岑麗香

懷孕7個月!岑麗香晒孕照宣布BB性別

一向靚爆嘅岑麗香(香香)自從懷孕以嚟都明艷照人,唔經唔覺已經陀咗7個月BB喇!日前香香出席品牌春茗,著住低胸粉紅色豹紋孕婦裝,面形、身材都比之前微胖,不過依然係個大美人。香香個肚睇落真係比以前大咗好多,令到一班名人都忍唔住要隔住肚皮同BB影相!而今日情人節佢就大晒靚爆孕照,香香唔止依偎老公強強胸口甜笑,仲開估埋BB嘅性別㖭⋯

撰文:Kayla(原文刊於:Sunday Kiss)|編輯:東方新地|圖片:微博圖片:岑麗香instagram

岑麗香 晒孕照宣布BB性別

陀B七個月的準靚媽岑麗香,趁住今日係情人節,在社交網分享由Olivia Tsang操刀拍攝的美麗孕照,香香留言:「To my forever best friend, I’m so lucky that God gave me the best partner in the world! I pray our little guy will grow up to be just like his daddy!(給我永遠最好的朋友,我很幸運,上帝給了我世界上最好的伴侶!我祈求我們的小朋友長大後,會像他爸爸一樣。)」 香香仲加咗「 #happyvalentinesday💙#itsaboy!」兩個hashtag,原來香香陀住小強強啊!恭喜晒!

其中一張她和老公強強合照,相中她身穿黑色露背裙,無名指戴上鑽戒,香香挨在強強心口流露甜蜜笑容,超幸福!

Eliza Sam 岑麗香(@heungheungeliza)分享的貼文 於 張貼

岑麗香 陀巨肚去春茗

懷孕7個月嘅香香著住高踭鞋,著住一襲低胸粉紅色豹紋孕婦裝,而且仲頂住一個巨肚,一出場就已經成為全場焦點!當晚有差唔多將近100人要求同佢合照,當中包括好多名人,例如著名公關鄭紹康、時裝設計師何國鉦、陳法蓉等等。香香來者不拒,任影唔嬲,絕無架子!

由於香香一直未有公開BB性別,不過網民都覺得佢應該係陀囡囡,事關香香愈陀愈靚,雖然比之前微微發福,但魅力依然不減,唔知第時BB出世,會似爸爸定似媽媽呢?

坦言變大食媽媽

現時懷孕7個月的香香,上星期出席由王祖藍首次執遵的歌舞電影首映禮時,不怕危險仍然穿上高跟鞋,不過香香非常小心,行路都有人扶,問到老公強強會否擔心她外出工作,香香笑言老公非常放心:「佢覺得我就算大肚都要同社會有接觸、交流,間唔中做吓嘢都OK,小心啲就得。」

眼見香香身材比前往豐滿,上圍更是「升cup」不少,香香就話自己最近變得非常「大食」,不時都會有要「即刻食」的感覺:「好似今日我出門口之前無啦啦好想食Pizza,跟住就嗌咗個,食咗過一半嘅Pizza,仲要係一個正常size嘅大Pizza,哈哈!」

Eliza Sam 岑麗香(@heungheungeliza)分享的貼文張貼

岑麗香 陀B六個月罕有索爆晒線

岑麗香於上年12月6日正式喺個人社交網公布成功有喜,陀B唔經唔覺都已經有6個月!日前,香香罕有上載兩張自己著住粉紫色低胸裙嘅個人相,騷出事業線,超級養眼!

岑麗香

難得香香罕有大派福利,好多網友都隨即留言讚好,就連圈中好友蔡思貝、陳煒等都留言大讚香香超火辣!

延伸閱讀:

香香公主榮升香香媽媽

34歲女神岑麗香(香香公主)今個月6號喺社交網站公布陀B並留言「B-a-b-y coming 2019!」獲得唔少粉絲同藝人留言恭喜。

比堅尼
恭喜香香!

岑麗香罕有曬比堅尼照

今日香香就喺Instagram上發布一張著住比堅尼嘅背影照,留言「Aloha」。就咁睇見到香香四肢纖瘦,而且仲有腰型曲絲,真係完全唔覺得佢陀B五個月喎!

香香仲喺IG story上 Po一張喺泳池邊,著住長袖衫長褲瞓喺沙灘椅上嘅相,並Tag 地點係夏威夷,非常寫意!

