岡本女神 做過waitress 黃可盈 :都係體驗嚟啫!

唔少人都喺地鐵站廣告見到一位排球少女賣岡本安全套,笑容甜美相當吸睛,連登都有人開post問呢位「 岡本女神 」係乜水!呢位靚女叫 黃可盈 (Flavia),佢剛喺香港浸會大學傳理國際新聞系畢業,而畢業前Flavia拍過港台劇集《獅子山下》、《明月扁舟》等,仲喺書展推出寫真散文集《還原。黃可盈》,可謂電視網上都積慮不少名氣。不過最估唔到係呢位 岡本女神 做過餐廳waitress,但黃可盈 認為:「都係體驗嚟啫!」

圖片:新傳媒資料庫、黃可盈@IG、港台劇《明月扁舟》截圖

學界女神 變 岡本女神

被譽為「學界女神」的 黃可盈 今年21歲,當年DSE有20分,雖然過到入U門檻(33223),只係唔夠人高分,所以佢先喺大專香港城市大學專上學院讀英文專業傳意副學士課程,再以GPA 3.54 相當理想嘅成績入浸會大學傳理國際新聞系,今年終於成功畢業,佢話:「讀副學士唔代表失敗,DSE都只係人生一件小事!」以過來人勉勵DSE考生。

延伸閱讀:

擔正《男臣》做太監 何廣沛:我本身就似公公

環遊世界 蜜月造人 黃翠如 蕭正楠8月結婚

 

 

 

 

拍過港台劇

好多大專生都會做兼職幫補收入,Flavia都唔例外,曾經喺親戚間餐廳度幫手做waitress。佢話好多朋友聽到佢做waitress都好意外,覺得佢唔需要做啲咁勞動性嘅工作,不過Flavia就覺得冇咩所謂,仲話:「都係體驗嚟啫!」此外Flavia都有做兼職模特兒,喺2015年Flavia拍過港台劇集《明月扁舟》,劇中飾演一個被欺凌的女學生,經常擺出一副淒慘傷心的表情,真係惹人憐愛。而憑住「學界女神」呢一個稱號,畀岡本留意到佢的青春活力,拍咗呢一輯岡本排球少女的廣告,大受歡迎,被網友稱佢為「 岡本女神 」。

 

Flavia喺劇中演被欺凌的女學生,穿上校服的她,樣子相當清純!

 

 

 

 

傳統女名校讀書

唔好以為做得「 岡本女神 」就好開放,其實黃可盈由細到大都喺傳統保守的女校讀書,Flavia中小學都係讀灣仔嘉諾撤聖方濟各書院,一間好傳統的女校管教學生好嚴格。例如聖誕節部分女校會搞聯校X’mas Ball,不過學校多年來都唔批准,原因係X’mas Ball同期中考試好近,怕影響成績,所以當時Flavia就只係可以羨慕其他女校喇!

 

 

 

 

書展出寫真散文

Flavia話拍岡本廣告果陣,有好大的心理關口,因為香港係個保守的華人社會,未必個個接受到由一位少女代言安全套,但佢諗深一層自己又唔係賣肉,而係sell運動,形象好健康,所以答應接拍。而近期佢喺IGpost咗啲三點式寫真照,都只係為咗宣傳書展推出嘅寫真散文《還原。黃可盈》,Flavia話新書性感照只係佔一少部分,仲叫大家買本嚟睇。

 

 

 

 

 

 

拒選港姐

對於有冇興趣加入電視台拍劇?Flavia稱暫無打算做全職演員,自己希望襯後生試唔同嘢先,亦唔會參選港姐,因為佢話自己美貌與智慧都麻麻,所以唔會考慮。既然係咁,大家期待吓佢未來的發展,睇吓有咩新突破啦!

 

 

 

 

 

 

全文完