pic 1

年尾睇好戲 五大IFFAM最令人期待的電影!

終於12月,無論2016年對你嚟講係好定壞,嚟到年尾,一定要睇返場好戲,一洗頹氣~ 唔講唔知,原來有一個國際影展將會喺我地附近舉行,到時論仲會有來自世界各地超過二十個地方總共五十套戲一次過大放送(oh my god仲有好多係世界/亞洲首映添呀)!無錯,喺12月8號至12號,第一屆澳門國際影展暨頒奬典禮(IFFAM)就會喺澳門舉行喇~ 仲唔快啲執定行李,weekend搭船過澳門睇場好戲,再順便玩返夠本!

Presented by 澳門旅遊局

Text: elainesham

資料由客戶提供

個Plan唔錯呢~ 但成50套戲咁多,花多眼亂點揀喎!唔駛驚,等我介紹返5套必睇好戲比你啦~

 

電影盛會——《土竜の唄 香港狂騒曲》

the-mole-song---hong-kong-capr (2)

導演:三池崇史

故事大綱:改編自高橋昇創作之暢銷漫畫,訴說史上以最低分數畢業的巡警菊川禮二(生田斗真 飾演)的離奇經歷。他被授命以臥底身份潛入有組織犯罪集團之中,為這個日益腐敗的社會重整秩序。瘋狂、刺激、動作、情色、浪漫、笑聲,連串精彩故事就在香港發生!

pic 3

pic 4

點解睇:

相信鍾意睇日劇嘅你,生田斗真呢個名你一定唔會陌生!由10年前《花樣少年少女》嘅?仔,今時今日已經轉型成為一個非常成熟嘅演員!呢套戲搞笑得嚟夠晒顛,最啱想輕輕鬆鬆笑餐飽嘅你!最重要係,套戲係喺香港取景㗎~

 

 

開幕電影——《翩翩人生波麗娜》

pic 5

導演:Angelin Preljocaj, Valérie Müller

故事大綱:波麗娜本是芭蕾舞大師波金斯基的得意門生,前途無可限量,以莫斯科大劇院芭蕾舞團為終極目標。直至她遇上了現代舞,才發現心中真正所愛。她不惜放下一切搬到法國跟隨著名編舞家,傾盡一切奮力練習,卻卡在瓶頸無法突破……

pic 6 pic 7

pic 8

點解睇:

做得開幕電影,《翩翩人生波麗娜》一定有返咁上下質素嘅~ 呢套戲比較著重於藝術同美學方面,導演同演員致力將舞蹈嘅魅力(芭蕾舞同現代舞)完全咁展現比觀眾睇,鍾意電影同舞蹈嘅你都唔可以錯過呀~

電影盛會——《潘朵拉》

pic 9

導演:朴正祐

 

故事大綱:前所未有的核災難席捲南韓!突如其來的地震讓核電廠的舊管道損壞,造成爆炸,幅射洩露的危機逼於眉睫,全城極力救災,然而下一輪爆炸的威脅已襲來……在核電廠工作的 Jae-hyuk 能夠阻止核爆炸,成功帶領大家脫離危險嗎?

pic 10 pic 11

點解睇:

韓國拍災難片一向都有一手!今次仲要拍核災,聽到都覺得緊張刺激!

最緊要係……有金南佶OPPA吖嘛(心心眼中)~

 

 

電影盛會——《海上花》

pic 12

導演:楊凡

 

故事大綱:珍貴經典作品,經過歷時16個月的電子數碼修復,30年後以原裝國語版再現於大銀幕。葡萄牙殖民地時期的澳門,清純的茶樓歌女美玲(張艾嘉 飾演)與日本青年中村(鶴見辰吾 飾演)懈逅,二人共墜愛河,短暫相戀繼而分離。10年後中村故地重遊……

pic 13

pic 14

點解睇:

經典之所以為經典,就係無論過咗幾耐都一樣站得著腳!30年前嘅《海上花》,當年青澀嘅張艾嘉真係驚為天人呀~ 難得係套戲仲要喺澳門取景㗎,去返澳門睇特別有feel呢~

焦點演員:桂綸鎂——《德布西森林》

pic 15

導演:郭承衢

 

故事大綱:「誰都曾想過逃離這座城市……不顧一切地,勇敢前往心中渴望的那座森林……」在荒蕪的深山裏,一對母女過着與世隔絕的日子。女兒的精神狀態看來脆弱且無助,彷彿對周遭的一切了無生趣。原來,在她們來到這裏之前,女兒是個知名的鋼琴家……

 

點解睇:

因為有桂綸鎂囉!女神喎,點可以唔睇!唔講唔知,佢仲係今次IFFAM嘅焦點演員嚟㗎~ 呢部電影桂綸鎂飾演一個喪夫喪子嘅遺孀,絕對係一個難度非常高嘅挑戰!一於落足眼力睇下女神今次表現成點啦~

pic 16 pic 17

後記:

其實IFFAM好戲又點只5部咁少喎,係有成50部咁多!除咗有競賽環節,影展籌委仲特登分咗好幾個放映門類,例如「藏龍」係一啲好有特色,題材新穎嘅電影,而「Crossfire」就係12部由12個名導演挑選嘅經典作品,仲有太多太多,不能盡錄……計我話,唔好諗咁多,一於買定船飛,去澳門過一個好戲weekend啦!

 

戲飛都已經有得賣喇!快啲上IFFAM官網睇下有咩戲睇啦:www.iffamacao.com

關鍵詞
電影