客串李思捷《一家大晒》「燦哥」廖偉雄好艷福

廖偉雄 闊別港片17年

燦哥對上一部拍嘅港產電影已經係2001年嘅《漫畫風雲》，今次相隔17年再出山，燦哥話片酬只屬其次，重點係導演李思捷交出咗二百分誠意：「其實思捷畀劇本我睇時，我唔想拍，因為實在太忙冇時間，更加唔想分心拍戲，影響農場嘅工作，但後來思捷專誠到我位於廣州花都嘅農場搵我，誠意十足，想推都推唔甩，但我事先聲明，只有一日檔期可以幫忙拍攝！」

問到酬勞係咪好吸引？燦哥直言就算收一蚊酬勞都會拍：「錢，大家都未傾，事實係我依家唔係靠演藝行業搵飯食，多與少唔係重點，畀一蚊又好，唔畀都好，我當玩吓客串冇所謂！」