娛圈4位良心老闆宣佈員工唔使返工 杜汶澤更為港人發聲!

昨日颱風「山竹」襲港,除咗唔少樹木被吹毀,地鐵亦有架空電纜受影響,以致列車受阻,相信唔少打工仔今日都歷盡千山萬水先返到工!然而,娛圈就有4位良心好老闆宣佈今日公司員工唔使返工!咁體恤員工嘅老闆,堅要俾個like佢哋呀!

撰文:東方新地|圖片:Facebook、Instagram、新傳媒圖片庫

娛圈4位良心老闆宣佈員工唔使返工

颱風「山竹」襲港,市面除遍地垃圾及樹枝外,路面交通亦大受影響,無論鐵路抑或巴士都只得有限度服務。而今早已轉發三號強風信號,故全港一班打工仔都需喺交通未恢復正常嘅情況下番返工,結果就逼爆各個車站,就算大家提早出門,返工都要多幾倍時間!

杜汶澤

言而,一向敢言嘅杜汶澤今日亦有為一眾打工仔發聲,質疑「無車搭點返工呀?」,大膽指責今日唔宣佈停工嘅老細,坦言「因為決定嘅人自己有車有司機」。

於是,呢位咁有同理心嘅老闆杜汶澤發文表示自己公司嘅員工今日無須上班!仲講到明返工即炒!

呢個post一出,睇到唔少人隨即俾個讚呢位良心好老闆!

除有唔少人大讚阿澤外,仲留言指呢位老闆夠哂英明果斷!而且,亦有網友表示想成為阿澤公司嘅員工!

杜汶澤更為港人發聲!

其後,杜汶澤再貼出一張港鐵大圍站逼爆打工仔嘅相,並發長文分析「所謂僱主僱員自行決定上唔上班」的問題,阿澤就認為呢個方案實際上係唔可行,因為當一個僱主決定要上班,另一位僱主喺有比較之下,就會作出相同決定!

文中,阿澤仲批評特首今次冇宣布打工仔停工嘅選擇係離地,而且令普羅市民受苦。

其實,喺打風前一晚,阿澤已經認為市面未必可以即刻回復正常,並建議自己公司啲同事於今日可自行決定係咪有需要返公司!

結果,其發文就吸引咗網友們一連串激讚,大讚佢體恤員工,堅係個良心好老闆!而阿澤仲留言回覆網民:「將心比心啫,一日半日,會執咩」阿澤好嘢!

另一方面,唔少打工仔都非常認同其發文所言,直指返工需時,但市面一片混亂,若然強行返工反而會減慢全港恢復正常嘅速度!

林盛斌

至於身為「棋人香港」老闆嘅阿Bob(林盛斌),今日凌晨亦有喺fb貼出通告,指其公司今日休假一天,等員工可以為家庭作善後,並指出工作永遠做唔完,照顧家庭先係最重要嘅工作!

羅鈞滿

另外,月前喺油麻地開咗間甜品鋪嘅羅鈞滿亦體恤員工狀況,表示今日鋪頭會休息一天,當接受傳媒訪問時,佢坦言眼見呢個情況,根本就唔適合外出,更講唔上去返工!

古天樂

除咗杜汶澤呢位良心好老闆外,身為電影公司老闆嘅古天樂亦都體恤員工難處,指因考慮到員工安全,故決定員工今日可以留喺屋企home office,無須冒險返公司!

古天樂:自己有能力就盡力幫吓人

早前,古天樂領取《第十六屆世界傑出華人獎》時表示好開心,也好有意義,一直希望有能力幫到更多人,貢獻大眾,他說得獎也很意外:「今次得獎已喜出望外,喺自己有能力嘅時候就盡力幫一下人,也希望受過幫助嘅人,以後也能去幫助別人。」

講到獲獎以後,會不會更有責任感去做慈善?佢立即話:「責任感,唔係由獎項嚟定奪,唔能夠話拿咗獎,就要做自己做能力以外的事。(有指你在內地興建100間學校?)向來不回應做慈善的事,想保持低調,總之有能力就繼續幫人啦!」

