ft pic

宵夜直落 余文樂疑似新歡起底

近期緋聞多多嘅余文樂,先後同小儀、周冬雨扯上關係,不過樂仔一一否認,話同周冬雨只係劇情需要扮情侶,而小儀更加係冇可能,除非過幾年都搵唔到女友先會「在一起」!落晒閘保住single身份,都係為咗方便識女仔。日前樂仔被影到揸住架200萬新車去中環夜蒲,期間同一名外籍索女密密傾,之後仲直落銅鑼灣宵夜食拉麵!

延伸閱讀︰

囝囝暗黑料理賀楊千嬅結婚7周年

真人騷好搵 陳敏之想夫妻檔吸金

周冬雨同小儀都唔係樂仔杯茶,咁呢名疑似新歡又確係唔錯!鬼模叫Janine Claase,南非人,係本地model公司CalCarries旗下model,身高有成180cm,同樂仔外形都幾襯!

13

Janine Claase係樂基兒師妹,來港發展已有8年,連身份證都有埋!Janine晌ig放咗唔少旅行相,當中唔少得三點式泳裝,雖然唔算魔鬼身材,但勝在夠青春有活力!

除咗夠陽光,Janine亦熱愛藝術,歐遊唔係去瘋狂shopping,而係踩單車周圍去,貼地得嚟又有氣質!

不過Janine嘅ig入面有唔少同一位亞裔男子嘅親密合照,似係名花有主!唔通樂仔今次又食白果?

全文完

關鍵詞
余文樂