何艷娟

宮女輪入豪門 直擊何艷娟甜蜜爺孫戀

最新娛聞

廣告

劇集《深宮計》果然夠旺,除咗主角爆紅,一班宮女亦輪住嫁富豪,繼早前在劇中飾演陳煒得寵宮女31歲李美慧閃嫁56歲富豪曾文豪後,該劇另一宮女26歲何艷娟亦蜜運成功,入紙同66歲澳博營運總裁吳志誠排期結婚,爺孫戀修成正果!

早前,本刊直擊何艷娟帶埋阿媽,同未來老公吳志誠甜蜜拍拖行超市,雖然年齡相差40年,但兩人表現十分有默契,買完嘢吳志誠更非常有風度,搶住幫未婚妻攞戰利品,體貼入微,待嫁準吳太認真幸福閃爆,難怪岳母見女婿,全程都笑逐顏開。

撰文:東方新地|圖片:新傳媒圖片庫、何艷娟IG

何艷娟 低調拍拖三年

有份演出劇集《深宮計》做宮女的何艷娟,是14年港姐季軍,當選後簽約無綫三年原來亦低調拍拖三年,隨著《深》劇大結局,何艷娟同66歲澳博營運總裁男友的「爺孫戀」亦修成正果。早前兩人就入紙登記註冊結婚,搶閘快過同屆冠軍邵珮詩及亞軍王卓淇出嫁,據知情人士透露:「Katherine(何艷娟)14年當選之後,喺同年12月嘅澳博中國風晚宴上邂逅咗吳志誠,嗰晚因為係港姐活動之一,冠軍邵珮詩都有份出席,不過男方冇睇中冠軍,反而同Katherine好啱傾,兩個好快開始拍拖,其實吳志誠老婆喺二十年前過世,佢一直未有再婚,直至遇到Katherine,佢覺得真係緣份到,Katherine亦好緊張呢一段感情,拍拖三年幾以嚟都好低調,冇乜同圈中人講,所以被爆出婚訊大家都好驚訝!」

Katherine Ho 何艷娟(@katherine_hoyk)分享的貼文 張貼

身家逾20億

飛上枝頭的何艷娟,未來老公吳志誠是賭業猛人,身兼澳博營運總裁及執行董事,是賭王何鴻燊得力心腹,據17年澳博的年報顯示,他持有澳博2.66%的股份,市值逾12億,還未計其他投資及物業,身家估計已超過20億,名副其實是城中筍盤。據知情者透露:「吳志誠同Katherine一樣係港大畢業生,有學歷又有頭腦,佢76年已經加入澳娛,係『十姑娘』何婉琪私人秘書,千禧年𨍭職去賭王何鴻燊旗下,成為營運總裁,係賭王心腹!吳好識投資又有生活品味,平日鍾意飲紅酒傾生意,之前佢花咗七千萬喺法國買咗一個高級酒莊,當作係投資,睇啱就出手絕唔手軟!」

千八萬訂情樓

拍拖三年多以來,何艷娟早已富貴逼人來,雖然在無綫只係藝員仔,平日出入有司機接載,身上名牌亦不少,深得澳博男友寵愛,早在16年,何艷娟便以一千八百萬買入君臨天下一個單位,首度做業主已經係買豪宅,有指該豪宅正是未來老公吳志誠送贈的訂情禮物,而同吳志誠入紙登記註冊,兩人亦同報半山麥當勞道豪宅。據知情者透露:「吳志誠出名有風度又出手闊綽,拍拖已經送唔少珠寶畀Katherine,又成日帶Katherine去睇樓,未結婚已經送豪宅當係訂情禮物,錫到女友燶!」

老公有風度

日前本刊直擊何艷娟陪未來老公拍拖出巡,甜蜜行超市上糧,當日何艷娟的餅印媽咪亦有同行,只見岳母女婿全程毫無芥蒂好好傾,同準女婿關係看來相當好,何艷娟對住成熟穩重未婚夫亦顯得特別小鳥依人,買每樣嘢都同老公有商有量,吳志誠更好有風度,全程負責推住手推車,最後買了一車戰利品去畀錢,雖然何艷娟主動拎起大袋嘢離開超市,不過,唔夠幾秒吳志誠已從她手上搶過來攞,深怕何艷娟攞重嘢辛苦,嫁得如此富貴好老公,的確羨煞旁人!

餅印母陪拍拖

何艷娟拍拖唔介意帶埋阿媽同行,何母更同女兒如同餅印,當日戴著口罩的吳志誠對女友呵護備至!

