ft pic

好high呀! 胡定欣《飛虎》全男班開P唱Big Bang

9月9日係胡定欣35歲生日,日前剛同胡說八道班姊妹開完P,定欣仲一時感觸開心到喊!有好姊妹提前慶祝,當然唔少得同班好兄弟賀一賀啦!定欣約咗《飛虎》一班演員聚舊,包括王浩信、梁烈唯同黃日華,幾個玩到high high哋開始唱歌,連55歲華哥都一齊癲,定欣果然夠飛士!

延伸閱讀︰


日前《刑警》搞飯局,順便慶祝埋定欣生日,黃日華、梁烈唯同王浩信都俾面出席,Signal Wong仲帶埋老婆陳自瑤一齊去,玩得開心又放心!兩杯落肚,定欣同唯唯明顯high high哋,開始唱Big Bang首〈We like 2 party〉,華哥同王浩信又陪埋一齊癲,當正自己開騷咁興奮!





定欣10年拍《刑警》時仍未上位做女一,當時女主角係宣萱,而定欣就做佢細妹,但已經搏到盡以SM裝扮上陣,當時都好搶鏡!估唔到事隔6年幾個仲可以keep到咁老友,堅難得㗎!





全文完