wong fi

年掃過億磚頭 王祖藍 為阿媽買發跡公屋

近年在內地爆紅的王祖藍,越搵越有,去年更開埋「手工藝創作有限公司」,拓展做埋生意人;撈到風生水起,祖藍亦唔會只顧自己,除咗係「愛妻號」,更加侍母至孝,年掃過億磚頭的他,除了買樓送畀老婆,去年更一掟3700萬買入逸瓏灣一個連花園特色戶送畀阿媽,讓媽媽享清福。王祖藍更非常細心,知道媽媽掛住一班恆安邨舊街坊,還買下昔日全家人同住的發跡公屋,方便媽媽同街坊敘舊都有落腳地,王祖藍絕對係超級孝順仔!

撰文:東方新地

圖片來源:新傳媒圖片庫、王祖藍微博

王祖藍 想家人住埋一齊

即使內地工作不停飛撲埋身,賺錢能力高企,但為陪老婆李亞男,王祖藍決定減產留港,已經推掉多個內地真人騷,完成《奔跑吧!兄弟》第二季,就暫停接要長時間留內地的工作,放假同亞男旅行努力造人。據知情者透露:「祖藍明白錢係搵唔晒,最重要係家人健康同開心,佢唔想因為搵錢,成日留低亞男一個人喺香港,寧願賺少啲都要放假!」自從爆出李亞男患上抑鬱,王祖藍唔敢掉以輕心,決定為老婆減產留港;日前就同老婆及阮兆祥到九龍城打邊爐,雖然搵埋唔少,但祖藍卻非常有衣食,食淨嘢打包攞走唔會浪費!

王祖藍

王祖藍
紅到返內地,王祖藍在香港當然有唔少粉絲,當日祖藍臨走,亦被員工捉住集郵。

念舊的王祖藍,當日約咗幾位無綫舊夥伴,同阮兆祥一齊打邊爐,上車前,仲同友人傾到唔捨得走。

王祖藍
祥仔送王祖藍上車,繼續傾多幾句,才施施然自己揸車走。

為阿媽買發跡公屋

唔只係「愛妻號」,王祖藍對家人亦同樣照顧周到,更加侍母至孝,上年就以3700萬買入自己寓所同屋苑連花園特色戶畀阿媽住。據知情者透露:「因為爸爸一早過咗身,祖藍成日話媽媽好辛苦湊大佢哋,佢真係好錫媽媽,雖然結婚之後,都想有自己私人空間,但亦希望一家人可以住埋一齊,所以佢就喺自己住嘅逸瓏灣屋苑,買多個連花園有三千幾呎嘅特色單位送畀媽媽,又買多層樓畀細妹住,等大家方便照應。」

王祖藍
祖藍爸爸在他23歲時患腸癌去世,當時祖藍仲讀緊演藝學院,由媽媽賺錢養家,祖藍畢業後就努力工作擔起頭家,對媽媽更非常孝順!一有時間就陪媽媽吃飯!

方便阿媽探街坊

屋村仔出身的王祖藍,細個全家住在沙田恆安村,發跡後亦非常念舊,知道媽媽唔捨得一班舊街坊,祖藍就買下發跡公屋畀阿媽。據知情者透露:「祖藍媽同恆安邨一班舊街坊感情好好,一得閒就會返去同佢哋飲茶吹水,祖藍咪買埋間公屋,等阿媽幾時返去住吓都得,探完街坊亦可以有地方休息吓!」

王祖藍
除咗錫媽媽,王祖藍同細妹感情一樣好,去年底亦在逸瓏灣買了一個700呎單位送給細妹居住。
王祖藍
長註內地工作賺人仔,王祖藍唔想長期凋低老婆,唔少工作都會預埋李亞男一份,夫妻檔工作爭取見面時間。

年掃過億磚頭

賺到盤滿缽滿,王祖藍近年狂掃磚頭保值,除了買下過億逸瓏灣連天台複式單位給老婆李亞男,王祖藍一年間再掃五個物業, 靠自己打拼,37歲手上磚頭已經過2億,認真唔講得少!

王祖藍
王祖藍亦孖住李亞男客串霆鋒的《鋒味》,早前到雲南拍攝!
王祖藍
王祖藍同阮兆祥、李思捷做《荃加福祿壽》開始走紅,為紀念《福祿壽》10周年,明年3月三人將再合體在紅館開show。