姜麗文

真人騷公開戀情!姜麗文啜爆男友 秦沛睇到呷醋

姜麗文(Lesley)4年前被爆同鄭俊弘甩拖後,一早已經搵到新戀情,今日(2月2日)更在社交媒體宣佈榮升人妻,但原定今日嘅婚禮卻因武漢肺炎肆虐而需延期。姜麗文早前同男友一齊拍攝內地真人騷節目《女兒們的男朋友》,爸爸秦沛就一直睇住二人拍拖片段,姜麗文事後接受訪問直言覺得爸爸睇到呷醋⋯

撰文:東方新地| 圖片 :新傳媒圖片、影片截圖

姜麗文宣布與「柏豪」結婚

34歲的姜麗文於IG宣布與圈外工程師男友Pakho咗婚,只是礙於武漢肺炎疫情,婚禮要延期,但急不及待向大家公開恩愛合照:
「我們結婚了💍💐
其實今天本來是我們結婚的日子。不過因應最近的情況,為了各位的安全和安心,亦基於我們對家人和親友的尊重,我們決定延遲婚禮。
經過一年多的籌備,要延遲婚禮絕對不是一個容易的決定,但我們會繼續提醒對方:最重要的是我們找到對方,很恩愛也很健康!所以很感恩!✨
沒事,我們什麼時候都可以慶祝!無論如何,今天對我們來說,永遠是很重要的開心大日子!❤
老公,老婆很愛你!Happy Almost-Wedding Day!」

姜麗文與圈外男友結婚,但決定因疫情而延遲婚禮。

agram.com/lesleychianglove/?hl=zh-hk”>姜麗文IG

姜麗文同「柏豪」甜蜜拍拖秦沛醋呷

秦沛好錫一對寶貝仔女姜麗文同姜文杰,佢哋入行後不時一齊合作。而去年姜麗文同男友、爸爸秦沛一齊拍真人騷,節目中秦沛要睇女兒同男友拍拖片段,Lesley笑言自己係一個好肉麻嘅女朋友,要成日要攬攬要錫錫。佢覺得爸爸都有睇到呷醋,但係佢都已經33歲,會接受嘅。不過佢話爸爸對男友相當滿意,當初亦係對呢段感情有信心先會接拍節目,今日終於同男友結婚啦!

 

當年鄭俊弘走紅後,飛甩拍拖6年嘅女友姜麗文,Lesley一度情緒相當低落,但都捱過去,而佢最終經朋友介紹下認識任職工程師嘅新男友柏豪,二人密冚戀情兩年,近日才喺真人騷節目公開!

日前姜麗文喺IG分享同男友甜密拖手相,唔少朋友都問佢係咪好事近,又問男友見咗家長未!

秦沛在節目中對女兒讚不絕口,話自細對佢加以栽培,女兒懂得彈琴、騎馬、跳芭蕾舞、HIP HOP及多國語言等,最重要還是性格好!

那邊廂節目播出,姜文杰、姜麗文及男友柏豪嘅閒談片段,熱情嘅Lesley多次主動錫錫男友,無端端做電燈膽嘅姜文杰都覺得冤氣冇眼睇!

姜麗文
姜麗文突然送吻,柏豪都招架不住!

三人邊食邊談,期間姜文杰問到妹妹佢嘅擇偶條件係咪男友都要係唔鍾意多說話,仲話「你之前有啲都唔講嘢」,姜麗文話「係個個都係」。咦!咁即係阿Fred都唔鍾意講嘢啦!

性格率直嘅姜麗文又問男友「Am i your type?」柏豪諗都唔諗話係,仲話鍾意佢多嘢講,姜麗文就笑問自己係咪好煩,柏豪笑話「不煩、不煩」!

姜麗文33歲生日當日,攝製安排二人燭光晚餐,Lesley話知道近年好多女仔都拒透露自己嘅年齡,但她認為應該為自己嘅歲數而驕傲才對,因為隨年紀長大而變得更有自信,即使有點小皺紋也是美麗!

男友柏豪靜靜聽Lesley說出感言,期間講咗句「對,你確實很美」冧爆!

