姚子羚

姚子羚瀑布下「中門大開」細細粒小花激罕泳衣賣萌

香港地日日熱辣辣,小編都唔知幾想即刻飛去外地享受陽光與海灘,不過那有假期、同埋那有錢呀!近日「胡說八道會姚子羚、李施嬅及胡蓓蔚去咗菲律賓旅行,喺瀑布靚景下狂影泳衣照,子羚更「中門大開」正到噴血!另外,有一位細細粒的TVB小花都趁住夏天激罕晒泳衣照,唔知大家喜歡邊種Style多啲呢?

撰文:東方新地|圖片:Instagram

姚子羚透露收性感泳衣

「胡說八道會」當中幾位成員姚子羚、李施嬅及胡蓓蔚近日去咗菲律賓旅行,去到菲律賓當然要享受陽光與海灘,之前子羚就透露豹嫂買了一件好Deep V好性感的泳衣俾佢,大家都好期待佢今次旅行會唔會著!

去外地旅行,人又放鬆啲,衣著都唔介意性感啲!

姚子羚瀑布下「中門大開」

呢日豹嫂就喺社交網站上載靚相,見到三位靚女身穿泳裝喺瀑布下影相,雖然話豹嫂同林施嬅都著三點式,但其實最性感係一件頭的姚子羚!一身大Deep V泳衣「中門大開」,盡騷其美好身段,性感誘人,唔知係咪就係豹嫂送俾佢的泳衣呢?

姚子羚

姚子羚
呢個甫士無得輸呀!
胡蓓蔚都Fit到漏!
相比之下,李施嬅就好似保守啲呢?
不過另一張就睇得多一點!

林穎彤激罕泳衣照賣萌

姚子羚身材勁就唔係咩新鮮事,不過以下呢位細細粒的TVB小花就甚少派福利,講緊林穎彤(Bella)呀!相中見到佢似乎係浸緊溫泉,著上一身火紅色綁帶泳裝,激罕騷事業線同美腿,仲拎住車厘子嘟嘴賣萌,網民睇到心心眼!

Bella就留言話:「對上一次在ig發泳衣照應該是兩年多前的事 從來沒穿過紅色泳衣 一直想試穿這種復古高腰設計的 很喜歡 這個夏天都只穿它好了!」原來成兩年幾啦!咁希望Bella今個夏天分享多啲啦~

「大面」Bella可愛搭夠

「大面」Bella雖然身高係有啲輸蝕,但勝在包包面夠可愛,鄰家女孩feel搭夠啦!

不過細細粒又唔代表無身材的,Bella久唔久都會有啲性感衣著益網民,不過小編希望可以多啲泳衣照啦!