孫耀威

孫耀威借西裝不甘被騙 嬲爆指:我送俾你都得啦馬先生!

最新娛聞

廣告

早前,孫耀威(Eric)於尖沙咀開設禮服訂製專門店,同時一直忙於音樂同禮服生意。日前,他突然嬲爆於網上發帖大罵,指有位姓馬藝人於其開的禮服專門店借西裝,出席名店CHANNEL的活動,但後來Eric才得悉該「馬先生」原來講大話,究竟係邊個?

撰文:東方新地|圖片:facebook、instagram、新傳媒圖片庫

孫耀威借西裝不甘被騙

昨日,孫耀威(Eric)於社交網嬲爆發帖大罵,指一名姓馬藝人自稱借西裝出席大型品牌活動,但實情其實只係去馬來西亞出席朋友的婚宴,Eric得悉後事實的真相後,即刻嬲嬲豬直斥對方根本無需講大話!

孫耀威嬲爆指對方低手

孫耀威發文講出事件的來龍去脈,除了表示對方只要講出真實用途就可以,直指對方的隱瞞只會顯得他的低手,仲嬲爆揚言:「我送俾你都得啦馬先生!」

由於孫耀威直接表明對方姓馬,因此帖文一出,立即有網友猜測「馬先生」身份,留言問是否馬國明或者馬浚偉。

隨後,Eric都否認並非以上兩位藝人,同時表示「我不在fan page post已經仁至義盡!不想炒新聞!益埋佢!」

「馬先生」是誰?

雖然Eric到事件最後都冇公開到該位「馬先生」是誰,但點知近日著名形象設計師馬天佑,就咁啱同吳千語於吉隆坡參加友人婚宴,並穿上禮服影照到社交平台。

其後,馬天佑回覆傳媒承認事件,不過佢就解釋事前自己「真係唔知道」,因為他在公司試衫時「無問清楚西裝係如何借返嚟就攞咗出trip」呢個解釋唔知Eric接唔接受呢?

馬天佑同時透過回應傳媒時,衷心向Eric道歉,並提醒同事不可再有同樣事情發生,「今次件事真係好對唔住,我會再親自同Eric道歉。」

孫耀威

早前,孫耀威於尖沙咀開設禮服訂製專門店,同時一直忙於音樂、指戲同禮服生意,為搵多個錢非常努力不懈!

孫耀威更會著上親自設計嘅西裝出席活動,實行做埋模特兒,親身宣傳自家西裝,認真一舉兩得!

孫耀威 陳美詩大婚

孫耀威與Macy拍拖8年多,並在美國洛杉磯註冊結婚,兩人上年於假堅尼地道的佑寧堂舉行婚禮,孫耀威着上型格紫色西裝,而Macy則身穿低胸魚尾婚紗,配上價值逾500萬的珠寶首飾,兩人襯到絕!

孫耀威在過百親友見證下為Macy套上婚戒、讀出誓詞,兩人當然唔少得係咁咀嘴啦!

孫耀威冇洞房

孫耀威自爆結婚當晚不停被朋友隊酒,12點幾已經飲醉咗,連洞房都冇,真係嘥咗!反而太太Macy酒量好好,仲同班姊妹傾偈傾天光。佢又表示結婚後責任感大咗,覺得要盡一個男人的本份,希望將最好的都俾晒太太。

孫耀威透露太太Macy重返樂壇,佢笑說希望太太成功,因為自己可以食吓軟飯!及後,佢笑稱Macy從冇為自己煮過飯,覺得自己好慘!

常見問題

世界盃熱播中,電視台劇集方面有咩特別安排?

TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV包攬世界盃賽事播放,即睇緊湊嘅賽程表,仲有熱播中嘅原創劇《繩角》即將進入結局周⋯⋯按此看劇集&角色介紹

2022到2023上半年度演唱會多鑼鑼,有咩搶飛攻略?

本地歌手/組合包括:ERROR日前終於宣布12月中開show,門票於11月24日公開發售,按此看購票詳情;許廷鏗成立個人公司後開首個個人音樂會,門票將分為三個階段進行,於11月24日進行優先購票,按此看詳情;仲有闊別三年終於回歸嘅Clockenflap,將於2023年3月於中環海濱舉行,即睇場地及售票詳情;另外,疫情逐漸緩和,不少外國歌手/組合亦陸續宣布來港開Show與一眾粉絲久別重逢,包括:女團MAMAMOO舉行世界巡迴,香港站定於2023年1月7日,即睇票價及搶飛攻略;出道25周年的愛爾蘭男子天團Westlife都來香港開Show,仲要定於情人節2月14日亞博館Arena舉行,將於11月28日優先購票,按此看售票詳情

讀者留言