ft pic

好誇張! 韓星任娜英台上捏凹鼻

韓國出晒名整容技術一流,唔少明星闊太都會定期飛去執一執。日前網上流傳一段短片,內容係今年中一個韓國真人騷節目《Produce 101》,講101個少女練習生為成為職業歌手進行一系列比賽,最終排名最高嘅11位可以簽約正式出道。而片段主角係排第10嘅任娜英,佢得知入圍後勁感動,喊到鼻涕都流埋出嚟,正當佢下意識用隻手捏一捏個鼻時,竟然兩邊鼻翼凹晒,當眾塌鼻!

延伸閱讀:

拳佬親眼睇住花曼慘死

堅持同媽咪住 馬國明2千萬買樓做業主

當主持張根碩宣佈任娜英獲得第10名後,任娜英已經喊到收唔到聲,不斷用手遮住喊樣,但仲未有任何異樣。

當任娜英用隻手抹鼻涕,捏咗個鼻一下之後再鬆手,離奇嘅畫面就出現喇!好明顯佢成個鼻扁晒,冇咗鼻翼,得番鼻樑,正常人係冇可能整到!

不過過咗幾秒之後,任娜英個鼻又回復正常,鼻翼自動彈番出嚟,望落好似乜事都冇發生過一樣!究竟任娜英有冇整過容?係咪醫生手勢唔好手術失敗?自己研究下佢平時啲「靚」相啦!

全文完

關鍵詞
整容