【家務戰場】26歲貝依霖被封「家務廢柴」 爆粗mean精言行出位

撰文：東方新地｜圖片：ViuTV《家務戰場》截圖、貝依霖IG、《喱騷》截圖

貝依霖不滿要瞓帳幕

《家務戰場》是ViuTV的全新節目，貝依霖（Chantale）、馬俊怡（Rose Ma）、伍詠詩、王頌茵、邱晴、陳婉婷（Hebe）6位媽寶囡囡，在挑戰各項家務時盡顯最真實一面，當中言行最出位的是26歲的貝依霖，在首集中，6女要入住訓練營並以抽籤形式決定房間等次，貝依霖抽到「浪漫星空套房」，貝依霖即嗲聲問：「係咪有埋男人㗎？」令主持呆在當場﹗最後原來被與Rose Ma同瞓帳幕，唔習慣瞓帳幕的貝依霖突然爆出：「好X硬﹗我平瞓又整到尾龍骨，打側瞓又整到我盤骨﹗」

貝依霖mean爆批評邱晴廚藝

邱晴、Kathy仔率先接受首項秘密任務為大家煮早餐，故比大家早起身而為大家準備，古明華問大家覺得早餐如何，陳婉婷指雖然麥皮「杰達達」但味道不錯，但貝依霖不停追問「加咗咩去煮㗎？奶？咩奶呀？」古明華指麵好似未煮熟一樣，邱晴一臉天真地話：「芽菜好味吖，夠味呀﹗」貝依霖毫不客氣咁話：「啲芽菜好味，係因為啲芽菜本身有味本身好味，唔係煮得好味﹗」評語mean到爆﹗

貝依霖要受罰

6位世界級囡囡要接受清潔家品的挑戰，15分鐘限時內清潔常見的家品，例比賽甫開始，Rose Ma跪在地上落力洗風扇，不過她竟然用濕布抹插頭，犯下大錯，被指是錯誤示範，非常危險。貝依霖為在比賽中唔好輸，竟然暴力拆開抽油煙機，當場嚇親眾人，最後被封「第一屆家務戰場家品清潔廢柴」冠軍，被罰為所有人吸塵清潔。

貝依霖挾杜汶澤新女之名上位

杜汶澤自從與朋友集質七位數字開新公司後，升呢做老闆，但仍親力親為做自家新網台「杜汶澤喱騷Chapman To’s late show」，並利用網媒實行為自己製造熱話自己兼做埋宣傳，成功引起大家嘅關注，所以杜汶澤一直聘請嘅新員工個個都勁好身材，成功令幾位「澤女郎」上位，其中一個是24歲的貝依霖，有指她為求上位，曾經與杜汶澤合作期間爆出疑似露乳暈事件！

貝依霖疑似走光露乳暈 網民指博上位：特登露？

杜汶澤呢排又再聘請一位擁有導彈級身材嘅莊端兒做私人女秘書，同時亦會喺全新資訊性live節目《壹鳩大事回顧》中出現。當時，杜汶澤仲驚自己老婆阿田會對呢位新秘書有意見，皆因莊端兒名副其實係個double may﹗杜汶澤搵到24歲嘅貝依霖番嚟開工，並喺美食節目《為何深夜總是餓》中，以低胸上陣做助手教烹飪，又喺《今晚poke嘢夜唔夜》大膽探討性話題！

結果，相一出就引嚟唔少網民嘅注意及紛紛留言，而貝依霖就澄清自己冇露暈，只係個bra嘅lace，指大家誤會咗。

貝依霖示範日式綁縛

《杜汶澤 喱騷》好睇在夠出位，內容夠爆，早排阿澤喺FB上載幾張節目照，見到貝依霖著上一件類似忍者服的超性感裝束，露出成對白滑大腿同遮都遮唔住的逼爆上圍，更被阿澤綁起吊高！阿澤仲搞笑留言話：「就快又到端午節嘞！為咗應節，我決定要去學紮糭，適逢阿貝依霖佢呢排好似有啲曵曵豬…….所以一於當佢咸肉糭咁紮！」

腿張開 無得輸

原來係節目請來繩縛師Rika彌紗示範日式綁縛，阿澤和貝依霖都有輪流做示範，不過相信觀眾都無專心聽講解㗎啦，因為雙眼根本離唔開貝依霖副Body！豐滿上圍不停在鏡頭前搖擺，一雙有肉地的白滑大腿被紮起，情色感爆燈！

貝依霖有舖露股癮

其實貝依霖都作風出位都唔係咩新鮮事，仲向來有舖露股癮，之前都試過好幾次喺社交網晒靚股，睇到男士們流晒鼻血！

鋼管舞女神

其實貝依霖早年參加内地節目《Hello！女神》後一炮而紅，更加被稱讚外貌甜美，酷似林依晨，IG即時多咗唔少粉絲。Chantale不時都會上載大的跳鋼管舞照片同影片，跳鋼管舞誘人至極，果然係性感尤物！

青春無敵

1994年出世的貝依霖現時只係23歲，青春無敵，有樣有身材，眼大大笑容甜美，希望將來有更多機會見到佢啦！

電影演學生妹

貝依霖喺《初戀日記：賤男蜜擾》亦有份演出，唔好睇Chantale着起校服上嚟斯斯文文，清純至極，其實劇中演出十分大膽！有一幕係着性感內衣喺床上勾引馬志威，仲喺身上綁紅絲帶要馬志威玩「拆禮物」，性感程度令人乍舌。