39歲姚嘉妮自揭保持身型秘訣 兩種運動絕不能做！
撰文：東方新地｜圖片：instagram、新傳媒圖片庫、TVB
姚嘉妮踏入人生第四個十年
最近，姚嘉妮於熱播劇集《BB來了》中飾演過氣MK妹陪月員朗朗，性格開朗跳脫、外形窈窕亮麗，一身青春打扮完全零違和感，令人留下深刻形象！唔講大家可能冇留意，原來姚嘉妮下個月就已經踏入人生第四個十年！
已有兩個仔女的姚嘉妮雖然下個月便踏入40歲之齡，但她於劇中著上小熱褲，大騷長腿，吸睛度極高！
姚嘉妮樣靚身材正，不過近年拍劇唔算多，幸好每次演出都成功令觀眾關注，去年在《超時空男臣》的演出亦獲激讚！
姚嘉妮自揭保持身型的秘訣
相信唔少人見到姚嘉妮生咗兩個小朋友，但依然可以有弗爆身型，而感到非常羨慕！不過，近日她自揭保持身型的秘訣，好讓令大家都可以與她一樣，keep身型住靚靚！
來自長洲的姚嘉妮，自爆細個最鐘意游水，表示一次過游30-50個塘，因為游水屬伸展運動，例如自由式，因雙水經常要伸前，所以身形會靚啲。
難怪她經常都帶囡囡去游水，原來想自細開始訓練游水，令個女長大後身形可以好似自己一樣咁靚！
據知，姚嘉妮細個是個籃球隊成員，而打籃球是一項全身運動，不時要拍球、拋球和轉身，對每個動作都可以鍛煉身體各個部分。
當身體每個肌肉都可以適當地運用，同時亦令身體可以達到很好的塑形效果，除咗可以減肥，仲可以令身型變得更勻稱！
除咗打籃球，姚嘉妮同時亦指跳舞都屬全身運動，因消耗量好大，可以達致修身修腿的效果。
她建議大家平日盡量抽時間做運動，因為帶氧運動，對瘦身塑身有很好的效果，同時她亦提醒各位盡量不要做負重運動，避免令肌肉過度發達，影響女士的手腳條線！
姚嘉妮除咗提議大家可做嘅運動外，她指自己以前曾經經常打羽毛球，但因打羽毛球成日要向前踏，結果令小腿突然粗咗好多，故她日後冇再打羽毛球。
另外，她坦言自己曾經有段時間打泰拳，可能打得太勁太落力，結果令三頭肌爆咗好多肌肉出嚟，令成個人望落好大隻！所以，如嘉妮所說，想要保持手腳纖幼，就不要打泰拳了！
《都市閒情》長腿吸睛
無綫節目《都市閒情》觀眾多為家庭主婦，但近年竟多咗唔少年輕觀眾，就係為咗睇一眾索女主持！除了大家都好熟悉的彭慧中外，姚嘉妮亦吸引唔少男觀眾追捧！
擁大量男性fans
姚嘉妮雖然今年8月就踏入4字頭，不過樣貌身材都keep得非常好，聲線比較嬌嗲，另外一雙修長美腿更是老中青觀眾通殺！雖然多年來星途平平、發展一般，不過吸納大量男性fans！
｜育有一子一女
姚嘉妮2006年時與前藝人林祖輝成婚，現育有一子一女，現時姚嘉妮除了幕前演出外，則做個索爆靚媽照顧一對仔女～
｜98年亞姐季軍
回到那些年，姚嘉妮1998年參加亞洲小姐獲得季軍，之後成為亞視旗下藝人，至2001年轉投無綫。
｜那些年泳衣照出土
姚嘉妮出道後星途平平，不過勝在樣貌身材出眾，年輕時拍唔少性感照，其中更唔介意拍含雪條意淫相，可以話係含雪條女星始祖！
姚嘉妮一雙美腿確係最煞食！大家慢慢繼續睇相，但記得睇到最後！
｜激罕性感照重溫
姚嘉妮早年曾為本刊拍過一輯性感照，漁網絲褲肉搏男模，依家睇番都覺得大膽……
肉搏男模
