WEB 1000X600

孖囝囝出騷搵錢 黎諾懿教香香造人秘技

黎諾懿與岑麗香前晚出席迎新春揭幕禮,黎諾懿首次帶埋囝囝「小春雞」黎峰睿齊齊亮相,有子萬事足嘅諾懿更即席向香香傳授生仔秘技㖭!

撰文:東方新地

圖片:東方新地

囝囝賺錢老竇享福

對於兩父子首次拍住上工作,黎諾懿表示非常開心,既可以一起賺錢,又可以當親子活動,一舉兩得!說到兒了子比他厲害,年紀輕輕就已經可以出來賺錢,諾懿話唔介意囝囝出席公開活動,但拍電視劇就免問:「佢賺錢叻過我細個,遲啲養埋爸爸,咁爸爸就可以全職照顧佢。出席活動、拍廣告都冇所謂,不過拍劇就唔好,因為太辛苦,依家流感咁犀利,錄影廠又多菌,如果佢病咗我老婆會殺咗我。」諾懿揚言希望明年追番個豬女,實行湊個「好」字後老婆就可以封肚收工。

黎諾懿帶同兒子「小春雞」與岑麗香到九龍塘出席賀年活動,小春雞表現淡定,面對司儀嘅提問還會以BB話回應,cute爆!
黎諾懿帶同兒子「小春雞」與岑麗香到九龍塘出席賀年活動,小春雞表現淡定,面對司儀嘅提問還會以BB話回應,cute爆!
黎諾懿笑言囝囝好叻識賺錢,遲啲可以養埋爸爸!
岑麗香見到可愛嘅「小春雞」,都忍唔住要逗佢玩!

 

9個月大嘅「小春雞」第一次出嚟賺錢,黎諾懿話出席活動、拍廣告都冇所謂,但就唔會畀囝囝拍劇:「太辛苦啦,自己拍緊嘅劇都有小朋友同BB,見親佢哋都係瞓。」

生仔揀朝早

至於一直努力造人嘅岑麗香見到可愛嘅「小春雞」,都忍唔住要逗對方玩,香香話唔希望為生B令自己有太大壓力:「講太多以為我有咗,唔講又以為我唔想生,生或者唔生最好就係冇壓力,順其自然。」身旁嘅黎諾懿仲即席向香香傳授生仔秘技:「生仔就揀朝早做,因為兩個都係最精神、最活躍嘅時候,生女就要夜晚做。」不過香香就話生仔還是生女都唔到佢揀,總之一切順應天命:「仔女都冇所謂,今時今日男女都一樣。」

香香自言思想傳統一定會生B,至於生仔生女都冇所謂,一樣愛錫,最緊要BB健康。而問到老公強強喜歡仔定女?香香笑言: 「你哋問番佢啦!」

 

問到老婆會否介意兒子亮相活動,諾懿大笑:「當然唔會啦,佢都喺現場,始終係小春雞第一次出席活動,梗係要錄影留念。」
諾懿又向香香傳授生仔秘訣,教佢想生仔就揀朝早行房,生女就揀夜晚。

 

諾懿大讚小春雞首次出騷反應比預期好,又透露出年豬年想生個豬女陪囝囝,好等佢有個伴。