鄭俊弘 紅咗即飛姜麗文

講到最為人記得,當然是姜麗文和鄭俊弘的一段舊情!當年鄭俊弘(Fred)於01年參加新秀大賽入行,但一直寂寂無聞,直至12年參加無綫歌唱比賽《星夢傳奇》奪冠才人氣急升,姜麗文隨即於社交網留言「Proud of you」,因而被踢爆戀情,原來二人發展地下情長達6年!

戀情見光死

走紅咗嘅Fred事業有起色,突然要求分手,更有傳當時Lesley情緒崩潰,向朋友哭訴說︰「佢(Fred)紅咗先飛我!」

去年鄭俊弘背住未婚妻偷嗒何雁詩,秦沛出席金像獎活動,被追問點睇鄭的負面新聞、是否很開心?他笑說:「頭先、𠵱家、一陣間都好開心。呢兩日攰啲,因為剛喺外地返來,時差關係,有時夜晚瞓覺都會笑醒。」

鄭俊弘未紅前,不時會同秦沛、女友姜麗文三人行,不過男方一紅唔認人立即提出分手!

秦沛想幫仔女俾首期

港樓價高企,淨係要「上車」都好困難,作為父親、現年73歲的秦沛(Paul哥)不嬲都好錫一對子女,早前有傳秦沛見香港買樓不容易,提出幫一對子女付首期等佢哋上車,不過姜文杰與姜麗文好拒絕父親的幫助,話要靠自己,認真好生性!

拒用爸爸辛苦錢

Lesley回應傳媒時表示:「其實Dadd每年都話要買樓畀我哋,但我哋唔會用阿爸辛苦拍戲所賺嘅錢,我憑乜要Daddy入行70年嘅錢(秦沛3歲便入行),爸爸嘅錢應該留嚟自己去享受吓,好似打高爾夫球、去旅行,或返加拿大陪吓媽咪,同最緊要佢身體健康!我哋都大個喇,我同哥哥都30幾歲,應該要靠自己生生性性咁儲錢買樓。」

問到幾時買樓?佢話目前樓價太貴,暫時唔買住,反而希望有日可以買層樓送畀爸爸,氹佢開心!

Lesley Chiang 姜麗文(@lesleychianglove)分享的貼文 張貼

Lesley Chiang 姜麗文(@lesleychianglove)分享的貼文 張貼

秦沛的父母嚴化及紅薇都是演員,一對子女姜文杰和姜麗文都加入娛樂圈,並成為圈中「星三代」,不過二人在「成功靠父幹」的年代,卻未有借助秦沛之名搵機會上位,反而選默默耕耘!

從小在加拿大長大的姜文杰和姜麗文同樣熱愛音樂,所以大學畢業後都入娛樂圈發展,入行初期以兄妹組合「Benji & Lesley」出唱片,不過做樂壇新人收入不高,食住行又要置裝化妝整頭,開支好大,秦沛這個廿四孝爸爸都好體貼,怕子女捱得辛苦,不時問二人「夠唔夠錢使?」,只是一對子女每每婉拒爸爸的好意!

據知,Benji不想別人以為他靠父親之名出位,初入行時,在外邊工作碰見秦沛冇叫他做爸爸,反而跟大家一樣叫他做Paul哥,不過話明係星三代,邊有得暪!當年Benji & Lesley加盟HKTV,滿心歡喜,仲有份參演人氣劇《導火新聞線》!

點知最後HKTV不獲發牌,二人去遊行靜坐,Paul也有同行表達支持!姜麗文說:「依家嘅錢就放在交租,同埋自己嘅音樂上先!」

姜麗文以獨立歌手身份在首年得到多個新人獎項。

而姜文杰早前在熱爆中港台嘅網劇《反黑》,除了飾演「細華」一角,套劇嘅製作公司畀機會佢可以監製《反黑》主題曲《大丈夫》,仲有做《反黑》嘅電影配樂。

當年兒子想要入行,秦沛曾勸他三思,因為在娛樂圈工作好辛苦,但姜文杰說:「爺爺嫲嫲都係做呢行,爸爸、叔叔(姜大衛)都係圈中人。」一言九頂,秦沛話唔夠佢拗!

難得姜麗文都同爸爸感情超好,父女之間無所不談,連出街都孖住,早前本刊影到佢兩父女一齊去街,秦沛仲陪個女去食乳酪!