女藝人

14位女藝人童年照 你又認得幾多個?

話說,今日係國際兒童節,唔少藝人就喺自己個人社交網同大家分享自己嘅童年照,同時小編亦都為大家搵嚟多位女藝人嘅童年照,大家一定要睇到最後,相信會為大家帶嚟驚喜!

撰文:東方新地|圖片:孫燕姿instagram、微博-關之琳陳曉賈曉晨郭羨妮李晨Facebook

關之琳

女藝人

有「大美人」之稱嘅關之琳細細個已經係美人胚子,眉清目秀,對笑眼至今依然存在!

胡定欣

定欣四個月大時,眼仔碌碌好可愛。

林夏薇

林夏薇除了身材皮膚keep得好,靚樣原來由細到大都無變,細個已經幾靚女,五官相當標緻!

陳慧琳

陳慧琳出哂名身型高佻,但原來佢1歲時臉圓圓,睇落仲好似好為食咁。

陳慧琳1歲的童年照。
3歲時嘅童年照已見Kelly手長腳長!
陳慧琳5歲的童年照。

賈曉晨

賈曉晨細個時成個男仔頭咁,似男仔多過似女仔,好彩大個變番個靚女。

郭羨妮

郭羨妮曾於微博上載一張小一入學舊相,小學就已經咁靚女,難怪大咗可以選到香港小姐冠軍啦。

高海寧

高Ling細個時嘅樣同而家變化不大,對眼同而家最相似!

鍾嘉欣

嘉欣BB愈大愈靚,bb個時仲肥嘟嘟,真係好趣緻呀!

鍾嘉欣(右)5歲時與姊姊(左)童年照。

陳慧珊

早幾日陳慧珊48歲生日,喺個人社交網上載幾張童年照,唔少網友睇到啲相,都話陳慧珊好似媽咪,成個餅印咁話,唔知大家又點睇?

 

蔡卓妍

阿Sa童年時已經表演慾滿分,而且個樣帶幾分可愛,跳芭蕾舞都幾襯佢!

陳研希

陳研希老公陳曉日前趁住老婆31歲生日,於是上載咗老婆嘅童年照,睇落小時候嘅陳研希同而家都仲有幾分細個嘅影子。

孫燕姿

大家可能會以為矮啲嗰個孫燕姿,但實情著住藍色衫個女仔先至係,係咪睇唔出呢?

范冰冰

冰冰嘅童年照中,見到佢細細個已經深明影相角度嘅重要性,識得微微低頭45度角望鏡頭!

同場加映

大家知唔知呢位「小美人」係邊位?

答案就係成日喺電視見到的藝人喬寶寶!