宣萱

宣萱相隔7年再拍古裝 新劇造型霸氣驚艷

內地古裝劇《聽雪樓》的劇組日前上載出幾張角色劇照,其中有份參與演出的,除了有相隔7年再拍古裝劇的香港實力派演員宣萱外,更有女神之稱的獻出人生第一次,拍攝她首部古裝劇。兩位的角色造型皆各有特色,唔知大家又鍾意邊個多啲呢?

撰文:東方新地|圖片:新傳媒圖片庫、微博Instagram

宣萱上年人氣上升

事隔5年,宣萱再接拍TVB劇集,令香港觀眾可以再次在電視上見到佢,以上年為例,就曾播出《不懂撒嬌的女人》及《使徒行者2》。無論當中的角色是女強人Mall姐,抑或是外表硬朗的Scarlett,都令其人氣急升及令觀眾們大飽眼福。

宣萱相隔7年再拍古裝

雖然今年宣萱好似冇劇會於TVB播出,但最近佢就接拍內地劇《聽雪樓》,而且呢套仲要係古裝,聽到呢個消息大家都非常高興,皆因上次宣萱拍古裝已經是7年前的《萬鳳之王》!

宣萱眼神幾凌厲!

宣萱新劇造型冷艷

近日,《聽雪樓》的劇組就放出宣萱最新劇照,見佢今次的古裝造型非常有霸氣,與以住的古裝相比,更多添一份冷艷!據知,宣萱今次在新劇飾演反派華蓮教主,就咁睇相都已經覺得,只要佢單單一個眼神,就可以嚇怕對手。

可能因事隔多年後,再次見到宣萱的古裝造型,所以令唔少網民留言讚好,並表示她的古裝造型太好看,未播就已經好期待咁話!

袁澧林首次拍古裝

另外,值得一提的是《聽雪樓》除了有宣萱外,亦有一位香港女藝人參與演出,就是今年24歲的文青女神袁澧林!此劇是她第一個於內地發展的作品,而她在劇中飾演角色「明河」。由於這是她人生第一個古裝造型,所以令唔少網民眼前一亮!

袁澧林在劇中充滿仙氣造型,令網民大讚好靚,更直言比女主角更漂亮,直頭搶晒鏡。

袁澧林從未以古裝出鏡,日常均穿現代時裝,今次的造型的確為大家帶來唔少驚喜,未知大家又鍾意她穿時裝定古裝多?

關鍵詞
宣萱古裝