姚子羚

姚子羚、麥明詩噴血內衣上陣 二人同處愛情空𥦬期

姚子羚麥明詩日前出席內衣品牌開幕活動,兩位80及90後的索女,有樣有身材就不在話下,今次出席內衣活動更齊齊以性感喱士內衣上陣,除咗可以配合品牌,又可以齊齊大騷香肩及事業線,內衣當外衣的造型真係大膽又吸睛!

撰文:東方新地|圖片:新傳媒圖片庫

姚子羚 麥明詩 性感登場

姚子羚和麥明詩呢晚應邀出席內衣品牌開幕禮,二人一黑一白的造型登場外,更少有地以內衣當外衣著,大騷事業線及小蠻腰,姚子羚以低胸谷到盡,而麥明詩則中門大開,相當噴血!咁性感唔會人人carry到,十優港姐麥明詩都話為穿性感內衣現身,特意節食和減鹽免水腫!

姚子羚
姚子羚和麥明詩齊齊性感打扮出席內衣品牌開幕禮。

姚子羚

麥明詩提及現時擇偶條件

麥明詩因近日被影到與舊愛林作約會,呢日佢再次否認二人已復合,又擔心難搵男朋友:「呢個問題我都擔心,好多人都未必適應藝人嘅生活模式,有時食個飯要俾人影相。 」又指現時擇偶要選能適應和了解佢的工作、生活模式才考慮。

姚子羚
麥明詩件內衣超性感!

姚子羚

姚子羚分手心情已平復

另外,姚子羚則表示近兩個月都要去橫店拍新劇 ,與前男友鄭子邦分手後心情亦己經平復不少。當被問及現在是否寄情工作,子羚就話:「我同佢保持良好嘅朋友關係,大家有聯絡,並唔係唔開心咁分開,好珍惜嗰份感情。」

表哥超索呀!

姚子羚同張振朗唔過電

隨後姚子羚仲佛系理論上身,稱已將愛情轉化為第二種情感, 暫時沒有想太多,緣分到自然有。當被問到是否準備迎接新戀情?子羚稱暫時未,但抱開放態度,又笑言每日開劇對著張振朗及胡定欣,雖然振朗最近都回復單身,但因嫌佢太嫩口,所以稱無發展機會。