母女感情好

何艷娟同媽咪似足姊妹花,兩母女感情要好,拍拖行街何艷娟亦唔會顧住黐實未來老公,不時搭實媽咪行。

司機接出入

司機一到,吳志誠即一馬當先行去上車,何艷娟則陪住媽咪跟在身後。

識做企開

何艷娟雖然帶埋阿媽,同未來老公吳志誠拍拖行超市,不過,何母亦好識做,間中會企開啲,唔想妨礙女兒拍拖。

有商有量

同未來老公即使年齡相差40年,一樣冇代溝,全程黐實商量買啲乜,非常甜蜜。

搶住攞嘢

吳志誠對未來老婆非常體貼,見老婆攞住大袋物品,即刻搶住幫手攞,絕對唔使老婆操勞,何艷娟亦可輕鬆邊行邊飲嘢!

三人企埋一邊等司機,戴住口罩的吳志誠望住未來老婆,眼神充滿愛的火花。

入豪門之路

14年港姐季軍

來自北京的何艷娟,是港大法律系畢業生,14年當選港姐季軍的她,同屆冠軍是邵珮詩、亞軍王卓淇。參選亦令何艷娟人生改寫,14年以港姐季軍銜頭,出席澳博活動邂逅未來老公吳志誠,拍拖三年多爺孫戀開花結果。

Katherine Ho 何艷娟(@katherine_hoyk)分享的貼文 張貼

拍《愛·回家》

熱爆處境劇《愛·回家之開心速遞》,何艷娟亦有份演出,不過就戲份不多。

Katherine Ho 何艷娟(@katherine_hoyk)分享的貼文 張貼

Katherine Ho 何艷娟(@katherine_hoyk)分享的貼文 張貼

陪阿蘇睇風水

除了拍劇,何艷娟亦有參與綜藝節目,15年就曾拍蘇民峰的《民峰而至》,當時的主持還有李佳芯。

Katherine Ho 何艷娟(@katherine_hoyk)分享的貼文 張貼

5月紐約

演藝事業發展平平,何艷娟就專心拍拖,經常同男友周遊列國,五月兩人去完紐約,近日何艷娟又飛泰國,而未有現身《深宮計》的大結局宣傳活動,而且打扮亦富貴,遊泰時頸上就戴住名牌LV頸鏈。

A nice little morning stroll ☀️#nyc #newyork
Katherine Ho 何艷娟(@katherine_hoyk)分享的貼文 於 張貼

Museum visit #nyc #newyork
Katherine Ho 何艷娟(@katherine_hoyk)分享的貼文 於 張貼

7月泰國

Weekend vibes 🌼
Katherine Ho 何艷娟(@katherine_hoyk)分享的貼文 於 張貼

遊艇出海

同身家「億億聲」的吳志誠拍拖後,何艷娟生活亦變富泰無憂,不時坐遊艇出海,又學畫畫。

Katherine Ho 何艷娟(@katherine_hoyk)分享的貼文 張貼

學畫畫

終於畫完了!🎉 #hkig #hkiger #misshk #misshongkong #acrylic #acrylicpainting #iger
Katherine Ho 何艷娟(@katherine_hoyk)分享的貼文 於 張貼

Just finished my painting. ☺️🎨 終於畫好了 #acrylic #sunset #painting
Katherine Ho 何艷娟(@katherine_hoyk)分享的貼文 於 張貼

李美慧率先嫁

早前李美慧同富商曾文豪在淺水灣舉行婚禮,一班無綫藝員好友及樂易玲亦有畀面出席。之後再到法國大搞結婚派對。

有餡閃嫁富豪 宮女李美慧晒億元遊艇

成日都話女人最大幸福,就係能夠嫁個好老公,06年落選港姐,現年31歲的李美慧(ViVi),同56歲富商曾文豪拍拖半年閃嫁,早前在淺水灣舉行盛大婚禮,正式做曾太成為幸福少奶奶,簽紙一刻ViVi開心到眼濕濕,對老公讚不絕口。

的而且確曾文豪對李美慧呵護備至,結婚前夕,專登為老婆開遊艇派對製造浪漫驚喜,當日李美慧和老公同大班親友上船舉行婚前派對,李美慧大晒老公億元超級遊艇,陀住五個月肚的她,全程表現興奮,粗身大細出海,李美慧著住平底鞋,更由多人護住上船,盡顯富泰闊太派頭。

早前李美慧同富豪曾文豪於淺水灣舉行華麗婚禮,正式成為曾太的她,因為06年選港姐入行,拍過唔少劇集,當日就有唔少TVB藝人同事到賀,男家親友亦個個非富則貴,富商李民橋夫婦以及許晉亨等都有到場祝賀一對新人,場面熱鬧。

