ft pic

孖住開新劇 陳展鵬胡定欣喪操谷體能

《城寨英雄》播完,有冇續集暫時未知,但監製文偉鴻早前透露即將開新劇《同盟》,陳展鵬胡定欣繼續做男女主角,晌平行時空延續拳佬同刁蘭嘅愛情!為預備新劇,定欣同煎pang近日不斷狂操,煎pang即使身在加拿大登台都堅持日日做gym,咁鬼勤力,難怪深得監製重用啦!

延伸閱讀︰

周汶錡萌爆B 唱K神器賀周麗淇生日

胡說八道飯局 豹哥被迫扮紅唇刁蘭

《城寨》收得,造就定欣煎pang呢對螢幕情侶勁受歡迎,兩人除咗有份合唱《城寨》插曲,下月開拍嘅新劇《同盟》亦會繼續擔正做男女主角!監製話今次唔只有呢對CP孭飛,仲有影后鮑起靜加盟;另外姚子羚、陳山聰都會加入,可惜「花曼」王君馨同「牙佬」袁偉豪撞期拍唔到,未能重組《城寨》班底!

監製透露《同盟》係時裝版《武則天》,鮑姐戲份一定唔少,而且鮑姐同煎pang曾經晌亞視年代合作過,肯定默契十足!至於定欣煎pang係咪繼續做情侶暫時未知,但新劇需要每個演員都打,所以開機前會有一連串訓練,包括槍械同以色列搏擊術,真係少啲體能都唔掂!

全文完