冇向家人提及獲獎

古仔坦言獲獎一事並冇同屋企人講,但係古天樂的媽媽就在和朋友食飯時從友人口中得知,他說:「返去就一直問我呢件事情,因為佢可以問上一整日,所以我都習慣咗唔話佢知呢啲事。」

近來忙於拍攝電影的古仔話冇慶祝活動:「因為夜晚仲要回去拍攝,完咗呢套電影又要一啲宣傳活動,然後下個月就開拍新嘅電影,所以冇時間。」

建小學、捐贈醫療室、750口水窖

古天樂因2008年目睹汶川地震摧毀咗好多人嘅家園,決定成立「古天樂慈善基金」,幫助有需要嘅人,佢仲出錢又出力,私下經常跟進同了解興建學校慨進度,確保唔會出現豆腐渣工程。曾有記者致電詢問「在大陸捐建60幾間學校花咗幾多錢?」古天樂唔肯透露,只係話:「我只係本著做善事嘅心,唔想講錢,亦冇目標要捐建幾多學校。」仲話自己有小小成就,有能力就幫忙,亦會一直做落去。據知古天樂至今已斥資興建97間小學,並捐贈18間醫療室、750口水窖同1座小水利工程,捐款超過2,425萬。

曾幫「大佬B」還巨債

除咗低調做善事,古天樂喺圈中仲幫助過唔少人度過難關,「大佬B」吳志雄曾經公開感謝古天樂喺佢最困難時支持佢,據知「大佬B」喺1999年投資失利,蝕咗近億元,古天樂因為喺未紅時曾受過「大佬B」恩惠,所以幫佢還清巨債。

此外,仲有指古天樂為感謝《陰陽路》監製南燕多年前嘅賞識,當對方患病時,一直喺經濟上支持對方,仲會久不久包機票、酒店請南燕一家去旅行。有傳古仔仲一直照顧前度女友黃𨥈瑩,每月都有畀生活費對方。

帶孤兒參觀其《星戰》藏館

古天樂係《星球大戰》迷,喺佢嘅私家藏館,就珍藏咗大批心愛嘅玩具,唔對外開放,只會偶爾由影迷會會員帶同孤兒院嘅小朋友前往參觀。

99年 同宣萱齊封帝后

1999年男女主角古天樂與宣萱《刑事偵緝檔案IV》,奪得萬千星輝頒獎典禮最佳男主角和最佳女主角獎。自從無綫劇《不懂撒嬌的女人》播出後,工作長接長有,而宣萱同古仔呢對最佳熒幕情侶再度合作,皆因宣萱同古天樂旗下經理人公司合作,佢早前席公開活動話:「以Part-time形式幫我接Job,冇諗過同Ronnie(古天樂經理人)識咗十幾廿年後會再合作。試探吓先,如果夾就繼續合作落去。(傾向會做咩?)始終都鍾意拍劇,主持方面就弱啲,如果係商演、廣告就舒服。」

身家過10億

據聞古天樂的身價已經超過10億元,是一位名副其實的超級富豪,而且不僅是有錢,而且很有愛心,在內地貧窮地區捐贈近百間中小學。不管是經濟條件,還是在心靈上都是那麼富有,現在只差一位彼此相愛的女伴,共渡餘生。而且古天樂絕對是本地鑽石型男中最優質的頭幾位,他一直以來拍過不少作品,跟不少美女索模工作,但絕少傳出緋聞,多年來,他只唯一公開承認一個女友,就是跟他拍過拖7年的黃紀瑩。有指他們雖分開多年,但仍然有交流,古天樂仍然很關心對方,甚至有指古天樂曾承諾一生都不讓人傷害她。由此可見,他們分手後仍是朋友,古仔更對對方照顧有加,絕對是有情有義的大暖男!

古天樂首奪金像獎影帝

古天樂從影多年,演出角色無數,但之前竟從未攞過電影獎項。不過古仔今年在《殺破狼‧貪狼》飾演一位任警察的單親爸爸,罕有地親身上陣演出連場動作場面,內心戲又有感染力,最終佢憑此片打破宿命,在「第37屆香港電影金像獎 」中,首奪金像獎影帝!

讀者留言