陳詩慧

宮心計|「小三好」陳詩慧變21歲初熟美少女 公開奪男友初吻晒「啪啪啪」相

最新娛聞

廣告

深宵重播《宮心計》飾演佘詩曼童年「小三好」陳詩慧,亦曾在《公主嫁到》演阿佘童年,精靈可人,眼淚話流就流感動不少觀眾﹗「小三好」陳詩慧已由小童星長大成21歲少女,更不時在社交網同與男友放閃﹗

陳詩慧拍攝《保持通話》被梅小青揀中拍《宮心計》

陳詩慧同家姐陳小慧都是童星,兩姊妹樣子可愛又精靈,是在街上被星探發掘﹗陳詩慧05年開始拍電影,參演過謝霆鋒、房祖明《男兒本色》和古天樂、大S《保持通話》等,在《保持通話》飾演大S女兒方如婷,因而被《宮心計》監製梅小青睇中飾演佘詩曼童「小三好」,由於兩部電影都是陳木勝做導演,前年陳導離世,陳詩慧亦貼出合照及懷緬拍攝時的點滴,更以「提攜我的導演」尊稱對方﹗

陳詩慧 因為《保持通話》的演出,令梅小青睇中獲邀拍攝《宮心計》,飾演佘詩曼小時候﹗
因為《保持通話》的演出,獲梅小青賞識拍攝《宮心計》,飾演「小三好」﹗(圖片來源:新傳媒圖片)

《宮心計》兩個身份

陳詩慧拍《宮心計》時,幾乎場場戲都要喊,話喊就喊的淚功,完全難唔到佢!

陳詩慧
(圖片來源:《宮心計》截圖)

頭兩集就做小三好,到大結局就做三好個女,鄭嘉穎飾演嘅高顯揚,就係佢「爸爸」喇!

陳詩慧
(圖片來源:微博@陳詩慧)

小三好與小金鈴在當年《宮心計》播出時同樣受觀眾歡迎!有指因為喺片場有私家椅坐,兼可以自由出入化妝間,所以搞到其他小童星眼紅!

陳詩慧
(圖片來源:微博@陳詩慧)

陳詩慧其後在劇集《公主嫁到》又再飾演佘詩曼嘅小時候同囡囡,真係有緣﹗

陳詩慧 《公主嫁到》
《公主嫁到》(圖片來源:微博@陳詩慧)

在無綫劇《女拳》扮演童年陳法拉,辛酸兼缺乏母愛,絕招依然係喊得夠自然!

陳詩慧 《女拳》
《女拳》(圖片來源:微博@陳詩慧)

陳媽媽為女兒學業推周董電影 失六位數酬勞

有指陳詩慧曾獲邀演出周杰倫主演電影《逆戰》,酬勞有六位數字,但因要到外地拍攝兩個月,必須要向學校請假,陳詩慧媽媽怕影響女兒學業,所以最後把電影推了,雖然失去同周董合作機會,不過卻能與不同大卡士演員合作,例如林峯、張家輝等等!

陳詩慧兩姊妹長大成美少女

陳詩慧是無綫御用童星,出鏡率好高,有指她升上小學4年班後成績不理想,被老師勸告要專注學業,不過陳詩慧為興趣仍然堅持拍劇,小學畢業考入元朗區官立中學之後,才正式停止拍劇﹗ 呢間中學都出過不少名人,如馬神馬德鐘同太太張筱蘭,讀同一間中學讀書並邂逅!陳詩慧今年已經21歲,同家姐陳小慧一樣,大個咗都係咁靚女,戴起副大框眼鏡,添了幾分文青氣息!

陳詩慧 陳詩慧左)和家姐陳小慧長大變成美少女,兩姊妹感情由細到大都好好﹗
陳詩慧(左)和家姐陳小慧長大變成美少女,兩姊妹感情由細到大都好好﹗(圖片來源:IG@shannonmoonmoon )

孖男友放閃 晒「啪啪啪」合照

陳詩慧已經由當初的小童星長大成21歲初熟少女,而且有一位拍拖數年的男朋友,之前在社交網貼出男友合照放閃,留言「I like me better when I’m with you,嘿~心血來潮,啪啪…啪啪啪啪,真係癡得我多咁似我嘅,你記唔記得當年今日你同我第一次撘叮叮,仲要第一次同你拖住撞到friend,第一次襯情侶衫,第一次錫你臉豬dun(講個秘密,佢比我錫完之後自己行開咗冷靜成分鐘)。」

陳詩慧 大晒恩愛﹗
大晒恩愛﹗(圖片來源:IG@shannonmoonmoon )
陳詩慧 拍拖日常,嘟嘴自拍﹗
拍拖日常,嘟嘴自拍﹗(圖片來源:IG@shannonmoonmoon )

公開奪男友初吻:我會負責任

陳詩慧爆奪去男友初吻:「我同你第一次行中環碼頭你就送咗個好好好好好好好珍貴嘅初吻比我,真係邊有人亂咁比初吻比一個見咗一面就鍾意嘅人架, 真係傻,不過你好彩喇,遇到個好似我咁負責任嘅人。無論一年前,定係一萬年後…我都會一直喺你身邊陪住你捱過佢…唔洗驚 不顧一切勇敢衝啦,你得架豬。」

陳詩慧 拍拖甜蜜蜜
拍拖甜蜜蜜(圖片來源:IG@shannonmoonmoon )
陳詩慧 之前拍拖去迪士尼﹗
年初時拍拖去迪士尼﹗(圖片來源:IG@shannonmoonmoon )
陳詩慧 大讚男友視角影得好﹗
大讚男友視角影得好﹗(圖片來源:IG@shannonmoonmoon )
陳詩慧 青春無敵
青春無敵(圖片來源:IG@shannonmoonmoon )
陳詩慧 陳詩慧升中後沒有再做童星,但在中學期間對在Drama比賽中奪得「最佳女演員」獎﹗
陳詩慧升中後沒有再做童星,但在中學期間在Drama比賽中奪得「最佳女演員」獎,對演戲充滿熱誠﹗(圖片來源:IG@shannonmoonmoon )
陳詩慧 陳詩慧離開幕前,但中學時相當活躍,演戲跳舞都有佢份﹗
陳詩慧離開幕前,但中學時相當活躍,演戲跳舞都有佢份﹗(圖片來源:IG@shannonmoonmoon )
陳詩慧 同小時候樣子變化不大,多少份少女味﹗
同小時候樣子變化不大,多了份少女味﹗(圖片來源:IG@shannonmoonmoon )

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:轉載自Sunday Kiss圖片來源:微博@陳詩慧、IG@shannonmoonmoon、新傳媒圖片、《宮心計》截圖