尚氣

尚氣|梁朝偉揭每日拍足十個鐘冇得放飯 鄭裕玲爆梁朝偉鮮為人知一面

最新娛聞

廣告

由梁朝偉、陳法拉、劉思慕、奧卡菲娜等人所主演的Marvel電影《尚氣與十環幫傳奇》(Shang-Chi and the Legend of the Ten Rings)於上周四(4/9)上映,香港開畫單日收300萬元,全球總票房接近10億港元,實屬厲害。梁朝偉日前接受鄭裕玲(Do姐)《口水多過浪花》節目訪問,二人大談梁影帝過往拍攝電影軼事外,還大爆梁朝偉鮮為人知一面。

編輯:東方新地|圖片:鄭裕玲IG、口水多過浪花Facebook截圖|原文刊於:新Monday

Do姐鄭裕玲在社交網連po兩段片,一段是訪問梁朝偉前,二人一見面即相擁的片段。而另一段片便是24分鐘的訪問內容,大家都對兩位舊拍檔的訪問內容充滿期望,果然Do姐不會令大家失望,與梁朝偉如舊朋友敍舊般親切互動,亦爆了不少梁朝偉鮮為人知一面,偉仔有問必答,更加唔係一句起兩句止,被網民大讚近來最「高汁」訪問。

尚氣 Do姐鄭裕玲與梁朝偉一見面即親切相擁,呢個畫面好難得﹗
Do姐鄭裕玲與梁朝偉一見面即親切相擁,呢個畫面好難得﹗(圖片來源:鄭裕玲IG)
尚氣 梁朝偉埋位前與Do姐閒話家常﹗
梁朝偉埋位前與Do姐閒話家常﹗(圖片來源:鄭裕玲IG)

梁朝偉接拍因為《尚氣》導演最初表示:不用打?

Do姐鄭裕玲問到梁朝偉接拍《尚氣》原因時,梁朝偉表示:「周遭好多因素都會促成,或未能成功接到,因此每次接戲都很講緣份,而今次先是導演聯絡,後來大家透過視像會議傾談,但眾所周知,Marvel向來都很神秘,而當時導演都只是對我講是要做大反派、角色好多層次,我問使唔使打,導演話唔使打,我就決定接。」

尚氣
(圖片來源:口水多過浪花截圖)
尚氣
(圖片來源:口水多過浪花截圖)

梁朝偉:拍《尚氣》令我諗番以前電視台拍劇嘅感覺

Do姐聽後反問朝偉哪個較為吸引他時,朝偉即答話:「大反派,因我以為是很邪惡的大反派,但當我接到劇本時,反而是一個好有人性的反派,有很多的感情戲,覺得好難演。在整個過程導演好信任我,一入組就埋位拍,大家先拍動作戲份,但當時是夏天,要黐頭套、又要著古裝,都幾熱、幾辛苦,令我仿如重回昔日在電視台拍攝時的感覺。」

尚氣 梁朝偉透露疫情期間除了拍攝《尚氣》,還拍了套港產片,即將會到上海拍戲,明年會到溫哥華拍電視劇
梁朝偉透露疫情期間除了拍攝《尚氣》,還拍了套港產片,即將會到上海拍戲,明年會到溫哥華拍電視劇 (圖片來源:劉嘉玲IG)

梁朝偉爆每日拍足十小時 冇放飯時間

梁朝偉更指每日拍足十小時,而且中間沒有休息時間,沒有放飯時間,令Do姐相當驚訝,梁朝偉話:「每日拍足十個鐘,冇得休息﹗因為唔想break一break會散晒,唔放食飯﹗但現場有嘢食喺度,你可以去食﹗但唔會畀大家放飯或者休息﹗不過佢哋拍攝好有效率,過程好流暢﹗」Do姐問今次拍攝經驗有乜感覺?梁朝偉坦言整個拍攝令佢好緊張、好大壓力﹗但卻令他成功跳出comfort zone:「我工作通常都係合作開嘅,今次好唔同全部唔識,淨係識導演一個,所以真係好緊張吓㗎﹗」

尚氣
(圖片來源:口水多過浪花截圖)
尚氣
(圖片來源:鄭裕玲IG)

梁朝偉最愛水上活動

Do姐及後再問梁朝偉,閒時不用拍戲會做些甚麼時,梁朝偉笑說:「不用拍戲時,六點左右起身 ,會先做兩小時運動,然後去超市買嘢整午餐,之後就會出海,如玩帆船、沖浪,不想外出就會留在家中看電影,晚上食晚飯,這對我來說就已是個豐富的一天。」Do姐聽後追問,你很喜歡水上活動?朝偉即回覆:「因為香港夏天好熱,冬天也會照常出海,因玩帆船可以更了解大自然,學到不同的知識等。如果有日出去玩帆船,玩得好,就已經可以開心一整天。」

尚氣 梁朝偉最愛水上活動,笑言因為如衝浪一個人也能進行﹗
梁朝偉最愛水上活動,笑言因為如衝浪一個人也能進行﹗(圖片來源:梁朝偉IG)
尚氣
(圖片來源:劉嘉玲IG)
尚氣
(圖片來源:劉嘉玲IG)

鄭裕玲爆梁影帝後生時喜愛夜蒲

在節目訪問臨近尾聲時,鄭裕玲驚訝梁朝偉完全戒掉夜生活,並大爆當年與梁朝偉在電視台拍劇集時,他常常收工後都要去享受夜生活時間,雖然如此,翌日仍會準時出現在片場內,十分厲害;朝偉聽後就笑話:「戒夜生活應有20 – 30年了,很久沒有再夜蒲,現在最夜的活動最多是出街晚飯。」至於後生時喜愛夜蒲,偉仔笑謂:「以前後生,人生經歷嚟,嗰個年紀係做呢啲﹗」Do姐訪問期間爆梁朝偉曾透露36歲便想退休,偉仔笑言現在心態不同,遇到合適會拍,拍得辛苦之後便放假,因為自己真的喜歡演戲,偉仔話:「相信係開始做演員好辛苦吓,不過唔係經過咁辛苦,唔會有今日嘅我,依家長大了,人變了價值觀變了,唔會有咁極端嘅想法。」

梁朝偉同《尚氣》台前幕後合作愉快。
梁朝偉同《尚氣》台前幕後合作愉快。(圖片來源:楊紫瓊IG)
尚氣
(圖片來源:陳法拉IG)

網友:朝偉把聲沙到認唔到

有不少網友都有聽到今日Do姐同梁朝偉的訪問,網友們都紛紛留言指朝偉的聲音沙啞,完全認不出來:「朝偉佢把聲好似吾舒服,好好保重!」、「殷素素與張無忌」、「梁朝偉把聲唔同左」、「把聲沙到唔認得佢」、「偉仔把聲好沙,要養下聲」;另有部份網友卻來個懷舊劇情,反問大家還否記得,Do姐曾飾演朝偉的媽媽。

尚氣
(圖片來源:口水多過浪花截圖)
尚氣
(圖片來源:口水多過浪花截圖)
尚氣
(圖片來源:口水多過浪花截圖)
尚氣
(圖片來源:口水多過浪花截圖)

讀者留言