Koo1

子華神助陣宣布 古巨基紅館騷全唱廣東歌

黃子華年初五(2月20日)喺古巨基Facebook拍片幫基仔宣布佢將於五月展開演唱會,相隔七年再開紅館騷,基仔話今次演唱會特別之處係會全唱廣東歌,其中一隻仲會同黃子華有關,佢又話嚟緊會同子華合作,不過詳情要喺三月先可以公布。

撰文:東方新地

圖片:新傳媒圖片庫

子華神:擘大耳仔等聽歌

古巨基將於五月舉行「香港站特別版古巨基我們世界巡迴演唱會」,佢喺Fb留言話:「初五開工大吉!子華有嘢想幫我向大家宣佈!」原來佢搵來子華神喺Fb拍片幫佢宣布演唱會消息,戴住黑色帽加運動裝嘅子華神喺片中表示:「古巨基,聽講你五月開演唱會啦噃!依家已經係二月啦噃,七年冇開演唱會,忽然之間話要開演唱會,聽講你有一隻歌係同我有關㗎噃,你唔好呃我噃,我一定擘大隻耳仔,等候你演唱會。

問到基仔點解搵子華幫佢公布?佢搞笑話:「因為佢靚仔呀嘛!我咁緊要嘅一件事,一定要搵個靚仔幫我講,咁當然啦!因為佢當旺,佢部電影咁爆、票房咁好,我有件咁重大嘅事,一定要搵佢嚟幫我公布!」而講到網民問佢係咪同子華有合作,佢就大賣關子話:「係有一個合作,不過要三月份先可以公布,依家唔講得住!」又表示今次演唱會係特別為香港訂製,所以只會唱廣東歌,又話:「七年冇返嚟紅館開騷嘅感受就係好痕呀,七年之癢啦,好期待!」

子華神有話說!

初五開工大吉!子華有嘢想幫我向大家宣佈!五月,紅館見!#古巨基演唱會#香港站特別版古巨基我們世界巡迴演唱會

Posted by 古巨基 Leo Ku on Monday, 19 February 2018

古巨基 黃子華
古巨基年初四仲同老婆拍住拖去撐子華場。
子華 古巨基
唔通子華神講嗰首古巨基同佢有關嘅歌,就係呢首〈利是屬於你〉?

古巨基結婚 搵子華做兄弟

古巨基同Lorraine結婚補擺喜酒,一眾兄弟團包括欄王劉翔、雷頌德、森美、蘇有朋同吳家樂等一早到場慶賀,而黃子華更係其中之一,典解呢?子華笑言幫基仔做兄弟因為:「都係行街撞到,基本上你好難撞到我嘛,我又好難撞到佢,咁大家撞到,相認咗之後,我記得佢今日結婚,我話:『你好似冇請我喎!』咁佢話:『咁你不如做兄弟吖!』」子華續說:「我食咗佢好多曲奇餅,真係要還。同埋今日真係好高興,我上個禮拜同佢食飯,佢食兩嘢就話走喇,唔夠瞓,因為今日所有嘢……我未聽過今日所有嘢都係新郎哥自己做出嚟嘅。佢係話要睇住人搭起啲嘢,我諗以後啲人結婚會好大壓力。」

子華 古巨基
問子華基仔兄弟團有咩做,子華笑言:「佢連底褲都幫我哋買埋,所以我哋連入面都襯埋。」
子華 古巨基
至於酒會會否有遊戲,子華說:「好直接,就係飲完一杯再一杯,飲到瞓低為止。」
古巨基 子華
當日古巨基同太太Lorraine補擺喜酒,在四季酒店大宴親朋,有勁多紅星名人出席,非常熱鬧。

10首古巨基經典動人金曲

1.〈友共情〉 1997年

「下雨天總掛念從前 球場上那可愛片段」一句歌詞將過去球場上的回憶喚起,多少友情的點點滴滴,青蔥歲月。

2.〈歡樂今宵〉(電影求戀期主題曲)1997年

「歡樂今宵 虛無飄渺 再沒餘地繼續纏繞」,道出多少愛情的短暫,辛酸。

3. 〈藍天與白雲〉 1994年

「滿載你心坎 Woo yeah oh 那是藍天與白雲」 天氣好好的時候總想哼起這首歌!

4. 〈好想好想〉 (情深深雨濛濛 片尾曲) 2001年

「好想好想好想好想好想好想和你在一起」多少徘徊在情侶之前的男女,有多想表達這種情感。

5. 〈必殺技〉2003年

「求你別要 如從前 純熟地碰我」以遊戲的術語必殺技比喻愛情的受傷,有玩遊戲的人十分有共鳴。

6. 〈愛與誠〉 2004

「別再做情人做隻貓 做隻狗 不做情人做隻寵物至少可愛迷人」 完全將愛情的纏繞表達,做隻貓做隻狗不做情人當年唱到街知巷聞。

7. 〈勁歌金曲〉2004年

多首經典粵語金曲混合,長達10分鐘,唱卡拉OK完結前必點的歌。

8. 〈愛得太遲〉 2006年

「我過去 那死黨 早晚共對
各也紮職以後 沒法暢聚
日夜做 見爸爸 剛好想呻
卻霎眼 看出他 多了皺紋
最心痛是 愛得太遲」
完美地將都市人的友情親情呈現,更帶來愛需要及時的意念。

9. 〈告別我的戀人們〉 (903廣播劇《告別我的戀人們》主題曲) 2012年

「學習成熟也因天真過
樂與苦 同樣無價
我們也應感激這些 愛的代價」
成長後的古巨基,帶來充滿閱歷的歌曲,有故事的人會身同感受。

10. 〈致少年時代〉 2014年

「愛少年時代 放肆而無害
最愛著拖鞋跑屋邨似障礙賽
然後最怕背書裡未懂裝懂的感慨
未料到將來 那強說的愁 已情懷不再」

成長印證的歌詞,回憶年少的情懷。

Bonus:〈找到你是我最偉大的成功〉 2015年

這首應該是唱給太太的歌。

新歌:〈初心〉 2017年

 

延伸閱讀:

拖4女遊澳洲 萬能謙謙冧爆楊怡