,行了兩間都無斬獲,最後她走到咖啡店坐下玩手機。

第一口價6千

行到攰在咖啡店坐低,麥紫莉拎住手機狂打短訊,清楚睇到雙方內容圍繞飯局,對方最初開六千元,被麥紫莉斷言拒絕,之後再逐千逐加,加到一萬都傾唔成,麥紫莉推飯局都禮貌過人,不停同人講多謝。

飯局短訊曝光

其後麥紫莉接受本刊記者電話訪問,對被問價直認不諱:「自從去年出完寫真,真係有無數人透過社交網inbox我,個個都話有job介紹我,但大部分都係啲唔正經嘅工作。之前我接咗一個job話請我做game girl,事前要做training,training都有錢收嘅,有日中間人叫我上去一個地方試衫同training,上到去得我一個已經覺得唔對路,對方露出狼樣唔畀我走,仲郁手郁腳,嗰次我真係好驚,即時錢都唔要就走咗,真係見過鬼都怕黑。嚟緊都會簽番公司,等經理人幫我去處理。我屋企環境係唔好,但我唔想外界咁樣睇我,亦唔會出賣肉體賺錢,未來嘅日子我想向電影方向進發,希望大家可以畀多啲機會我。」

22歲女入世未深,急住出名要搵錢,令好色之徒有機可乘,賣身材唔緊要,最緊要識得自愛同保護自己,不過呢個世界又有幾多個舒淇同周秀娜,剝完衫仲可以轉型拍電影做女主角?

麥紫莉首名港女拍AV?

麥紫莉雖擁有34G激爆上圍,但一直只係個唔多出名的𡃁模,不過去年7月時傳出佢八月將遠赴日本拍AV,成為第一位香港AV女優,就頓時成為風雲人物!據知Chili身世坎坷,父親早年病逝,媽媽則患有腎病需要長期接受治療,所以Chili中六畢業、打工幾年後把心一橫,決定下海拍AV養家!仲講到已經簽咗兩部片約啦!

一夜成名

話晒係「第一位」香港AV女優,Chili旋即成為風雲人物,全港大小傳媒爭相訪問。Chili每次接受訪問都言出驚人,一時自爆性史一時話唔怕同AV男優打真軍,之後講到似層層話自己學緊日文,又話自己日日睇AV補習,搞到全港男士都好期待幾時有得睇!不過每當被問及拍AV的詳情,Chili總係顧左右而言他,從來都冇透露過實際情況。

說好的拍AV呢?

麥紫莉成功出位後接下不少工作,又出寫真又做主持,job接job做到冇停手。但隨日子過去,說好的AV仲未拍,不過Chili每次出席活動都堅稱會拍,但就下月又下月、下月又下月… 於是大家都開始覺得 (又或者從一開始就覺得) 其實成件事係吹水,而Chili都改口風,話「要等公司安排」咁即係……

認拍AV係吹水

直到去年9月中,真相終於大白,Chili承認拍AV一事係老作,自己係唔會拍AV的!據知Chili的經理人公司其實係一間未有註冊的公司,聲稱Chili會拍AV都只係宣傳策略,而該公司近日出現財困,Chili已經與該公司正式解約。

Chili接受媒體訪問時坦承鬆一口氣,因為一直以來都好驚被拆穿,答所有問題都係講大話,其實所以與性、AV有關的問題佢根本唔想答。

Chili又話自己入行兩年幾都冇人認識,所以先決定配合前公司宣稱會拍AV,依家紙終於包唔住火,Chili表示預咗大家當佢係「大話精」,預咗俾人鬧,但自己依然想喺娛樂圈發展,希望觀眾可以再接受佢。

「我希望大家可以原諒我」

Chili今早亦於社交網站留言,表示終於可以「做番自己,唔使任人擺佈」,雖然之前一次又一次講大話,但現時終於脫離枷鎖,立即向大家道歉!Chili又話接受咗前公司呢個策略後,自己同屋企人鬧交、出街及網上都被人指指點點、每次見記者都好驚。依家雖然好多人認識,但全無形象可言。最後來Chili希望得到大家原諒:「我希望大家可以原諒我,原諒我嘅不智,原諒我對大家嘅欺騙,原諒我咁遲先坦白,原諒我幻滅咗大家嘅夢,對唔住。」

東山再起

麥紫莉去年出寫真人氣急升,又曾聲稱 會到日本拍 AV,最終承認為博知名度 而吹水搞到形象插水,但不少宅男粉絲依然follow她,希望她能夠再戰江湖。

捱打收場

去年麥紫莉(右二)參加ViuTV節目《G – 1格鬥會II》,被指與麥家琪無偈傾,毫無擂台實戰經驗 的她,在日本初賽時落敗兼傷腳,所有賽事幾乎都是捱打,更被狂揪到入醫院。