001

《幫緊你應援團》獲觀眾大讚 台長魯庭暉談ViuTV成功之道

最新娛聞

近日播出的《幫緊你應援團》獲不少觀眾大讚非常有愛,其實ViuTV開台五年,無論是自家製電視劇、還是綜藝節目均蠃盡口碑,ViuTV掌舵人董事兼總經理魯庭暉自然功不可沒,日前他就有感而發在IG發長文分享當中成功之道。

文:東方新地 |圖:魯庭暉 IG、ViuTV 截圖

《幫緊你應援團》獲觀眾大讚 台長魯庭暉談ViuTV成功之道
ViuTV台長魯庭暉。(圖片來源:ViuTV 截圖)

《幫緊你應援團》獲觀眾大讚

男團MIRROR、ERROR今年人氣急升,連帶ViuTV的節目也愈來愈多人留意。近日播出的《幫緊你應援團》亦獲不少觀眾關注,大讚節目幫助不同人士達成願望,非常有愛。其實ViuTV開台五年,無論是自家製電視劇、還是綜藝節目均蠃盡口碑,ViuTV掌舵人董事兼總經理魯庭暉自然功不可沒,日前他就有感而發,在IG上載一集《幫緊你應援團》的照片,並分享ViuTV節目之所以能吸引觀眾眼球的成功之道。

《幫緊你應援團》獲觀眾大讚 台長魯庭暉談ViuTV成功之道
ViuTV開台五年,無論是自家製電視劇、還是綜藝節目均蠃盡口碑,ViuTV掌舵人董事兼總經理魯庭暉自然功不可沒。(圖片來源:ViuTV 截圖)
《幫緊你應援團》獲觀眾大讚 台長魯庭暉談ViuTV成功之道
魯庭暉日前有感而發,在IG上載一集《幫緊你應援團》的照片,並發長文分享ViuTV節目之所以能吸引觀眾眼球的成功之道。(圖片來源:魯庭暉 IG)

台長魯庭暉發長文談成功之道

魯庭暉以「ViuTV嘅同事,有無咩最大共同特質?」為開首,並說:「有人話係年輕。傻啦,我哋10幾歲到60幾都有,有一次,阿金生(金廣誠)同我去見人,前輩嚟嘅,金生識咗好多年,我第一次見。金生介紹我︰呢位係我老細。可能因為嗰度環境有啲嘈,前輩聽唔清楚,反問:呢個係你個細仔?金生尷尬到一個點,因為計一計,佢堅生得我出。係呀,佢同好多同事都唔年輕㗎(咁佢哋又係young at heart嘅)。不過年齡,應該唔係最大共同特質囉。咁係咪創意?一時時啦,我office有個list,叫『到底我當時諗緊啲乜』。陳列出一眾我當時approve咗,但做咗出嚟之後我睇完想燒片嘅節目。咁無嘅,係咁㗎啦,要得創意之果,必經創作之痛啩。」

《幫緊你應援團》獲觀眾大讚 台長魯庭暉談ViuTV成功之道
魯庭暉曾製作出「全民造星」、「男排女將」等節目均掀起城中熱話。(圖片來源:ViuTV 截圖)
《幫緊你應援團》獲觀眾大讚 台長魯庭暉談ViuTV成功之道
魯庭暉發文。(圖片來源:魯庭暉 IG)
《幫緊你應援團》獲觀眾大讚 台長魯庭暉談ViuTV成功之道
魯庭暉發文。(圖片來源:魯庭暉 IG)

關鍵在於員工特質

魯庭暉回憶幾星期前跟幾位不同部門的同事開會,當時大家悶悶哋就轉話題,討論《七救星》P1X3L做嘉賓一集。他說當時同事A指該集內容感動,問P1X3L何時出新歌,同事B及同事C聞言均主動提意見,並願意互相配合,魯庭暉將一切看在眼內:「我睇住佢哋講,我諗咗一下。其實單嘢唔係好關佢哋事,佢哋唔係用嗰隻旁觀心態講緊其他部門壞話,佢哋係覺得節目做得好,上咗心,戥件事心急,想盡力諗方法再幫一下件事,唔想浪費一個幫到人嘅Timing。」魯庭暉最後認為關鍵在於ViuTV員工的特質:「或者我哋有啲嘢好睇,有啲嘢好難睇。有時做得ok,有時做得好差。不過,呢班人,個底,應該好心地。」

《幫緊你應援團》獲觀眾大讚 台長魯庭暉談ViuTV成功之道
魯庭暉認為ViuTV員工的最大特質最為關鍵。(圖片來源:ViuTV 截圖)

生bear 係bear定係啤?

「生bear」一直被指是照著ViuTV董事兼總經理魯庭暉的樣子創作,日前魯庭暉更在社交網親自講述出「生bear」名字的由來。魯庭暉帖文以「生bear個名」為題,直言同事原本想叫「生bear」做「Viuson」,但被他嫌這個名太正經,所以最後由他親自起名。

生bear
ViuTV的PR一向稱呼自家吉祥物為「Sound Bear」,魯庭暉今次出文就稱呼它為「生bear」,不過看他起名的原意,似乎應該稱呼它做「生啤」?(圖片來源:ViuTV網頁截圖)
MIRROR
ViuTV早前為慶祝5周年送出的「生bear」麻雀大受歡迎,好多粉絲都在魯庭暉的社交網留言跪求ViuTV加推「生bear」產品!(圖片來源:ViuTV影片截圖)

魯庭暉表示:「話說,生bear起源嚟自同事同我講:『你再唔整隻吉祥物,以後同事同媒體一講我哋個台就key你個樣』,我真心驚,所以話好啦好啦你地整啦。整完之後,未知叫咩名,當日個working title叫viuson。我覺得咁叫正經得滯,唔buy。」

生bear
魯庭暉指ViuTV的同事原本想key佢個樣做吉祥物,亦有指「生bear」其實是照著魯庭暉的樣子來創作,圖為魯庭暉在ViuTV初開台時的樣貌。(圖片來源:ViuTV影片截圖)
生bear
網友認為肥嘟嘟呢點的確係幾似!(圖片來源:ViuTV影片截圖)
ViuTV
早前魯庭暉曾與生bear在《ViuTV 5周年:繼續向前》活動上同場現身。(圖片來源:ViuTV圖片)

魯庭暉續說:「我話有冇啲無聊啲嘅名呀。跟住就梗係冇啦,一段時間後,有一日,同事係個WhatsApp同我講仲有兩個鐘就要決定個名,你再冇suggestion我哋就用viuson,咁啱,當晚我同另外一個同事飲緊啤酒,枱面上有呢支嘢,我覺得個啤酒typeface都幾靚,所以就有以上嘅對白。」最後魯庭暉表示:「一切都在混沌裏產生。」

生bear
魯庭暉因為覺得枱面支啤酒個typeface幾靚,所以為ViuTV吉祥物起名「生bear」。(圖片來源:魯庭暉IG)
生bear
由於ERROR節目曾多次炸「生bear」,網友笑指好彩有「生bear」嘅存在,如果唔係就變咗炸魯生。(圖片來源:魯庭暉IG)
生bear
不少網友跪求魯生再推出多啲「生bear」產品。(圖片來源:魯庭暉IG)
生bear
網友更直指魯生同「生bear」好似樣。(圖片來源:魯庭暉IG)

讀者留言