岑麗香16年嫁強強

岑麗香於2009年贏得了溫哥華華裔小姐冠軍後回流香港發展,她的笑容甜美燦爛,因《巴不得媽媽…》香乃馨一角關係,讓觀眾對她的印象非常深刻,更被冠上香香公主名號。2015年被揭露她與金融才俊Joshua(強強)拍拖,之後在16年兩人在溫哥華結婚,過著幸福快樂的生活。

香香與金融才俊Joshua(強強)16年完婚
處女黨, 苟芸慧, 結婚, 退黨, 美女, 人妻,
強強為了香香從溫哥華搬來香港定居

岑麗香老公強強本來在溫哥華從事高薪金融工作,為了遷就老婆香香的演藝事業,決定來港定居,如此貼心的老公,香香真的是嫁對人啦!

延伸閱讀:

人妻岑麗香驚變獨眼巨人 網民:「對眼就嚟黐埋一齊喇!」

愈大愈靚嘅「香香公主」岑麗香離開大台之後,都係養尊處價為主,得閒出下活動拍下廣告搵快錢,唔洗再喺大台捱更抵夜拍劇,就自然容光煥發啦!香香靚就係靚咗,不過好似靚得古惑咗喎!最近就有連登巴打話:「驚嚇!岑麗香對眼就嚟黐埋一齊!」香香嘅五官疑似又發生咗微妙嘅變化⋯⋯

撰文:新Monday|圖片:heungheungeliza、連登|編輯:東方新地

岑麗香, 香香, TVB, 眼

一直盛傳香香對眼係有做「開眼頭」,連登巴打就發現佢兩眼之間嘅距離好似愈來愈窄。

大家不妨睇下佢嘅近照,度一度兩眼之間條gap⋯⋯

岑麗香, 香香, TVB, 眼

岑麗香, 香香, TVB, 眼

對電眼愈來愈迷人喎!

岑麗香, 香香, TVB, 眼

香香喺今個月17號渡過34歲生日,唔知佢嘅生日願望係咪愈大愈靚?

回帶睇返佢8年前選華姐嘅樣貎。

連登巴打點睇?

連登仔成日都恥笑As One成員Shin眼距闊到可以擺多對眼,今次佢哋就叫Shin分幾cm俾香香喎!

香香高中時代嘅相又俾人回帶。

岑麗香離奇走樣

去年「香香公主」岑麗香、莊思敏、莊思明、莊思華、陳庭欣等藝人到沙田馬場出席活動,莊思明活動後喺IG貼咗張同香香、莊思敏嘅合照,仲留言寫上「甜甜的香香公主」,但睇真啲香香個樣又膠又怪,面容扭曲仲有啲,認真離奇!

岑麗香
平日嘅岑麗香甜美又可愛,但呢張合照膠味好濃,唔講仲以為係宮雪花呀!
岑麗香
不過另一張合照,香香又正常番!

睇番岑麗香當日嘅相,再比較下同莊思明嘅合照,明顯冇咁膠而且自然得多,之不過香香公主瘦咗好多喎,睇吓膊頭同鎖骨,真係好骨感!其實當日係岑麗香同老公強強結婚一周年紀念日,工作完畢後即要飛往加拿大與丈夫會合慶祝,她稱因時差關係,飛到當地仍是結婚紀念日,笑言彷彿穿越時空。

莊思明申冤:我冇P圖

唔少網友睇到張合照,都問莊思明係咪P圖,搞到企中間嘅都岑麗香走樣,不過莊思明就澄清其實張相係家姐莊思敏影,佢用咗無他App美顏相機影,佢冇P過圖喎!

睇呢張相嘅左下角,莊思明係用咗WATA CAM!

莊思敏、莊思明、莊思華三姊妹一齊出席活動,真係好難得,個個都性感上陣,呢幾日得嗰11、12度,真係睇到都覺得凍,幾時都話女人愛靚唔愛命啦!

以前包包面

岑麗香係2010年國際中華小姐冠軍,其實睇番啲舊相,香香剛出道時有啲baby fat,包包面而且手腳都啲少少肉地,而近年佢都愈嚟愈靚,仲愈來愈瘦㖭!

岑麗香
呢張相都係同莊思明、莊思敏合照,但香香冇離奇走樣囉!

雖然岑麗香以前有baby fat,但其實唔少網友都話香香公主有啲肉哋先至可愛,仲話佢依家太瘦,紛紛鼓勵佢增肥㖭!

 

 

關鍵詞
岑麗香