少婦聯盟

少婦聯盟成員龔嘉欣 超市晒美腿格吓價

少婦聯盟四位成員點解個個未嫁都叫自己做少婦?除咗因為拍劇時嘅角色,仲因為大家都愛行超市愛格價囉!原來珍珠都冇咁真,早排本刊就見到成員之一龔嘉欣一個人表情多多逛超市,睇個樣真係仲興奮過買衫呀!

撰文:東方新地│圖片:新傳媒圖片

少婦聯盟成員龔嘉欣 晒美腿

照咁睇就係收工順手去買餸再返屋企,化晒妝著埋熱褲嘅嘉欣離遠已經好吸睛好易認,不過再多人望都阻止唔到佢專心睇嘢同格價,人哋買咗啲咩又要望吓、白醋係咩成份都要睇過、買盒蕃茄都要揀嚟揀去揀盒最靚,一時嘟晒嘴、一時就自己偷笑,邊有人一個人行街都咁多表情㗎?

少婦聯盟
行超市撞到少婦聯盟成員龔嘉欣已經夠好彩,點知嘉欣仲著埋熱褲、白滑長腿外露,絕對係bonus。
少婦聯盟
龔嘉欣拎住支白醋又研究一番!

買每樣嘢都睇清楚成份、又揀盒最靚,咁都未夠,龔嘉欣買到心水嘢,滿足偷偷地笑!

少婦聯盟
龔嘉欣做喊戲一流,呢個甜笑都好得!

少婦聯盟

收工去行超市一個人最好,鍾意行幾耐就行幾耐,買齊嘢畀完錢,龔嘉欣仲好有公德心咁排好車仔至走人。

少婦聯盟
龔嘉欣排隊畀錢,一直望住收銀過機,好謹慎!
少婦聯盟
龔嘉欣離開前把自己用過嘅車仔排番好,好有公德心,要畀個LIKE!

做開密實姑娘嘅嘉欣,久唔久晒吓小性怠照片!

少婦聯盟成員好感情,早前白色情人節就約埋玩煮飯仔!咦!陳凱琳唔使陪鄭嘉穎咩?