【婚姻合伙人】陸永演自卑宅男揸林秀怡蘿超搶鏡 網民：好想知手感係點！

撰文：東方新地｜圖片：電視截圖、劇照

陸永演自卑宅男揸林秀怡蘿

日前，《婚姻合伙人》劇情講到陸永扮演嘅自卑宅男，見到著住超高踭鞋、打扮性感嘅林秀怡幾乎失足跌倒之際，決定馬上救對方，點知唔小心摸到對方pat pat！

出哂龍抓手誤摸pat pat嘅陸永自己都嚇到o哂咀，所以不知所措下隨即放手！

點知就令二人雙雙跌低，林秀怡更成個人瞓咗喺陸永上面，點知陸永之後仲要俾女方責鬧佢無好好扶穩其pat pat，否則就唔使跌低。

呢幕一出，唔少觀眾及網民立即大讚劇集內容輕鬆搞笑外，亦讚陸永於劇中角色生動搞笑，成功帶動劇集氣氛！

劇中，陸永飾演郎朝勇（楊明飾）孖生弟弟郎朝仁，係一個自卑宅男，因考過多次試都考唔到個會計牌，加上長年活喺呀哥陰影下，自己又無女朋友，所以久而久之就變成宅男兼好怕女人，與現實世界中嘅陸永性格有天淵之別。

不過，劇外嘅陸永就大爆角色會與飾演施嘉露嘅林秀怡將有感情綫，仲要係非一般好似其他劇集嘅感情綫發展咁，皆因郎朝仁性格會慢慢出現意料之外嘅改變，因而影響二人於戲中嘅發展！想知係點，大家就要拭目以待啦！