chi1

小智落選港男 網民撐有香港精神

小智Jason於今屆港男首輪面試後,雖然最終落選,但其搶眼蜘蛛俠上衣及經常拎住用嚟收伏小精靈嘅master ball,成功吸納好多fans!日前小智接受新地fb訪問,即吸引約17萬人瀏覽,三千多人關注,而好多網民認為小智落選實在可惜,不過都留言大讚佢敢企出來報名參選,絕對勇氣可嘉,完全發揮香港精神,就連已入圍嘅大隻消防員Flow亦都於新地fb留言,撐小智有勇氣嘗試已經好勇敢,仲表示會教小智健身,認真有心!

其他文章︰

小智接受本刊訪問時,對於落選港男係意料之內,但下年會再接再勵,屢敗屢戰!至於將來會否參加其他比賽或向其他難度挑戰,小智表示可能會先去康文署健身,因為好多朋友都覺得我未夠大

隻,要練番六o舊愛肌先去參賽!好多人都會留意小智手上成日拎住兩個波,小智指其實係master ball,用來捉寵物小精靈喎!問到其比卡超加蜘蛛俠造型,小智笑言因為佢本身冇透氣衫,而呢件

蜘蛛俠衫夠晒透氣,較易散汗!再問到感情狀況,小智說廿幾年來都冇拍拖仲係單身,仲笑言好想識番個好似AKB48嘅渡邊麻友及前田敦子嘅女友喎!

小智專訪足本睇part 1:

小智天才表演:

網民撐有勇氣

網民睇完小智專訪後,都紛紛留言表示小智敢報名參選港男,絕對係好有勇氣!而已入圍嘅大隻消防員Flow亦留言撐小智,仲話願意教小智健身!

亦有網民直認開始睇小智專訪時,係抱住得啖笑心態,但後來被佢自信所感動!

有網民指小智其實都好可愛,而且又覺得佢心地好,叫大家唔好蝦佢,又指佢唔怕失敗精神好抵讚!

亦有網民撐小智外形唔差,更有網民睇完小智訪問後,直言有小小鍾意佢!

全文完

關鍵詞
小智港男