姜濤演唱會終圓夢請羅志祥做嘉賓卻被對方寸：少吃點火鍋！

姜濤演唱會｜終圓夢請羅志祥做尾場嘉賓

姜濤演唱會來到尾場，就終於請到偶像羅志祥做嘉賓。兩人齊齊又唱又跳，分別演出了《No Joke》、和《夠了》2首歌，而羅志祥就自己再獨唱一首《鬧翻天》。雖然羅志祥今年已經44歲，但依然寶刀未老，舞蹈動作跟歌唱都沒有馬虎。

姜濤兩人一起又唱又跳《No Joke》和《夠了》。 — 兩人一起又唱又跳《No Joke》和《夠了》。（圖片來源：東方新地）

姜濤雖然羅志祥今年已經44歲，但依然寶刀未老，舞蹈動作跟歌唱都沒有馬虎。 — 雖然羅志祥今年已經44歲，但依然寶刀未老，舞蹈動作跟歌唱都沒有馬虎。（圖片來源：東方新地）

姜濤演唱會｜羅志祥一出場大派笑彈：少吃點火鍋

兩人同台演出後，姜濤連聲感謝小豬擔任自己演唱會嘉賓，而羅志祥繼續發揮搞笑本色，叫姜濤少吃火鍋：「我看你的IG動態更焦慮，我看到你IG說『明天是最後一天了，可以吃火鍋了』，少吃一點會比較好。」羅志祥更笑指姜糖很愛錫姜濤：「你的粉絲很在乎你的心情、所有的一切，我還記得有一次你好像因為工作壓力太大，引起你心情不好，你的粉絲還私信我：『拜託關心一下濤濤啊』，我還回她『好的好的』。」羅志祥更笑指姜濤經常心情不好，但明白年紀輕輕的他有很多壓力，但幸好有姜糖們的支持。

羅志祥即場邀請姜濤做香港演唱會嘉賓

羅志祥即將在香港舉辦演唱會，在台上更即場邀請姜濤做嘉賓。聽到偶像邀請自己做嘉賓，姜濤即刻笑到見牙唔見眼：「一定要，一定會！你說的喔，有好多人看著喔。（因為他很忙，我不知道你檔期可不可以。）我跟你講幹什麼我都會給他推掉！」

姜濤網民封姜濤為「追星天花板」 — 網民封姜濤為「追星天花板」（圖片來源：東方新地）

姜濤演唱會｜為亡友哽咽唱《Dear My Friend》：相信佢都喺度

姜濤今次在頭3場演唱會中都沒有演唱為亡友而作的《Dear My Friend》，令不少網民和歌迷都感到非常驚訝，事關大家都知道此曲對有義氣的姜濤來講非常重要。不過姜濤果然沒有令大家失望，到最後一場驚喜獻唱《Dear My Friend》，並指想在第一個演唱會將此曲獻給亡友，相信對方亦有到場支持自己，在獻唱期間更一度忍不住哽咽：「對唔住，我同自己講唔再唱呢隻歌，但係我始終覺得我唔捨得，我相信嗰個朋友而家喺度，我知道喺我人生第一個演唱會入面，我相信佢喺呢一度，所以我都希望佢會聽到呢一隻歌！」

姜濤姜濤於尾場為亡友哽咽獻唱《Dear My Friend》 — 姜濤於尾場為亡友哽咽獻唱《Dear My Friend》（圖片來源：東方新地）

姜濤演唱會｜畀烏蠅狂圍嚇到彈起：點解最後一場會咁？

當姜濤唱完《我只在乎你》之後，姜濤突然於台上左閃右避，原來係有隻烏蠅圍住姜濤飛，搞到姜濤嚇到彈起：「有隻嘢嗡住我！尾場搞啲咁嘢！」無論姜濤點樣撥開，隻烏蠅依然圍住姜濤轉，姜濤到最後都無言接受：「點解要追住我！有咁多人！連動物界都嚟睇啊！」