李美慧 宮女變闊太

在劇集《宮心計2深宮計》飾演「太平公主」陳煒親信宮女一角的李美慧,隨著劇集熱播,亦閃嫁富豪飛上枝頭變鳳凰,令唔少女人趨之若鶩。

李美慧同老公曾文豪年齡相距 25 年,外形卻非常合襯,穿上婚紗的李美慧,亦未有狂晒行頭,只佩戴一條珍珠頸鏈,一對耳環及手戴結婚鑽戒,相當簡約。

婚禮前一日,李美慧到1881試婚紗,新娘子全程神采飛揚,陀B的她更加胸前升cup,著上婚紗好有睇頭。

陀住曾家金叵羅,李美慧當然要小心護胎,化妝換衫一直著住平底鞋,直到影相時才由專人服侍換上高踭鞋。

早融入曾家

雖然拍拖半年就閃婚,但李美慧早已融入曾家,與曾文豪前妻所生的三個女兒曾昭怡、曾昭亮及曾昭令,和老公的孫仔孫女都相處融洽,當日曾家上下到齊分享喜悅,就連曾文豪前妻亦有到場。據知情者透露:「其實ViVi係拍完《深宮計》先喺朋友介紹下認識Peter(曾文豪),咪睇佢哋年齡相差咁遠,佢兩個一啲代溝都冇,性格好夾,Peter好錫ViVi,拍拖冇耐已經同佢求婚,ViVi性格溫柔又善解人意,完全冇『港女』性格,就算依家做咗闊太,婚禮又收到咁多珠寶首飾,佢都仲係崇尚清雅,唔會戴到成身鑽飾金器咁出嚟!Peter就係鍾意佢夠賢淑,覺得呢啲老婆好難得。」

出海游水

陀住五個月B出嫁,雙喜臨門的李美慧在婚禮上就坦言婚禮前一晚瞓唔著。「我希望令到自己攰啲,婚禮前一日出海游水,返到屋企攤上床成晚完全冇瞓過,直到依家都未瞓過,唔知係緊張定興奮,嚟到現場以為好多嘢想講,拎住咪又講唔出,好在有老公。」新婚的她三句唔埋就將老公掛在嘴邊,老公曾文豪非常受落:「我好多嘢想講,但怕overrun!」知道老婆仲有戲癮,婚後亦支持她繼續拍劇,曾搶住話:「佢鍾意做咪做!」令李美慧忍唔住撒嬌:「老公真係好好呀!」幸福喜悅之情掩也掩不住。

事實上,被老公錫到燶的她,婚禮前夕,就得老公曾文豪安排驚喜遊艇派對慶祝,與大班親友一齊出海狂歡玩足一日,Party更在億元豪華遊艇舉行。當日早上李美慧先到尖沙咀試婚紗,試了大半小時,之後由老公專車接載到銅鑼灣利園,會合老公曾文豪後,同大班親友一齊吃過午飯,就浩浩蕩蕩乘車出發到西貢早禾坑碼頭,上船出海開始派對狂歡。

七月法國婚宴

當日所見,已經陀B五個月的李美慧,雖然手腳仍然纖幼又冇水腫,但一襲貼身紅色裙已經明顯現肚,腹中BB已經有番咁上下份量。

成功娶得美人歸,曾文豪為畀老婆一次難忘婚禮,除了在香港淺水灣豪宅舉行婚禮,請來律師在場進行註冊儀式,讓雙方親友一同證婚,4月曾文豪更同李美慧到了不丹影婚紗相,兩名女兒亦有同行,享受新婚甜蜜浪漫之餘,一 家人更趁機共聚享受溫馨,李美慧早已同曾家上下打成一 片,接著七月一對新人還會到法國尼斯舉行大型婚宴,到時將會宴請過百親友飛當地出席聯歡。而幸福人妻李美慧八月便會停工養胎,準備迎接曾家金叵羅。

四間主客房

城中富豪鍾意晒遊艇,可以話係個人身份象徵,李美慧同老公曾文豪日前出海開P的豪華遊艇Mangusta 105,是意大利遊艇製造商Overmarine旗下Megayacht系列的一款超級遊艇,船身長達103英尺,船闊22.63英尺,遊艇搭載有兩台2400馬力發動機,駕駛船艙寬敞舒適,下層更設有主客4個房間,中層亦有闊落的休閒活動區和用餐區,船尾甲板除了能夠享受到日光浴外,還提供豐富的水上娛樂玩具,令你猶如置身水上世界。遊艇市值約一億港元。

老公係百億富豪曾紀華後人,當日李美慧舉行婚前遊艇派對,載親友出海的遊艇就極其豪華,船身長達103英尺,遊艇底層更有四間主客房,可謂排場十足。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!