小三好長大了 17歲陳詩慧出年迎戰DSE
撰文：Joanne(原文刊於Sunday kiss) 圖片：新傳媒資料室、陳詩慧ig
陳詩慧喺街頭被星探發掘
陳詩慧18個月大已經好可愛，又淡定！
陳詩慧同家姐小慧，兩個都係童星，兩姊妹都係因為個樣得意可愛，畀星探喺街頭發掘！
家姐小慧係御用政府宣傳片同教育電視童星，因為13歲已經係童星嘅尷尬年齡，所以小慧就暫別銀幕，專心讀書。
而詩慧05年就開始拍電影，先後拍過謝霆鋒、房祖名主演嘅《男兒本色》。
仲有古天樂、大S嘅《保持通話》，部部都係大片。
就係因為《保持通話》嘅演出，畀大台監制梅小青賞識，於是就邀請詩慧飾演《宮心計》入面嘅小三好！
拍《宮心計》嗰陣，詩慧幾乎場場戲都要喊，但係一樣難唔到佢！
頭兩集就做小三好，到大結局就做三好個女，鄭嘉穎飾演嘅高顯揚，就係佢「爸爸」喇！
小三好與小金鈴當時都好受觀眾歡迎㗎！但係因為喺片場有私家椅坐，又可以自由出入化妝間，所以搞到其他小朋友眼紅啦！
到拍《公主嫁到》又再「連戲」做佘詩曼嘅小時候同囡囡，其實真係似樣咩？
喺《女拳》扮演童年陳法拉，辛酸兼缺乏母愛，絕招依然係喊得夠自然！
拍《法證先鋒III》，同視帝黎耀祥做父女。
《流浪漢世界杯》，同黎姿有唔少對手戲。
據聞詩慧曾獲邀演出周杰倫主演嘅《逆戰》，但係因為電影公司要求hold詩慧兩個出埠拍攝，陳媽媽覺得太困身，又好難同學校請咁長假，所以最後都係推咗，六位數字嘅片酬見財化水喇！不過失去一次機會，詩慧仍然有好多演出機會，仲同好多大卡士合作過！好似有林峯啦！
有蔡少芬啦！
有張可頤啦！
仲有張家輝！
詩慧喺電視嘅出鏡率一度好高，但係到4年班上學期，考試成績唔理想，老師勸她專注學業，不過佢仍然堅持拍劇，後來入咗元朗區官立中學之後，就開始暫停拍劇喇～
呢間中學都出過唔少名人㗎！好像馬神馬德鐘同太太張筱蘭，都係喺度讀書同邂逅㗎！
詩慧今年已經17歲，同家姐小慧一樣，大個咗都係咁靚女，戴起副大框眼鏡，仲有幾分文青氣息！
細個時個樣仲喺度，不過就多咗好多少女味啦！
見到佢ig有現Drama嘅相，仲攞咗個最佳女主角獎添！相信詩慧對演戲仲好有興趣嘅！
出年就要考DSE，相信詩慧嚟緊都會以學業為重！唔知考完試之後，仲有冇機會睇到佢喺幕前演出呢？
延伸閱讀：
【跳躍生命線】入行20年！李日昇學霸童星變爆肌男