姜濤演唱會｜台上台下星光熠熠毛舜筠、Do姐都嚟捧場

尾場除了有羅志祥做嘉賓之外，台下亦星光熠熠，不但有Gin Lee李幸倪、Alina李炘頤、同門師妹Win Win同Ash到場支持，仲有前輩Do姐鄭裕玲、毛舜筠都有到場支持。最令人估唔到嘅係TVB御用綠葉馬海倫昨日已有入場捧場，並且在社交平台留言感謝「姜糖」大方送禮物畀自己。

姜濤 Do姐鄭裕玲、毛舜筠都有到場支持 — Do姐鄭裕玲、毛舜筠都有到場支持（圖片來源：IG@viu1hk）

姜濤 Ash同WinWin都有睇演唱會 — Ash同WinWin都有睇演唱會（圖片來源：IG@viu1hk）

姜濤馬海倫連同港姐出身的李芷晴左）一起到場支持姜濤。 — 馬海倫連同港姐出身的李芷晴（左）一起到場支持姜濤。（圖片來源：IG@ma_helen_ma）

姜濤蝦頭亦有上傳認證照，感謝姜糖大方送上應援物。 — 蝦頭亦有上傳認證照，感謝姜糖大方送上應援物。（圖片來源：IG@yeunghatou）

姜濤演唱會｜聽小豬話唔打邊爐親揭今晚選曲理由

演唱會結束後，傳媒朋友都紛紛恭喜姜濤可以打邊爐，但姜濤就笑指：「小豬頭先叫我唔好打邊爐，咁我就唔打邊爐喇，佢講乜我都聽。」姜濤亦透露選擇與羅志祥合唱《No Joke》和《夠了》兩首歌的原因：「兩隻歌都有各自嘅意義，《No Joke》就係第一次開Mini Concert嘅時候，我揀咗佢呢首歌嚟跳。第二首《夠了》就係我同佢都面對好多外界嘅聲音，但我哋都覺得呢首歌好中我哋想講嘅心聲。」

姜濤姜濤話聽小豬話，完騷都唔打邊爐！ — 姜濤話聽小豬話，完騷都唔打邊爐！（圖片來源：東方新地）

姜濤演唱會｜好奇林海峰對自己想法：好希望佢畀啲指點我

當被問到為何會找林海峰擔任首場嘉賓時，姜濤解釋指一直都很好奇林海峰對自己的想法：「其實我一直都有好多嘢想問佢，我好想問吓佢對我嘅睇法，好希望佢畀啲指點我。因為我覺得林海峰前輩諗嘢都好跳，所以我好好奇佢係點樣諗我。」姜濤又大讚林海峰：「我好開心佢將我一啲可能會畀人笑嘅嘢，攞嚟做一個好好嘅玩笑，令我同大家都好開心，可以化解咗佢。」

姜濤個人演唱會︱一文睇齊7大重點！重演叱咤頒獎姜濤林海峰出場擦足9分鐘鞋。 — 姜濤首場演唱會邀請到林海峰做嘉賓，林海峰一出場即刻惹來全場歡呼尖叫，隨即一輪嘴瘋狂擦鞋，仲話樂壇好需要姜糖！（圖片來源：東方新地）

姜濤個人演唱會︱一文睇齊7大重點！重演叱咤頒獎姜濤兩人重演叱咤頒獎一幕，不過今次就由姜濤頒獎畀林海峰。 — 兩人仲重演叱咤頒獎一幕，不過今次就由姜濤頒獎畀林海峰。（圖片來源：東方新地）

姜濤演唱會｜笑指姜媽媽鐘意聽人叫「奶奶」

姜濤於今次演唱會首場中表示當姜糖做屋企人，令姜糖們都話可以名正言順叫姜濤媽媽做「奶奶」，就此姜濤就笑指：「好啊，嗌囉。我阿媽都鐘意聽嘅。」對於姜濤媽媽以「性感打扮」到場支持乖仔演唱會，姜濤就無奈回應道：「我阿媽真係Control唔到，佢開心就得啦，唔好限制佢衣著，我有時睇啲相我都唉…其實我都話根本就唔係我想做Artist，係佢想做Artist。」